Funafuti

Artìculu in LSC

Funafuti est un'atollu de Tuvalu, capitale de sa natzione. S'artzipèlagu, cumpostu dae 33 ìsulas sa majoria de sas cales ispopuladas, tenet una populatzione de prus de 6.000 bividores, chi lu faghet èssere sa partzidura amministrativa prus populada de s'istafdu

Bista

S'atollu, chi tenet un'àrea de 275 km2, est cumpostu dae una tiria de terra larga intre sos 20 e sos 400 metros, chi inghìriat una laguna larga 18 km e longa 14, collegada a su mare de vàrios coladòrgios cun diversos grados de navigabilidade. Su territòriu cumplessivu de sas ìsulas non superat sos 2,5 km2.

B'at una sola istrada, longa unos deghe de chilòmetros, chi atraessat de longu s'isuledda de Fongafale in ue s'agatat sa bidda de Vaiaku, sede de totu sas sedes guvernativas, de unu aeroportu minore e de s'ùnicu hotel (su Vaiaku Langi Hotel).

Su prus importante edifìtziu de Funafuti est su palatzu de su guvernu, s'ùnicu fàbricu artu prus de unu pranu. Unu àteru logu de importu turìsticu est costituidu dae sas rastas de un'aèreu militare giaponesu, aterradu durante sa Segunda gherra mundiale cando s'aeroportu de Tuvalu est istadu impreadu dae sas fortzas istadunidensas pro amparare sas ìsulas Gilbert (como Kiribati) e Marshall.