2020

Su 2020 (MMXX in nùmeros romanos) est un'annu de su de XXI sèculos cumintzadu in sa die de mèrcuris.

AcuntessimentosModìfica

GhennàrgiuModìfica

  • Su fogu in Austràlia de su 2019-2020, chi at giai ochidu 500 milliones de animales, est cuntrolladu e in parte istudadu dae sa Royal Australian Navy e de sa Royal Australian Air Force in su Nou Galles de su Sud, pro agiudare s'evacuatzione de massa.
  • 1 ghennàrgiu: incumentzat su turnu de sa Croàtzia pro sa presidèntzia de s'Unione Europea pro sa prima borta[1].
  • 5 ghennàrgiu: s'ex primu ministru Zoran Milanović binchet is eletziones presidentziales in Croàtzia de su 2019-2020.
  • 8 ghennàrgiu: s'Iran ghetat mìssiles contras a is bases militares istadunidensas in Iraq, pro vengare s'ochidòrgiu de Qasem Soleimani de su 3 ghennàrgiu in s'arioportu internatzionale de Baghdad: duas bases militares istadunidensas in Iraq sunt isciusciadas e su bòlidu Ukraine International Airlines 752 est istrumpadu pro faddina, ochiende a 176 pesones.
  • 11 ghennàrgiu: eletziones generales in Taiwan.
  • 12 ghennàrgiu: su vulcanu filipinu Taal catzat in sa capitale Manila.
  • 23 ghennàrgiu: su guvernu tzinesu, pro more de un'epidemia de unu coronavirus nou, ponit in cuarantena sa metròpoli de Wuhan, e prus tradu ammanniat su provedimentu a agiumai totu sa provìntzia de Hubei. Est sa prus cuarantena manna in sa stòria de s'umanidade pro mannesa e nùmeru de persones trisinadas.
  • 24 ghennàrgiu: in Turchia, in sa provìntzia de Elâzığ, acontesset unu terremotu de magnitudo 6.7, chi ochiet a 41 pesones e nde ingullet 1 607.
  • 26 ghennàrgiu: eletziones parlamentares in Perù[2].
  • 30 ghennàrgiu: s'Organizatzione mundiale de sa sanidade decrarat s'epidemia de su coronavirus nou "emergèntzia sanitària pùblica de interessu sanitàriu".
  • 31 ghennàrgiu: a is 24:00 CET (23:00 GMT) su Rennu Unidu acabbat de èssere membru de s'Unione Europea, incumentzende unu perìodu de colada de 11 meses.
 
Rapresentatzione gràfica de su coronavirus Sars-CoV-2, responsàbile de sa pandèmia de COVID-19

FreàrgiuModìfica

  • 5 freàrgiu: su presidente istadunidensu Donald Trump est assòlvidu dae su Senadu dae s'istadu de acusa (impeachment).
  • 27 freàrgiu: su Dow Jones calat de 1 190,95 puntos, su 4,4%, sinnende sa calada prus manna in una die isceti in s'istòria sua.
  • 29 freàrgiu: est firmada un'àchiu intre trupas americanas, afganas e talebanas.

MartzuModìfica

AbrileModìfica

  • 15 abrile: eletziones parlamentares in Corea de su Sud.
  • 30 abrile: sa Bulgaria pedit de intrare in su mecanismu de càmbiu AEC II, ponende sa base po s'intrada in s'èuro.

MajuModìfica

  • 3-4 maju: avolotadores venetzuelanos proant a intrare in su paisu via mare, sena resèssida,pro intentare unu corpu de istadu contras a Nicolás Maduro.
  • 6 maju: is astrònomos annùntziant s'iscoberta, pro mèdiu de su telescòpiu MPG/ESO, de su primu istampu nieddu in unu sistema istellare visibìle a bista simpre: HD 167128.
  • 20 maju: eletziones generales in Burundi.
  • 25 maju: a pustis de ochidòrgiu de s'afroamericanu George Floyd a banda de un'agente de politzia in Minneapolis, in is Istados Unidos de Amèrica incumentzant unas cantas chèscias in is tzitades prus mannas.
  • 26 maju:
    • sa Costa Rica essit su primu paisu tzentru-americanu a legalizare su matrimòniu omosessuale.
    • 20 000 tonnelladas de petròliu funt ghetadas in su riu Ambarnaya, acanta a sa tzitade siberiana de Norilsk. Su 3 làmpadas su presidente russu Vladimir Putin decrarat s'istadu de emergèntzia[4][5].
  • 30 maju: sa navedda ispatziale Crew Dragon, realizada dae SpaceX in collaboratzione cun sa NASA, est ghetada. Est sa prima navedda americana cun echipàgiu a lòmpere a s'Istatzione Ispatziale Internatzionale pustis de sa burradura de su programma Space Shuttle, e sa prima realizada dae una cumpangia privada a tènnere echipàgiu.

