Wikipedia

Sarah Hegazi

Custu artìculu est iscritu cun sa grafia Limba Sarda Comuna. Abbàida sas àteras bariedades gràficas:

campidanesu · logudoresu · nugoresu

Sarah Hegazi (in àrabu: سارة حجازي‎; 1989 – Toronto, 14 làmpadas 2020) est istada un'ativista egitziana pro is deretos umanos e LGBT[1]. Arrestada, a pustis de sa pressione internatzionale pro sa libertade sua, aiat otentu s'asilu polìticu e biviat in Canadà.

Sara Hegazy fotografada dae Humena for Human Rights and Civic Engagement

Biografia

modìfica
 
Unu de is murales ammustrende a Sarah Hegazi chi sunt istados pintados in Amman. S'iscrita in àrabu naro "Ma deo perdono".

Annestru

modìfica

In su 2010, Hegazi s'est laureada in Sistemas Informàticos in sa Thebas Academy, sighende is istùdios suos in s'Universidade Americana de Cairo in su 2016. Pro mèdiu de s'aprendimentu in lìnia, at posca cumpletadu is istùdios in "Feminismu e giustìtzia sotziale", "Mètodos de Chirca", "Diversidade e inclusione in su logu de traballu" e "Cumprensione de sa violèntzia" in s'Universidade de sa Califòrnia, Santa Cruz, sa School of Oriental and African Studies (SOAS), s'Universidade de Pittsburgh e s'Universidade Emory.[2][3]

Arrestu

modìfica

Su 22 cabudanni 2017, Sarah Hegazi partetzipaiat a unu cuntzertu de sa banda libanesa Mashrou' Leila, cando est istada arrestada pro àere isbentuladu sa bandera arcu de chelu comente sinnu de amparu pro sa comunidade LGBT e su cantadore de su grupu etotu, Hamed Sinno, omosessuale decraradu.[4] S'arrestu suo est arribadu in paris cun sa risposta repressiva a tolleràntzia zero de s'Egitu pro pònnere fine a s'amparu pùblicu de is deretos LGBT in su paisu[5]. Posta in presone, iscurta e violentada dae politziotos e àteros detentos, est istada liberada a pustis de tres meses subra cautzione e multada pro 2.000 liras egitzianas (agiumai 113 dollaros).[1][6] Otentu s'asilu polìticu, s'est tramudada in Canadà.

Bisione polìtica

modìfica

Subra Instagram si descriiat "Super comunista, super omosessuale, super feminista"; sustenidora de su Bread and Freedom Party mentras biviat in Egitu. Est istada interessada in sa Spring Socialist Network una borta arribbada in Canadà.[7][8] Hegazi at naradu de èssere istada lissentziada dae su traballu pro s'èssere oposta a su regìmene de Abdel Fattah al-Sisi in Egitu.[9] Noe annos a pustis de sa rivolutzione egitziana de su 2011, Hegazi at iscritu chi "su regìmene betzu at a proare cale si siat cosa, fintzas sacrifichende iconas de importu de su pròpiu regìmene, pro abarrare a su podere o ddu torrare a pigare" descriende su presidente Sisi comente a "su prus oprimidore e violentu ditadore in s'istòria moderna nostra" e chi "is rivolutzionàrios creent chi sa batalla siat de classe".[10] Hegazi at fintzas decraradu chi a pustis de sa rivolutzione incumpleta "s'ala majore de nois est immoe in sa tumba, in presone o in esìliu".

Morte

modìfica

Malàida de istorbu dae stress post-traumàticu pro neghe de sa tortura subida in presone in Egitu[11], s'est suitzidata su 14 làmpadas 2020.[12][13][14] Fiat a su de tres tentativos suos. Est istada interrada in unu baule colore arcu de chelu, cun interru pùblicu, in su Dixie Cementery de St. John su 22 làmpadas 2020.

Cultura de massa

modìfica

Una lìtera curtza iscrita in àrabu atribuida a Hegazi, est tzirculada in is mèdia sotziales a pustis de sa morte sua. In sa lìtera si naraiat:

 
إلى اخوتي: حاولت النجاة وفشلت، سامحونيإلى أصدقائي: التجربة قاسية وأنا أضعف من أن أقاومها، سامحوني. إلى العالم: كنت قاسيًا إلى حد عظيم، ولكني أسامح.

