Juba

Custu artìculu est iscritu cun sa grafia Limba Sarda Comuna. Abbàida sas àteras bariedades gràficas:

campidanesu · logudoresu · nugoresu

Juba o Giuba (in àrabu جوبا, Jūbā) est sa capitale de su Sudàn de su Sud. S'agatat in s'oru de su Nilu Biancu e est puru sa capitale de s'istadu sudanesu de Central Equatoria. Sa populatzione istimada (basende·si subra fotografias aèreas) pro s'annu 2005 fiat de 163.442 bividores e pro su 2006 de 250.000 bividores.

Bista de Juba

Mapa de su Sudàn de su Sud cun inditada Juba

In su sèculu XIX a curtzu de Juba, in Gondokoro, fiat istabilida un'istatzu de postas e una missione. Fiat su logu prus in su sud de una aposentamentu militare turcu chi in parte manna si diat maladiare de malària e de àteras calenturas chi fiant endèmicas de sa regione. Gondokoro puru fiat istada sa base de s'esploradore Samuel Baker intre 1863 e 1873. In su 1922, unu nùmeru minore de cummertziantes gregos si fiant istabilidos in ie e aiantfraigadu su distritu cummertziale de sa tzitade.

In su 2005, Juba est colada a èssere capitale de sa regione semiautònoma de Sudàn de su Sud, in contu de sa tzitade de Rumbek chi si fiat proposta a primìtziu.

Cun s'arribu de sa paghe a pustis de sa gherra tzivile sudanesa is Natziones Unidas aiant ismanniadu sa presèntzia issoro Juba, fiant istabilidu s'ufìtziu OCHA pro su coordinamentu de sos afàrios umanitàrios.