Pi grecu

Custu artìculu est iscritu cun sa grafia Limba Sarda Comuna. Abbàida sas àteras bariedades gràficas:

campidanesu · logudoresu · nugoresu

Su nùmeru π (Pi grecu) est una costante matemàtica: su raportu intra sa tzircunferèntzia de una chircu e su diàmetru suo aprossimadu a 3,14159.

Su sìmbulu de su Pi grecu

Custu nùmeru est istadu rapresentadu cun sa lìtera greca "π" fintzas de sa metade de su de degheoto sèculu.

Essende unu nùmeru irratzionale, π no podet èssere esprìmidu in manera esata che una fratzione. Sa rapresentatzione detzimale sua no acabbat mai e no tenet nemmancu unu ischema ripetitivu permanente de nùmeros. Is tzifras parent tènnere una dispositzione casuale mancari fintzas a oe no amus galu provas de custu fatu. π est puru unu nùmeru trascendentale, est a nàrrere unu nùmeru ca no est sa raighina de nissunu polinòmiu diferente dae zeru chi tenet coefitzientes ratzionales.

Mancari is tziviltades antigas teniant bisòngiu de su valore de su Pi grecu pro resones pràticas, custu est istadu computadu, imperende tècnicas geomètricas, isceti fintzas a sa de sete tzifra. Istoricamente, sa prima fòrmula esata pro π, basada a pitzus de sèries infinidas, est istada iscoberta in su de batòrdighi sèculu dae matemàticos indianos. In su de binti e in su de bintunu sèculos, matemàticos e iscientziados de cumputadores ant iscobertu tècnicas noas ca oe ant portadu a 13,3 triliones de tzifras.

Artìculos ligados

• Die de su Pi gregu