Quito
Limba Sarda Comuna. Abbàida sas àteras bariedades gràficas:
Coordinadas: 0°13′12″S 78°30′45″W / 0.22°S 78.5125°W
Quito(ufitzialmente San Francisco de Quito) est una tzitade de unos 1.609.418 bividores, capitale de Ecuadòr, cabulogu de sa Provìntzia de su Pichincha e sede de su Distritu Metropolitanu de Quito.
Est situada subra su lutone idrogràficu de Guayllabamba, a is pees orientales de su istratuvulcanu ativu Pichincha, in s'ala otzidentale de sos Andes. S'agatat a un'artària de 2850 m subra de su livellu de su mare, cosa chi nde faghet sa segunda capitale amministrativa prus arta de su mundu, a pustis de La Paz. Sa populatzione de s'àrea urbana contat unos 2.239.191 bividores. Sa tzitade est partzida in 32 unidades amministrativas, is Parroquias, chi sunt partzidas issas etotu in barrios.
Sa data de sa fundatzione est dudosa. Is primos aposentamentos subra de su montigru (El Inga) sunt atestados millènnios in antis de Cristu. Nointames sa data de naschimentu ufitziale de sa tzitade est cunsiderada su 6 nadale de su 1534 cun sa conchista ispagnola. Est istada sa prima tzitade decrarada, paris cun Cracòvia in Polònia, comente a Patrimòniu de s'umanidade de s'UNESCO, su 18 cabudanni 1978. In su 2008 est istada numenada sede de s'Unione de is Natziones Sudamericanas (Unasur).
Àteros progetos
modìfica| Wikimedia Commons tenet files chi ligant a: Category:Quito |