Limbadoca-Rossiglione

(Reindiritzadu dae Languedoc-Roussillon)

Coordinadas: 43°40′N 3°10′E / 43.666667°N 3.166667°E43.666667; 3.166667


Artìculu in LSC

Sa Languedoc-Roussillon (pronùntzia frantzesa: ​[lɑ̃ɡdɔk ʁusijɔ̃]; in otzitanu: Lengadòc-Rosselhon; in cadalanu: Llenguadoc-Rosselló) fiat una de is 27 regiones de sa Frantza, surbida in su 2016 in sa regione de costitutzione noa de s'Otzitània. Su cabulogu fiat Montpellier.

Languedoc-Roussillon, posidura in sa Frantza

Ispartzida in chime dipartimentos (Aude, Gard, Hérault, Lozère, Pyrénées-Orientales), teniat isterrida de 27,376 km2 e populatzione de unos 2,7 milliones de bividores. Allàcanaiat in su nord-ovest cun sa regione de Mesudie-Pireneos, in su norte cun s'Auvèrnia, in s'estu cun su Ròdanu Alpes e sa Proventza-Alpes-Costa Asula. In su sud-estu teniat essida a su mare Mediterràneu e in su sud allàcanaiat cun sa comunidade autònoma ispagnola de Cadalugna, e su printzipadu de Andorra. Fiat sa regione prus meridionale de sa Frantza continentale.

Bandera de sa Languedoc-Roussillon

Sa Languedoc-Roussillon est caraterizada pro su fatu chi bi sunt faeddadas duas limbas regionales, foras de su frantzesu, chi benint a èssere s'otzitanu e su cadalanu.

S'economia s'apoderat subra setores bàrios, comente servìtzios pùblicos, sanidade, imparu superiore, turismu, sa massaria e in particulare sa produtzione de ògiu e binu. S'inditu de disimpreu est nointames unu de is prus artos de Frantza, carculadu a su 14.3% in su ghennàrgiu 2015.

In su 2016, in su cuadru de una reforma territoriale, sa regione est istada unida a su Mesudie-Pireneos, costituende impare sa regione de s'Otzitània.