Pàulu Fresu

sonadore de trumba e de flicornu sardu
Custu artìculu est iscritu cun sa grafia Limba Sarda Comuna. Abbàida sas àteras bariedades gràficas:

campidanesu · logudoresu · nugoresu

Pàulu Fresu (Belchidda, 10 de freàrgiu de su 1961) est unu sonadore de trumba e de flicornu sardu.

Pàulu Fresu

Pàulu Fresu sonende su flicornu in unu cuntzertu
Informatziones
Nùmene de nàschida Paolo Fresu
Nàschidu su 10 de freàrgiu de su 1961
Orìgine Belchidda
Gènere musicale jazz
Ocupatziones istrumentista
Istrumentos trumba, flicornu
Annos de atividade 1982-oe
Etichetas Blue Note Records, BMG, Editions of Contemporary Music, EMI, Naïve Records, Red Records, Radio Corporation of America, Sony Music, Splasc(H) Records, Tŭk Music
Giassu http://www.paolofresu.it/

Biografia modìfica

 
Enzo Morandini e Pàulu Fresu in su 1991
 
Pàulu Fresu

Pàulu Fresu at incumentzadu cun s'istùdiu musicale a s'edade de ùndighi annos, sonende in sa banda musicale "Bernardo De Muro" de Belchidda, in ue at imparadu sos primos cuntzetos teòricos e tècnicos, propedèuticos a su cunservatòriu. A pustis de s'àere tramudadadu a Tàtari, at frecuentadu su cunservatòriu Luigi Canepa e at iscobertu sa chi at a devènnere sa printzipale passione sua: su jazz. In su 1982 at incumentzadu cun sa faina professionale sua registrende pro sa Rai in suta de sa ghia de Bruno Tommaso e partetzipende, in su mentres, a sos seminàrios de "Siena jazz". A pustis at acabadu sos istùdios in su cunservatòriu "Giovanni da Palestrina" de Casteddu, diplomende·si in trumba in su 1984 cun su maistru Enzo Morandini. Sighit cun sa faina dedichende·si fintzas a progetos mistos de jazz-mùsica ètnica, world music, mùsica cuntemporànea, mùsica lèbia e mùsica antiga; in sos annos at tentu sa possibilidade de collaborare, in paris cun àteros, cun Alice, Farafina, Trilok Gurtu, Michael Nyman, sos Negramaro, Evan Parker, Gunther Schuller, Stadio e Ornella Vanoni. Dae su 1988, in sa comuna nadale sua de Belchidda, at propostu e ghiat su Time in Jazz, unu fèstival annuale de mùsica jazz chi at achiridu in su tempus una taradura internatzionale.[1][2][3][4][5] In s'àmbitu de su fèstival at fintzas publicadu artìculos, retzensende libros e artistas.[6]

Paolo Fresu est istadu diretore artìsticu de sos seminàrios jazz de Nùgoro dae su 1989 a su 2013 e de su fèstival Bergamo jazz dae su 2009 a su 2011.[7][8] In su 2010 at fundadu s'eticheta discogràfica Tŭk Music.

Est istadu istrangiadu dae orgànicos mannos che a s'orchestra manna italiana, s'orchestra natzionale de jazz frantzesu (ONJ), s'orchestra de su ràdiu tedescu de Amburgu (NDR), s'Italian Instàbile Orchestra, s'orchestra de s'Auditòrium Parcu de sa Mùsica (PJMO), s'orchestra sinfònica de sa Rai, s'orchestra de s'Arena de Verona e I Virtuosi Italiani.

Artista de primore, at iscritu e est istadu su sugetu de publicatziones medas, siat libros chi artìculos.[9] At fatu fintzas medas retzensiones de àteros artistas e una sèrie de vìdeos educativos in sardu, cun sutatìtulos in italianu, mutida Da casa a casa, e ammaniada in su perìodu de sa serradura in domo causada dae sa pandèmia de COVID-19, in ue at chistionadu de sa mùsica de medas artistas musicales, siat de jazz siat de àteros gèneres.[10][11][12][13][14] Unos cantos de cussos vìdeos los at publicados fintzas in sa pàgina ufitziale de Facebook sua.[15][16][17]