A is frades meos: apo proadu a subravìvere ma apo fallidu, perdonade·mi. A is amigos meos: s'esperièntzia est istada tosta e deo fia tropu dèbile pro gherrare, perdonade·mi. A su mundu: ses istadu crudele a beru, ma deo ti perdono.[15]

Sa noa de sa morte sua est istada isparghinada dae periòdicos che CNN e Reuters e is comunidades LGBTQI ant espressadu dolu ammentende s'ativismu suo.[16][17] Hamed Sinno at donadu tributu a Sara Hegazi in su profilu suo Facebook. Sa revista sotzialista canadesa Spring at publicadu un'avisu de morte iscritu dae Valerie Lennon: "Ammentu chi naraiat Non mi so mai intèndida aici bia che in s'ìnteri de sa rivolutzione. In onore suo e pro satisfàghere su sensu nostru de sa vida, est devere nostru a sighire a gherrare pro sa rivolutzione inoghe, in Egitu e in totu su mundu".[18]

Riferimentos

modìfica
  1. ↑ 1.0 1.1 (EN) Jane Arraf, After Crackdown, Egypt's LGBT Community Contemplates 'Dark Future', su NPR.org, 18 Jgiugno 2018. URL consultato il 14 giugno 2020.
  2. ↑ Sarah Hegazi on Instagram: “Diversity in the workplace. نستقبل مباركتكم في الكورس الثالث اللي خلصته.”, in instagram.com.
  3. ↑ Sarah Hegazi on Instagram: “ياعبسلام تاني شهادة في كورسات الاونلاين ، والمرة دي عن النسوية والعدالة الاجتماعية .”, in instagram.com.
  4. ↑ Egypt arrests dozens in crackdown on gays, in Reuters. URL consultadu su 14 giugno 2020.
  5. ↑ Egypt: Mass Arrests Amid LGBT Media Blackout, in hrw.org, 6 ottobre 2017. URL consultadu su 14 giugno 2020.
  6. ↑ Two held in Egyptian anti-gay crackdown are freed on bail, in egyptindependent.com, 4 gennaio 2018. URL consultadu su 14 giugno 2020.
  7. ↑ Francesca Caferri, Egitto, attivista LGBT suicida dopo gli abusi subiti, in repubblica.it, 15 giugno 2020.
  8. ↑ Our tribute to comrade/rafeqa Sarah Hegazi, in springmag.ca.
  9. ↑ Interview: lessons from Egypt’s counter-revolution for Sudan, in springmag.ca.
  10. ↑ The Egyptian revolution: Nine years later, in springmag.ca.
  11. ↑ The shocking US vote not to condemn the death penalty for LGBT people, in cnn.com. URL consultadu su 14 giugno 2020.
  12. ↑ Woman imprisoned and beaten for waving rainbow flag as Egypt cracks down on gay rights, in businessinsider.com. URL consultadu su 14 giugno 2020 (archiviadu dae s'url originale su 14 làmpadas 2020).
  13. ↑ Egyptian LGBT rights activist dies by suicide in Canada after 'failing to survive', in egypttoday.com. URL consultadu su 14 giugno 2020.
  14. ↑ Sarah Hegazy: Reports of the suicide of an Egyptian activist in gay rights in Canada, in eg24.news, 14 giugno 2020. URL consultadu su 14 giugno 2020 (archiviadu dae s'url originale su 30 ghennàrgiu 2021).
  15. ↑ Egyptian LGBTQI+ Activist Sara Hegazy Dies Aged 30 in Canada, in egyptianstreets.com, 14 giugno 2020. URL consultadu su 15 giugno 2020.
  16. ↑ Egyptian LGBTQ+ rights activist Sarah Hijazi has died, aged 30, in gaytimes.co.uk.
  17. ↑ Kriss Rudolph, Trauer um ägyptische LGBTIQ-Aktivistin Sarah Hijazi, in mannschaft.com. URL consultadu su 3 freàrgiu 2021 (archiviadu dae s'url originale su 22 cabudanni 2020).
  18. ↑ Our tribute to comrade/rafeqa Sarah Hegazi, in springmag.ca.

Pàginas ligadas

modìfica
Bogadu dae "https://sc.wikipedia.org/w/index.php?title=Sarah_Hegazi&oldid=181072"