Subcontinente indianu

Custu artìculu est iscritu cun sa grafia Flag of Sardinia, Italy.svgLimba Sarda ComunaFlag of Sardinia, Italy.svg. Abbàida sas àteras bariedades gràficas:

campidanesu · logudoresu · nugoresu

Su subcontinente indianu est una regione meda manna chi òcupat su chirru tzentru-meridionale de s'Àsia e s'allònghiat cun unu triàngulu peninsulare ampru intre Golfu de su Bengala e Mare Aràbicu. Cumprendet is istados o portzione de issos a sighire:

Subcontinente indianu in su mundu

Si definit subcontinente in cantu àrea in manera tale estèrrida e isulada, chi est cunsiderada unu semi-continente a totus is efetos, ischirriadu dae su restu de s'Àsia in su norte de sa cadena montosa imponente de s'Himalaya, mentras a sud est totu inghiriadu dae su mare (Mare Aràbicu in s'ovest, Golfu de su Bengala in s'estu e Otzèanu Indianu in su sud); isceti in s'estu e in s'ovest is làcanas naturales suas sunt prus dudosos e su territòriu si fundet cun su restu de su continente asiàticu. Est massimamente formadu dae tres àreas mannas cales sa cadena de s'Himalaya a nord, sa pranura indo-gangètica a su tzentru e su pranu de su Deccan a sud.

Sa regione, in eras geològicas coladas est istada unu continente a berus; non fiat galu giunta cun su continente asiàticu, formende tando un'ìsula immensa in s'Otzèanu Indianu. Sa collisione cun s'Àsia, oe 39 milliones de annos, at batidu a sa formatzione de s'Himalaya, chi est ancoras in cursu. S'ambiente favoràbile suo a s'acasagiamentu umanu e sa posidura geogràfica particulare, ant favoridu s'isvilupu de una de is prus tziviltades antigas e froridas de su mundu: sa Tziviltade de sa Badde de s'Indu.

Istèrrida, populatzione, densidadeEdit

Istadu Istèrrida,
km²
Populatzione Densidade,
bividores
pro km²
Capitale
1   - Ìndia 3,300,000 1,200,000,000 380 Noa Delhi
2   - Bangladèsh 150,000 150,000,000 1,000 Daca
3   - Bhutàn 38,000 740,000 20 Thimphu
4   - Maldivas 300 330,000 1,100 Malé
5   - Nepàl 150,000 27,000,000 180 Katmandù
6   - Pakistàn 800,000 180,000,000 230 Islamabàd
7   - Sri Lanka 66,000 22 000 000 320 Sri Jayawardenapura Kotte
TOTALE 4,400,000 1,700,000,000 400

Àteros progetosEdit