Dae su 1u de trìulas de su 2021 est intradu in su cussìgiu de amministratzione de sa Fundatzione Mont'e Prama, nàschida in sa matessi die cun sa punna de gestire su patrimòniu culturale de importu mannu rapresentadu dae sos Gigantes de Mont'e Prama, dae s'àrea archeològica de Tharros, dae s'Ipogeu de Santu Srabadoi e dae sa Turre de Sant'Uanni, totu cantos ligados a su territòriu de su comunu de Crabas.[18]

Banda e collaboratziones modìfica

  • Paolo Fresu Quintet
  • Paolo Fresu Sextet
  • Italian Trumpet Summit
  • Paolo Fresu – Furio Di Castri Duo
  • Paolo Fresu and Alborada Quartet
  • The Open Trio (cun Furio Di Castri e James Taylor)
  • P.A.F. (cun Furio Di Castri e Antonello Salis)
  • Fresu-Di Castri-Balke-Favre
  • Paolo Fresu Euro4th
  • Paolo Fresu Angel Quartet (cun Nguyên Lê, Furio Di Castri, Roberto Gatto e Antonello Salis)
  • Paolo Fresu e Tino Tracanna
  • Paolo Fresu e Uri Caine
  • Paolo Fresu e Altera
  • Paolo Fresu e Iridescente Ensemble di Claudio Riggio

Discografia modìfica

Sa discografia intrea de Pàulu Fresu si podet agatare in su situ ufitziale suo.[19]

Paolo Fresu Quintet modìfica

  • 1985 – Ostinato, Splasc(H) Records
  • 1986 – Inner Voices, Splasc(H) Records
  • 1986 – Mämût, Splasc(H) Records
  • 1988 – IV Qvarto, Paolo Fresu & Quintet, Splasc(H) Records
  • 1990 – Live In Montpellier, Paolo Fresu & Quintet, Splasc(H) Records
  • 1991 – Ossi di Seppia, Paolo Fresu & Quintet, Splasc(H) Records
  • 1992 – Ballads, Paolo Fresu & Quintet, Splasc(H) Records
  • 1992 – Live in Lugano, Paolo Fresu & Quintet, Blue jazz
  • 1994 – Ensalada Mistica, Paolo Fresu & Quintet, Splasc(H) Records
  • 1995 – Night on the City, Paolo Fresu & Quintet, Owl-Emi
  • 1997 – Sei per Trenta (6 * 30), Paolo Fresu & Quintet, Onyx
  • 1997 – Wanderlust, Paolo Fresu & Quintet, RCA-Victor-BMG
  • 2000 – Mélos, Paolo Fresu & Quintet, RCA-Victor-BMG
  • 2004 – Live in Studio, Paolo Fresu & Quintet, JazzIt
  • 2004 – Ethno Grafie, Paolo Fresu & Quintet, Isre-Time in Jazz
  • 2005 – Kosmopolities, Paolo Fresu & Quintet, EMI
  • 2005 – P.A.R.T.E., Paolo Fresu Quintet, EMI-Blue Note
  • 2005 – All'incrocio dei venti, Paolo Fresu Quintet, ONYX
  • 2006 – Thinking, Paolo Fresu Quintet Plays Ettore Fioravanti, Emi-Blue Note
  • 2006 – Incantamento, Paolo Fresu Quintet, Emi-Blue Note
  • 2007 – Rosso, Verde, Giallo e Blu, Paolo Fresu Quintet, Emi-Blue Note
  • 2008 – Platinum Collection, Paolo Fresu Quintet/Alborada String, EMI-Blue Note
  • 2010 – Songlines/Night & Blue, Paolo Fresu Quintet, Tǔk Music
  • 2010 – 7/8, Paolo Fresu Quintet, Blue Note
  • 2014 – ¡30!, Paolo Fresu Quintet, Tǔk Music/Bonsai
  • 2014 – Jazzy Christmas, Paolo Fresu Quintet feat. Daniele Di Bonaventura, Tǔk Music

Paolo Fresu e s'Italian Trumpet Summit modìfica

  • 2002 – A Night In Berchidda, Italian Trumpet Summit, Time in Jazz

Paolo Fresu e collaboratziones modìfica

  • 2003 – Scores!, Paolo Fresu, CamJazz
  • 2006 – Things, Paolo Fresu e Uri Caine
  • 2007 – Mare Nostrum, Paolo Fresu, Jan Lundgren e Richard Galliano
  • 2009 – Think, Paolo Fresu e Uri Caine
  • 2011 – Mistico Mediterraneo, Paolo Fresu, A Filetta Corsican Voices, Daniele di Bonaventura, ECM
  • 2014 – Il Padrone della FestaCanzone di Anna (Niccolò Fabi, Daniele Silvestri, Max Gazzè)