LàmpadasModìfica

  • 4 làmpadas: su guvernu de acòrdiu natzionale de sa Lìbia pigat su controllu prenu de sa capitale Trìpoli, a pustis de s'arrimada de s'esèrtzitu natzionale lìbicu a pustis de meses de cumbatimentu[6].
  • 15 làmpadas: sa Turchia e s'Iran atacant cun aèreos e armas is fortzas de su Kurdistan; a pustis sa Tirchia at a ocupare una parte de sa regione[7].
  • 23 làmpadas: unu terremotu de magnitudo 7,5 acontesset in sa costa de s'Oaxaca, in Mèssicu, ochiende a 10 pesones[8].

Argiolas/TrìulasModìfica

  • 1º argiolas/trìulas: incumentzat su turnu de sa Germània pro sa presidèntzia de s'Unione Europea pro sa de bator bortas.
  • 19 argiolas/trìulas: un'inundamentu de su riu Brahmaputra ochiet a 189 pesones e lassat a bator milliones di pesonas sena domo in Ìndia e Nepal.
  • 25 argiolas/trìulas: sa petroliera giaponesa Wakashio si blocat in sa barriera corallina in su sud-est de s'ìsula de Maurìtzius: su 6 austu su scafu indullit, ghetende a mare is 3 800 tonnelladas die petròliu chi ddoe capaiant[9].
  • 30 argiolas/trìulas: la NASA incumentzat sa missione Mars 2020 pro chircare sinnos primordiales de vida in su praneta ruju; sa missione incluit esperimentos pro preparare missiones benidoras cun echipàgiu.

AustuModìfica

  • 4 austu: duas esplosiones isciùsciant su portu de sa capitale libanesa Beirut, isciorrochende unos cantos edifìtzio, ochiende a 200 pesones e ingullende·nde àteras 7 000; in prus, su Ministeru de sa Salude at pedidu a is abitantes de lassare sa tzitade pro more de s'àrea tòssica[10][11][12][13].
  • 9 austu: Aleksandr Lukašenko binchet is eletziones presidentziales in Bielorùssia, pro sa de ses bortas incumentzende dae su 1994. Is opositzione denùntziant trampas e incumentzant una sèrie de chèscias, sa "rivolutzione de is cartzolas".
  • 18 austu: acontesset unu corpu de istadu in Mali; su Presidente Ibrahim Boubacar Keïta e su Primu Ministru Boubou Cissé sunt arrestados e su parlamentu isòrvidu[14].

CabudanniModìfica

  • 27 cabudanni: in sa regione de Nagorno Karabakh is fortzas arrmenas e is azeras s'iscòntriant. Armènia, Azerbaigian e s'autoproclamada Repùblica de s'Artsakh introduint sa lege martziale.

Ledàmene/SantugaineModìfica

  • 17 ledàmene/santugaine: Jacinda Ardern binchet is eletziones generales in Noa Zelanda[15].

Onniasantu/SantandriaModìfica

  • 1 onniasantu/santandria: Maia Sandu binchet is eletziones presidentziales in Moldàvia[16].
  • 3 onniasantu/santandria: eletziones presidentziales in is Istados Unidos de Amèrica[17].
  • 15 onniasantu/santandria: si firmat su Partenariadu Econòmicu Globale Regionale, un'acòrdiu de iscàmbiu lìberu pro s'Àsia Patzìfica.

