Dii de su Pi gregu
campidanesa. Abbàida sas àteras bariedades gràficas:
logudoresu · LSC · nugoresu
Sa Dii de su Pi gregu est una dii de s'annu dedicada a sa costanti matemàtica pi gregu, festada de sòlitu su 14 de martzu.
Dii de su Pi gregu
modìfica
Sa dii dedicada a su Pi gregu est su 14 de martzu: su sceberu dd'at ispirau su formau de sa data mesi-dii, impreau me is Stadus Aunius, sendi chi s'arresurtau est su nùmeru "3,14", grafia chi inditat s'acostadura a su centèsimu de pi gregu. In prus, calincunu dda festat a is oras 15, a manera chi sa data siat 3,1415, balori chi s'acostat de prus a sa costanti.
Sa dii dd'ant festada po sa primu borta in su 1988 me in s'Exploratorium de San Francisco, po mori de su fìsicu stadunidensu Larry Shaw, onorau apustis cun su tìtulu de "Prìntzipi de su pi gregu".[1] Su calendàriu de sa primu manifestada previdiat unu corteu tundu a giru de unu de is fràigus de su museu e sa bèndida de turtas a sa frùtura, decoradas cun is tzifras decimalis de su pi gregu (custu poita ca pi in inglesu tenit sa matessi pronùntzia de pie, turta tìpica de is paisus anglosàssonis). Cun is annus, sa festa est bessida famada me is dipartimentus de matemàtica e in istitutzionis vàrias de su mundu.
In su 2009, cun sa Risolutzioni H.RES.224, sa Càmera de is Rapresentantis de is Stadus Aunius de Amèrica reconnoscit su 14 de martzu comenti a dii ofitziali de sa costanti matemàtica e cumbidat is dotzentis a bivi sa Dii de su Pi gregu comenti a ocasioni po “animai a is giòvunus a su stùdiu de sa matemàtica”.[2] In su 2017 fintzas s'Itàlia at festau sa dii in manera ofitziali.[3]
Su 14 de martzu de su 2018, po is 30 annus de sa Dii, Google at onorau sa festa cun una versioni artìstica de su logo suu.[4] Sa pròpiu cosa dd'iat giai fata in su 2010.[5]
Dii de s'acostadura a pi gregu
modìficaSa dii de s'acostadura de pi gregu est su 22 de argiolas: 22/7 est difatis un'acostadura de π connota de su tempus de Archimede.[6]
Datas alternativas
modìficaIs datas chi sighint funt alternativas a su 14 de martzu e a su 22 de argiolas:[7]
- 26 abrili (o 25 abrili me is annus bisestus): in cussa data, a incumentzai de su 1 de gennaxu, sa Terra cumprit un'arcu cun circonfèrentzia de 2 radiantis, est a nai 1⁄π bortas s'òrbita totali a giru de su Soli.
- 10 de donniasantu (9 de donniasantu me is annus bisestus): sa de 314 diis de s'annu segundu su calendàriu gregorianu.
- 21 de idas (20 de idas me is annus bisestus): sa de 355 diis de s'annu, a is 13:13 (1:13 PM segundu sa notatzioni a 12 oras), chi currespondit a 355/113, àtera acostadura scoberta de su matemàticu Zu Chongzhi.
Riferimentus
modìfica- ↑ (EN) Justin Berton, Any way you slice it, pi's transcendental, in sfgate.com, 11 martzu 2009. URL consultadu su 14 martzu 2018.
- ↑ (IT) La festa del Pi Greco, il numero dei numeri, in areeweb.polito.it. URL consultadu su 14 martzu 2018.
- ↑ (IT) Paolo Virtuani, «Pi Day», il giorno del Pi greco: la festa della matematica per la prima volta anche in Italia, in Corriere della Sera, 14 martzu 2017. URL consultadu su 14 martzu 2018.
- ↑ (EN) 30th Anniversary of Pi Day!, in www.google.com. URL consultadu su 15 martzu 2022.
- ↑ Google festeggia il Pi Greco Day, ChannelCity, 14-03-2010
- ↑ (EN) Copia archiviata, in thinkfinity.org. URL consultadu su 14 martzu 2018 (archiviadu dae s'url originale su 1º nadale 2010).
- ↑ (EN) Pi Day, in geekdays.com. URL consultadu su 15 martzu 2022 (archiviadu dae s'url originale su 29 freàrgiu 2020).
Bibliografia
modìfica- (IT) Anna Cerasoli, Tutti in festa con Pi Greco, illustradas de Federico Mariani, Trieste, Editoriale Scienza, 2015, ISBN 9788873077213.
Ligòngius esternus
modìfica- (EN) Situ ofitziali, in piday.org.
- (EN)The Exploratorium's Pi page Pàgina dedicada a sa dii in su situ de s'Exploratorium
- (EN)How to celebrate Pi Day
- (IT) Un Pi Day italiano - Politecnico di Torino, in areeweb.polito.it.