Mena Manca Cossu
Limba Sarda Comuna. Abbàida sas àteras bariedades gràficas:
Mena Manca Cossu, naschida Mena Manca[1] (Crabas 1941- Crabas, 30 de làmpadas 2009) est istada una istudiosa, insignante e intelletuale militante sarda e italiana, fundadora e presidenta de sa setzione Sinnis-Aristanis de Italia Nostra.
| Mena Manca Cossu | |
|---|---|
| Nàschida | 1941 Crabas |
| Morte | 30 de làmpadas 2009 Crabas |
| Natzionalidade | sarda |
| Tzitadinàntzia | italiana |
| Traballu | Insignante, istudiosa |
| Contributos de importu | Ativista e istudiosa subra chistiones istòricu-culturales, sotziales e ambientales. Fundadora e presidenta de sa setzione Sinnis-Aristanis de Italia Nostra |
Biografia
modìficaMena Manca Cossu at fatu su litzeu in Aristanis e s'est a pustis iscrita in sa Facultade de Literas Modernas de s'Universidade de Casteddu. S'est laureada in su 1970 discutende una tesi subra is Piscadores de Crabas. Cojuada cun Dario Cossu, insignante de filosofia in Aristanis, fiat mama de duos fìgios.[2]
Durante sa vida sua est istada ativa subra temas sotziales, culturales, de costùmene e antropològicos, susetotus acapiados a sa comunidade de sa bidda sua, Crabas, impinnende·si a costadu de su maridu pro is problemas de is piscadores durante is annos de is gherras pro s'ispròpiu demaniale de s'istàngiu Mar'e Pontis[3]. Est istada a pustis a cabu de sa setzione Sinnis-Aristanis de Italia Nostra, fundada dae issa a totu in su 1981, traballende in prima lìnia pro s'amparu de su patrimòniu ambientale, istòricu e culturale de sa comunidade sua.
In is istùdios suos, s'est ispetzializada in s'istòria e is costùmenes de sa bidda sua, at fatu publicatziones medas subra su territòriu e s'est fata promotora de eventos culturales numerosos. Gràtzias a is istùdios giutos intre is annos '60 e '90 de su noighentos impare cun su chircadore isvìtzeru Jakob Schweizer, si sunt pòdidas cunserbare registratziones de interbistas e testimonias numerosas subra temas comente sa pisca, is traditziones e is festas de Crabas[4].
Est morta in su 2009 a segus de una maladia longa[5]. In su 2016 sunt istadas agatadas òberas inèditas, chi benint a èssere chimbe contos intitulados “Sardegna e misteri” (Sardigna e mistèrios), prus duas comèdias tetrales in limba sarda, cun tìtulu “Su giogu è bellu” e “Alliai a ca fiaus”[6]. Suta incuru de su maridu in su 2020 est istadu pùblicadu unu libru, "Ricordando Mena" (Regordende a Mena), chi nde tzèlebrat sa memòria.
Òberas publicadas
modìfica- I pescatori di Cabras, S'Alvure, Aristanis, 1990
- Donne di Cabras, S'Alvure, Aristanis, 1998
Notas
modìfica- ↑ Morta dopo una lunga malattia la studiosa Mena Manca Cossu [ligàmene interrùmpidu], in ricerca.gelocal.it.
- ↑ Oristano non dimentica l’impegno di Mena Manca Cossu, in italianostra.org. URL consultadu su 4 maju 2020 (archiviadu dae s'url originale s'11 abrile 2021).
- ↑ Morta dopo una lunga malattia la studiosa Mena Manca Cossu [ligàmene interrùmpidu], in ricerca.gelocal.it.
- ↑ Un libro ricorda Mena Manca Cossu, a dieci anni dalla sua scomparsa, in linkoristano.it.
- ↑ Morta dopo una lunga malattia la studiosa Mena Manca Cossu [ligàmene interrùmpidu], in ricerca.gelocal.it.
- ↑ Un libro ricorda Mena Manca Cossu, a dieci anni dalla sua scomparsa, in linkoristano.it.
| Controllu de autoridade | VIAF (EN) 75645034 · ISNI (EN) 0000 0000 3446 9959 · LCCN (EN) n99027413 · SBN (IT) CAGV008969 · WorldCat Identities (EN) n99-027413 |
|---|