Idas/NadaleModìfica

RiferimentosModìfica

  1. ↑ (IT) Presidenza Ue: passaggio di consegne tra Finlandia e Croazia - Vatican News, in www.vaticannews.va, 2 ghennàrgiu 2020. URL consultadu su 31 martzu 2021.
  2. ↑ (IT) Perù: si tengono oggi le elezioni parlamentari, in Agenzia Nova. URL consultadu su 31 martzu 2021.
  3. ↑ (IT) Ministero della Salute, L'Organizzazione mondiale della sanità dichiara il coronavirus pandemia, in www.salute.gov.it. URL consultadu su 31 martzu 2021.
  4. ↑ (IT) Fabrizio Dragosei, Disastro ambientale in Siberia: 20 mila tonnellate di diesel nel fiume dopo un incidente, in Corriere della Sera, 6 abrile 2020. URL consultadu su 31 martzu 2021.
  5. ↑ (IT) Russia, 20mila tonnellate di petrolio in un fiume della Siberia. Greenpeace: "Disastro ambientale più grave dal 1989". Le immagini, in Il Fatto Quotidiano, 6 làmpadas 2020. URL consultadu su 31 martzu 2021.
  6. ↑ (IT) Le forze del governo libico riconosciuto dall'ONU hanno ripreso il controllo di tutta Tripoli, in Il Post, 4 làmpadas 2020. URL consultadu su 31 martzu 2021.
  7. ↑ (IT) Turchia: Erdogan bombarda i rifugiati in Kurdistan, in L'Impronta L'Aquila, 15 làmpadas 2020. URL consultadu su 31 martzu 2021.
  8. ↑ (IT) Scossa di terremoto di magnitudo 7,5 in Messico, almeno sei morti, in la Repubblica, 23 làmpadas 2020. URL consultadu su 31 martzu 2021.
  9. ↑ (IT) Francesco Giambertone, Mauritius, nave si incaglia e perde petrolio: rischio disastro ambientale, in Corriere della Sera, 8 trìulas 2020. URL consultadu su 31 martzu 2021.
  10. ↑ (EN) Arwa Ibrahim,Ramy Allahoum,Zaheena Rasheed, LIVE: Protests as Lebanon detains 16 over Beirut explosion, in www.aljazeera.com. URL consultadu su 31 martzu 2021.
  11. ↑ (IT) Beirut, due forti esplosioni nella zona del porto: oltre 113 morti e 4 mila feriti tra cui un militare italiano, in la Repubblica, 4 austu 2020. URL consultadu su 31 martzu 2021.
  12. ↑ (EN) Lebanon's health minister says at least 50 killed, 2,700 injured in Beirut blast | News , Lebanon News | THE DAILY STAR, in www.dailystar.com.lb. URL consultadu su 31 martzu 2021.
  13. ↑ (IT) Beirut: sale a 157 il bilancio delle vittime. Aoun non esclude attacco - Medio Oriente, in Agenzia ANSA, 4 austu 2020. URL consultadu su 31 martzu 2021.
  14. ↑ (IT) Golpe in Mali, arrestati il presidente e il premier | ANSA.it, in www.ansa.it. URL consultadu su 31 martzu 2021.
  15. ↑ (IT) Jacinda Ardern ha vinto le elezioni in Nuova Zelanda, in Il Post, 17 santugaine 2020. URL consultadu su 31 martzu 2021.
  16. ↑ (IT) Moldova: elezioni presidenziali, affluenza oltre il 50 per cento alle 19, in Agenzia Nova. URL consultadu su 31 martzu 2021.
  17. ↑ (IT) ligotti, Usa: il 3 novembre le elezioni, perché si vota sempre di martedì/Scheda, in Adnkronos, 12 nadale 2020. URL consultadu su 31 martzu 2021.
  18. ↑ (IT) Luigi Ippolito, Brexit: il Regno Unito esce dall'Erasmus, in Corriere della Sera, 24 nadale 2020. URL consultadu su 31 martzu 2021.
  19. ↑ (IT) Brexit, "storico" accordo fra Unione europea e Gran Bretagna - la Repubblica, in www.repubblica.it. URL consultadu su 31 martzu 2021.
  20. ↑ (IT) Brexit, l'annuncio di Boris Johnson: "Accordo raggiunto. Il più grande mai fatto finora", in Il Fatto Quotidiano, 24 nadale 2020. URL consultadu su 31 martzu 2021.
Bogadu dae "https://sc.wikipedia.org/w/index.php?title=2020&oldid=170658"