Tashkent

Artìculu in LSC

Tashkent (de su russu Ташкент; in uzbecu: Toshkent, o Тошкент / Тoшкeнт in alfabetu tzirìllicu) est sa capitale de s'Uzbekistàn. In su 2006 teniat 1.967.879 bividores.

Posidura de Tashkent (inditada in colore ruju) in s'Uzbekistàn

Su nùmene atuale benit dae su turkmenu e sinnìficat tzitade de pedra. Est istada durante sèculos medas unu puntu de trasida importante in sa Bia de sa Seda, caminu cummertziale chi uniat s'Àsia cun s'Europa.

Mancari non tèngiat su balore istòricu de àteras tzitades uzbecas, comente Bukharà, Samarcanda o Khivà, Tashkent est su tzentru econòmicu printzipale e culturale de s'Uzbekistàn. Si bi agatant sas printzipales istitutziones acadèmicas de s'istadu, gasi comente sas sedes de sas aziendas internatzionales cun atividade in Uzbekistàn. In sa tzitade, si pùblicant sos giornales noos in uzbecu, non prus in russu, aici comente fintzas in inglesu.