Limba polonesa

limba islava otzidentale chistionada mescamente in Polònia


Artìculu in LSC

Su polonesu (język polski, polszczyzna) est una limba islava faeddada mescamente in Polònia. Apartenit a su suta-grupu lechiticu de is limbas islavas otzidentales.

Connoschèntzia de su polonesu in Europa

Est limba uffitziale in Polònia e impitadu in totu su mundu de is minorias de emigrados polonesos ispainados in is bàrios istados. Est fintzas una de is limbas uffitziales de s'Unione Europea.

Iscritu in alfabetu latinu, su polonesu contat 9 literas in prus de is sìmbulos base (ą, ć, ę, ł, ń, ó, ś, ź, ż).

Mancari is amministratziones de Germània, Àustria e Rùssia durante su sèculu de 19 (cando sa Polònia s'agataiat ispartzida in is territòrios issoro) apant fatu pressiones mannas chirchende de ammortiare s'impitu de sa limba, custa at nointames agatadu isvilupu mannu literàriu.

In die de oe est sa prus faeddada de is limbas islavas otzidentales e sa segunda de totu is limbas islavas a segus de su russu e in antis de s'ucrainu.