Noa Inghilterra

Artìculu in LSC

Sa Noa Inghilterra (in inglesu New England) est una regione de sos Istados Unidos de Amèrica chi s'agatat a cara de s'Ocèanu Atlànticu.

Posidura de sa Noa Inghilterra in sos USA

Bandera istòrica de sa Noa Inghilterra

Cun sa regione de Atlànticu Mèdiuformat s'area Nord-Est de sa natzione. Sa prus manna tzitade est Boston, chi est fintzas tzentru econòmicu e de cultura printzipale.

Est cumposta de sos 6 istados de :

• Connecticut
• Maine
• Massachusetts
• New Hampshire
• Rhode Island
• Vermont

Su faeddu inglesu pro inditare unu bividore de sa Noa Inghilterra est New Englander, o su nomìngiu Yankee.

Istòria

In origine sa Noa Inghilterra fiat bivida de populatziones amerindas, ma de su sèculu XVII est istada a manu a manu colonizada de sos Babbos Pilligrinos chi, persighidos pro chistiones religiosas in Europa, fiant emigrende de su Renniu Aunidu.

Est sa regione chi at progetadu sa rivolutzione contra sos britànnicos chi at pois tentu a resurtadu s'indipendèntzia de sa corona. Annos a pustis si fiat imbetzes oponida a sa gherra de su 1812 contra su Rennu Aunidu.

In su sèculu XIX at tentu rolu de prima lìnia in s'abolitzione de s'iscravidade, s'isvilupu de sa literadura e sa filosofia e no a ùrtimu de s'industrializatzione.

Est istada sa prima regione de sos Istados Unidos de Amèrica a s'iscerare cun identidade propia.

Tzitades Majores

tzitade, istadu (nùmeru bividores) - (residentes àrea metropolitana)

• 1 Boston, Massachusetts (636.479) - (4.552.402)
• 2 Worcester, Massachusetts (182.669) - (798.552)
• 3 Providence, Rhode Island (182,042) (1,600,852)
• 4 Springfield, Massachusetts (153.155 ) - (692.942)
• 5 Bridgeport, Connecticut (147.216) - (916.829)
• 6 New Haven, Connecticut (130.741) - (862.477)
• 7 Stamford, Connecticut (126.456) - (parte de sa de Bridgeport)
• 8 Hartford, Connecticut (124.893) - (1.212.381)
• 9 Waterbury, Connecticut (110.366) - (228,984)
• 10 Manchester, New Hampshire (110.209) - (400.721)