Nicola Tanda
Articulu in logudoresu
Nicola Tanda (Sòssu, 22 de Nadale de su 1928 - Londra, 4 de làmpadas de su 2016) est istadu unu criticu literariu e filologu sardu.
Bida modìfica
Si est laureadu in Roma cun Sapegno e Ungaretti. Po prus de trint'annos, est istadu professore in s'universidade de Tàtari, a primu dedichendesi a sa literadura italiana, a pustis a sa filologia e literadura sarda. Fit istudiosu de limbas de minorìa in s'isula de Sardigna. Fit sotziu onorariu de s'assotziu A.N.PO.S.DI, aìat fundadu in su 1952 s'assotziu de sos poetes dialetales de Italia, chi costoit sas boghes e ammentos de sa traditzione dialetale italiana. At dadu orizine a sa Filologia Noa de sos italianos basada in subra de sa Carta europea de sas limbas regionales o de minorìa. Aìat fundadu e dirizìat paritzos assotzios e zurias. Fit su fundadore e presidente de su PEN Club Sardu. Fit su presidente de sa zuria de su Premiu Othieri, premiu literariu fundadu in su 1956 po sa promossione de traballos iscritos in totus sas limbas de sa Sardigna. Aìat fundadu in su 2003 su Tzentru po sos Istudios Filologicos Sardos. Fit tambene cullaboradore de su Tzentru Internatzionale po su Plurilinguismu. Aìat curadu, comente editor e dirizidore de regortas, su publicamentu de chentu libros e passa in sas limbas de Sardigna e atteretantu in italianu.
Espertu de teoria 'e sa literadura, si fit ocupadu de autores italianos modernos e de como, comente: Pratolini, Montale, Gramsci, Dessì, Deledda, Pirandello, Pandolfo Collenuccio, Monti, Satta, Farinam, Mura Ena, e Salvatore Satta. In su 1965 at iscritu cun Dessì su volumene "Narratori di Sardegna - la prima antologia degli scrittori sardi".
Libros modìfica
- cun G. Dessì, Narratori di Sardegna, Milanu, Mursia, 1965.Google Books
- cun Joyce Lussu, Fronti e frontiere, Milanu, Mursia, 1969.Google Books
- Realtà e memoria nella narrativa contemporanea, Roma, Bulzoni, 1970.Google Books
- Contemporanei: proposte di lettura, Torinu, Loescher, 1972.Google Books
- Classicismo e illuminismo nell'opera del Monti, Tàtari, Dessì, 1974.
- Pandolfo Collenuccio: il dramma della saviezza, Roma, Bulzoni, 1988.Google Books
- Letteratura e lingue in Sardegna, Tàtari, EDES, 1991.Google Books
- Dal mito dell'isola all'isola del mito: Deledda e dintorni, Roma, Bulzoni, 1992.Google Books
- con G.Dessì, Eleonora d'Arborea: racconto drammatico in quattro atti, Tàtari, EDES, 1995.Google Books
- Un'odissea de rimas nobas: verso la letteratura degli italiani, Casteddu, CUEC, 2003.Google Books testo in pdf Archiviadu su 6 santugaine 2011 in s'Internet Archive.
- Quale Sardegna?: pagine di vita letteraria e civile, Tàtari, Delfino, 2007.Google Books