Manila

Artìculu in LSC

Manila (in tagalog Maynila; nùmene cumpridu Lungsod ng Maynila) est sa capitale de sas Filipinas e de sa regione de Metro Manila, e sa segunda tzitade de s'istadu pro nùmeru de bividores. Manila Manna est s'àrea metropolitana prus pobulada dae s'archipèlagu filipinu e sa de deghe de su mundu, cun una populatzione istimada de 20,5 milliones de pessones.

Mapa

Sa tzitade est situada in sa costera orientale de sa baja de Manila, in su chirru de s'imbucadura de su riu Pasig, in s'ìsula de Luzon. Aglomerat sas funtziones amministrativas, cummertziales, universitàrias, industriales e portuàrias de parte manna de s'istadu. Contat subra duos aeroportos internatzionales: Ninoy Aquino e Clark. A livellu amministrativu, Manila si dividit in 16 cussòrgias chi incluent 897 barangays.

Est istada fundada su 24 de làmpadas de su 1571 dae s'ispagnolu conchistadore Miguel López de Legazpi; s'antiga tzitade murada si cunservat in sa cussòrgia atuale de Intramuros. Durante s'istòria sua at patidu diversos episòdios bèllicos, chi ant provocadu sa pèrdida de parte de su ricu patrimòniu architetònicu e culturale.

Su nùmene nadiu, Maynila, benit dae sa costrutzione tagala May nilad, chi signìficat '(logu in ue) b'at nilad'. Su nilad (nila in tagalog modernu) est una mata chi creschet in ie. Sa crèsia de San Agustín de Manila est iscrita in sa lista de su Patrimoniu de s'Umanidade de s'UNESCO cun su nùmene de Crèsias barocas de sas Filipinas.