Òperas modìfica

Prèmios e reconnoschimentos modìfica

  • 1984 Mègius talentu nou de su jazz italianu (Mùsica Jazz).
  • 1984 Prèmiu RadioUno jazz (Rai).
  • 1985 Prèmiu Radiocorriere TV.
  • 1985 Prèmiu Città di Alassio.
  • 1990 Mègius mùsicu italianu, mègius grupu (Paolo Fresu Quintet) e mègius discu Live in Montpellier (Mùsica Jazz).
  • 1991 Reconnoschimentu dae su Presidente de sa Giunta Regionale de sa Sardigna pro sa faina artìstica acumprida.
  • 1995 Prèmiu Bobby Jaspar de s'Académie du jazz frantzesu.
  • 1995 Prèmiu Concorso Golfo degli Angeli/Lyons de Casteddu.
  • 1995 Prèmiu Choc des choc de Jazzman pro su Cd Night on the City (Frantza).
  • 1996 Prèmiu Django de Or frantzesu che a mègius musitzista de jazz.
  • 1996 Prèmiu Tzitade de Otieri.
  • 1996 Prèmiu Acadèmia Mozart de Taranto.
  • 2000 Prèmiu Arrigo Polillo (Mùsica Jazz) che a mègius discu italianu cun Shades of Chet.
  • 2000 Numenada pro su Django d'Or frantzesu che a mègius musitzista internatzionale in paris cun Keith Jarrett e Charlie Haden.
  • 2000 Prèmiu Choc des choc de Jazzman pro su Cd Mélos (Frantza).
  • 2000 Tzitadinàntzia onorària de sa Tzitade de Nùgoro.
  • 2001 Prèmiu Django d'Or frantzesu che a mègius musitzista internatzionale pro su Cd Mélos (Frantza).
  • 2002 Prèmiu Django d'Or italianu che a mègius musitzista.
  • 2002 Prèmiu Roma c'è.
  • 2003 Prèmiu Bànari Arte.
  • 2003 Tzitadinàntzia onorària de sa Tzitade de Junas (Frantza).
  • 2003 Numenada pro su Nastru de prata pro sas mùsicas de su film Il più crudele dei giorni de Ferdinando Vicentini Orgnani.
  • 2004 Prèmio Nastru de prata pro sas mùsicas de su film L'Isola de Costanza Quatriglio.
  • 2005 Prèmiu Porto Rotondo alla carriera.
  • 2005 Nominatzione pro su Latin Grammy Awards 2005, Santa Monica, Califòrnia.
  • 2005 Prèmiu Mamuthones ad Honorem de sa tzitade de Mamujada.
  • 2007 Prèmiu Blue Note, Milanu
  • 2007 Prèmiu a sa carriera artìstica, Othaca
  • 2007 Prèmiu Navicella d'argento, Casteddu Sardu
  • 2007 Numedada pro su David di Donatello pro sas mùsicas de su film Centochiodi de Ermanno Olmi
  • 2007 Italian Jazz Awards – Luca Flores: Numenada che a Best Jazz Act
  • 2008 Italian Jazz Awards – Luca Flores: Numenada che a Best Jazz Album pro "Stanley Music", cun su Devil Quartet suo
  • 2010 Prèmiu Maria Carta
  • 2011 Prèmiu Arte e diritos umanos de Amnesty International
  • 2013
  Làurea honoris causa
«Su sonadore jazz Paolo Fresu at dedicadu s'arte sua a sa promotzione de sa cultura in sas comunidades e in sos grupos de sa terra sua, ativende sas relatziones sotziales chi si ponent a fundamentu de sa cunvivèntzia; at favoridu gasi su benèssere de cussas colletividades, benèssere chi dipendet dae fatores psico-sotziales e non de fatores econòmicos ebbia. Fresu at dimustradu gasi sa potèntzia comunicativa de sa mùsica, in cantu forma simbòlica, coniughende in unu raportu originale e fecundu su jazz e sa cultura folklorica sarda»
— Universidade de sos Istùdios de Milanu-Bicocca, 27 de martzu de su 2013[20]
  Laurea honoris causa in musica
— Berklee College of Music, Perùgia, 9 trìulas 2015[21][22]
  • 2017 Nou Prèmiu "Casadeipensieri", Bologna
  • 2017 Nettuno d'oro, Bologna[23]

