Magadan

Artìculu in LSC

Magadan (in russu Магадан) est una tzitade de unos 96.000 bividores, capitale de s'oblast de Magadan, in s'estu istremu de sa Rùssia asiàtica.

Magadan

Posidura de Magadan in Rùssia

Magadan est una tzitade isulada de su restu de sa Rùssia, a chi est acapiada isceti peri una istrada chi dda aunit a sa Khamchatka. Sa tzitade chi s'agatat prus pagu istesiada est Jakutzk, posta a unos 2.200 km de distàntzia.

Est connota che su tzentru amministrativu de unu cunglomeradu de campos de traballos fortzados pro is presoneris oponidores a su regimene comunista, in is tempos de s'Unione Soviètica. Oe bi s'agatat su Monumentu a is vìtimas de Stalin in memoria de custu fatu.

Istòria

Magadán fiat fundada in su 1930 in s'oru de su frùmene Magadan, a curtzu de sa cussòrgia de Nagayevo. Durante su guvernu de Josif Stalin fiat logu de importu pro sa trasida de is presoneris mandados a is campos de traballu (is gulages).

Dae su 1932 a su 1953 fiat su tzentru amministrativu de sa minera de oru majore de sa Dalstroy, organizatzione de su NKVD (acrònimu de Naródniy komissariat vnútrennij del, chi fiat unu dipartimantu de s'aparatu istatale sovièticu), incarrigada de is campos de traballu. Prus a fatu Magadan fiat fata portu pro is esportatziones de oro e àteros materiales estraidos in sa regione de Kolymà. Pro custu fatu sa populatzione fiat crèschida meda in presse e su 14 de trìulas 1939 aiat balangiadu tìtulu de tzitade.