Andes

Artìculu in LSC

Sa cadena montosa de sas Andes (in ispagnolu: Cordillera de los Andes) s'isterret dae Venezuela fintzas a sa Patagònia e traessa totu s'Amèrica de su Sud (Argentina, Cile, Perù, Bolìvia, Ecuador, Colòmbia e Venezuela). In custos duos ùrtimos istados si ramìficat e arribat fintzas a cara de sos Caràibes.

Andes, bista aèrea

Sa parte meridionale faghet de frontera naturale intre Cile e Argentina. In sa zona tzentrale, sas Andes s'elevant e formant una regione de artipranos connota che sa Campeda o Campeda Andina. Sa campeda est cumpartzida dae Perù, Bolìvia e Cile. Sa cadena torrat a s'istrìnghere in su nord de su Perù e si torrat a si alladiare in Colòmbia.

Sa màssima artària est su pitzu de s'Aconcàgua, in sa provìntzia de Mendoza (Argentina). Est su monte prus artu de Amèrica, e lòmpet a pagu mancu de sos 7.000 metros de artària, in càmbiu s'agatant 102 pitzos chi sobrant is 6.000 metros.