Notas modìfica

  1. Jazz e poesia a manu tenta arte improvisada in Belchidda, in La Nuova Sardegna, 21 austu 2017. URL consultadu su 25 làmpadas 2020.
  2. (ITSC) News - Time In Jazz XXXI, in www.paolofresu.it. URL consultadu su 25 làmpadas 2020.
  3. Torrat Time in Jazz de Fresu. In istiu 40 cuntzertos in 11 dies, in Tatari.it. URL consultadu su 25 làmpadas 2020.
  4. Diegu Corràine e Antònia Fenu, Paolo Fresu: 50 annos sonados!, in Noas Eja, maju 2011.
  5. In austu torrat Time in Jazz in Berchidda, in Làcanas.it, 2019.
  6. Pàulu Fresu, Est puru ‘eru chi, una ‘olta in pes, s’omine no podet ’istare frimmu (PDF), in Piedi: Musica · Arte · Cinema ·Ambiente, 2014.
  7. Federica Pau, "Nuoro Jazz": iscritzionis obertas a is cursus, in www.ilminuto.info, 4 freàrgiu 2020. URL consultadu su 25 làmpadas 2020.
  8. (IT) Maddalena Schito, Il nuovo Nuoro, in giornaledellamusica.it, 8 austu 2013. URL consultadu su 12 martzu 2020.
  9. Bibliografia de Paolo Fresu (PDF), in paolofresu.it.
  10.   Pàulu Fresu, Da casa a casa: Kind Of Blue, in YouTube.
  11.   Pàulu Fresu, Da casa a casa: Brasile, in YouTube.
  12.   Pàulu Fresu, Da casa a casa: Bach e le Variazioni Goldberg, in YouTube.
  13.   Pàulu Fresu, Da casa a casa: Giuni Russo e Pino Mango, in YouTube.
  14.   Pàulu Fresu, Da casa a casa: Chet Baker, in YouTube.
  15. Pàulu Fresu, Da casa a casa: Brasile, in facebook.com.
  16. Pàulu Fresu, Da casa a casa: Bach e le sue "Variazioni Goldberg", in facebook.com.
  17. Pàulu Fresu, Da casa a casa: Chet Baker, in facebook.com.
  18. (IT) Fondazione Mont’e Prama: Anthony Muroni presidente, Paolo Fresu nel cda, in LInkOristano, 1º trìulas 2021. URL consultadu su 16 trìulas 2021.
  19. Discografia completa (PDF), in paolofresu.it.
  20. Lauree honoris causa, in unimib.it. URL consultadu su 2 abrile 2018.
  21. (EN) Mike Keefe-Feldman, Berklee, Umbria Jazz Festival Celebrate 30-Year Partnership, in berklee.edu, 10 trìulas 2015. URL consultadu su 12 marzo 2020.
    «honorary doctor of music degrees to Paolo Fresu».
  22. (EN) Honorary degree recipients, in berklee.edu. URL consultadu su 12 martzu 2020.
  23. (IT) Nettuno d'Oro, il Sindaco ha conferito il premio a Paolo Fresu, in comune.bologna.it, 13 nadale 2017. URL consultadu su 12 martzu 2020.

Àteros progetos modìfica

Bibliografia modìfica

  • (IT) Roberto Franchina e Vincenzo Martorella, Nuovo jazz italiano: dizionario degli autori e delle formazioni, storia e discografie, Roma, Castelvecchi, 1998, ISBN 978-88-8210-015-5, OCLC 636559040.

Ligàmenes esternos modìfica

Controllu de autoridadeVIAF (EN85822359 · ISNI (EN0000 0000 7839 7926 · BIBSYS (EN8031516 · BNF (FRcb13976345t (data) · Europeana agent/base/60217 · GND (DE132166038 · LCCN (ENnr92006783 · MusicBrainz c7301466-d75c-45d5-aea7-d6ab8ea63e1c · NKC (ENCSxx0079252 · NLK (KOKAC2020M9846 · NTA (EN364128070 · RERO 02-A003263028 · SBN (ITLO1V158237 · SUDOC (FR086262548 · WorldCat Identities (ENnr92-006783