Nepal

Artìculu in LSC

Su Nepal (AFI: /neˈpal/[4]; in nepalesu नेपाल, Nepāla, [neˈpaːl]) est un'istadu de s'Àsia meridionale de 147 181 km² cun 29 959 364 bividores a su 2012, chi tenet capitale in Katmandù. Sa limba ufitziale est su nepalesu ..

Bandera

Posidura in su mundu

Allàcanat in su norte cun sa Tzina (Tibet) in su sud cun s'Ìndia e est un'istadu chentza de bessida a mare. Su territòriu de s'istadu, postu intre sa campura de su Gange e sa cadena montosa de s'Himalaya, est prevalentemente montosu e presentat unu dislivellu mannu (de 80 a 8.848 m de s'Everest, su puntu prus artu de sa Terra). Geogràficamente est parte de su subcontinente indianu.

Sa capitale Katmandù est posta a casi 1.350 m de artària, cun una populatzione de 850 000 bividores e unos 1 500 000 in s'àrea metropolitana intrea chi cumprendet tzitades diferentes e biddigheddas intre cales Lalitpur e Bhaktapur. S'àrea s'isterret in sa gai narada Badde de Katmandù, chi currispondet a su lutone de subras de su riu Bagmati. Sa tzitade de Pokhara antimes, posta in sa regione tzentrale a sos pees de su tonneri de s'Annapurna, cun 200 000 bividores (unos 300 000 in s'àrea metropolitana) est su segundu aglomeradu urbanu nepalesu e pretzedet is pagas àteras tzitades chi superant sos 100 000 bividores (Dharan, Hetauda, Butawal, Biratnagar e Birganj). Agiomai sa metade de sa populatzione si bivet cun prus pagu de 1,25 dollaros istadunidensos pro die..

Su 28 de nadale de 2007 su parlamentu nepalesu at aprovadu un'emendamentu costitutzionale chi at decretadu sa transitzione de sa monarchia a sa repùblica, acontèssida su 28 de maju 2008 mediante sa votatzione casi unànime de s'Assemblea Costituente. Su presidente est Bidhya Depes Bhandari. Su primu ministru est Khadga Prasad Sharma Oli.

• Nepal
• 
  Kathmandu
• 
  Kathmandu
• 
  Bhaktapur
• 
  Patan
• 
  Himalaya
• 
  Himalaya
• 
  Mustang
• 
  Changu Narayan