Sarajevo

Artìculu in LSC

Sarajevo (in serbu tzrìllicu, Сарајево ; antigamente Bosna-Seraï) est sa capitale e sa bidda prus manna de sa Bòsnia e Ertzegòvina.

Sarajevo a de notte

Posidura in s'istadu

In antis de sa gherra, s'ùrtimu tzensimentu de su 1991 carculaiat una populatzione de prus de 429.000 bividores, oe calada segundu is istimas a prus pagu de 300.000. 

Sa bidda, fundada in su 1461 dae sos otomanos, est cunsiderada una de is prus importantes istoricamente in sos Balcanos. Est fintzas su logu in ue in su 1914 fiat bochidu s'erederi pro sa corona de s'Impèriu Àustro-Ungheresu, dende origine a s'iscòpiu de sa prima gherra mundiale.

Durante sos annos 90 est istada ogetu de unu longu assìtiu, e galu oe sighint a s'agatare is rastas de sa gherra in is fatzadas de is fàbricos. S'assìtiu, duradu 1000 dies at causadu 10.000 mortos. Torrada sa paghe, sa tzitade est galu meda addanniada siat in sas istruturas, siat in s'identidade, essende istoricamente istada logu in ue religiones e pòpulos diferentes ant bìvidu impare.

S'economia est istentende a si torrare a pesare. Su turismu est nointames una faina chi est crèschende meda in presse.