El Salvadòr

Custu artìculu est iscritu cun sa grafia Limba Sarda Comuna. Abbàida sas àteras bariedades gràficas:

campidanesu · logudoresu · nugoresu

El Salvadòr, ufitzialmente Repùblica de El Salvadòr (in ispagnolu República de El Salvadòr), est un'Istadu de Amèrica tzentrale. Sa capitale est San Salvador, sa limba ufitziale s'ispagnolu.

Bandera

Posidura de in su mundu

S'istadu tenet isterrida de 21.041 km² e contat unos 6.520.675 bividores. Allàcanat a nord-ovest cun su Guatemala, a norte e a est cun su Honduras, est infùndidu a sud e a ovest dae s'otzèanu Patzìficu. A sud-est est separadu dae su Nicaràgua de su golfu de Fonseca. Est s'istadu prus pagu estèrridu, ma fintzas su prus densamente populadu de sa regione tzentru-americana.

Dae su 1980 a su 1992 est istadu teatru de una gherra tzivile intre is fortzas armadas guvernativas e is fortzas insurretzionales de su Fronte Farabundo Martí pro sa Liberatzione Natzionale (FMLN), a pustis de sa cale est incumentzadu su protzessu de apaghiamentu e democratizatzione de su Paisu.

S'istrutura econòmica est istada pro tempus longu basada in manna parte subra una agricultura forte de prantedos (cafè, cotone, canna de tzùcaru), cun sa majoria de is terras cuntzentrada in is manos de pagos latifondistas. In tempos prus reghentes at aviadu unu protzessu de industrializatzione e de diversificatzione de s'economia.