Wikipedia

Elio (cantadore)

cantadore
Custu artìculu est iscritu cun sa grafia Limba Sarda Comuna. Abbàida sas àteras bariedades gràficas:

campidanesu · logudoresu · nugoresu

Elio, pseudònimu de Stefano Belisari (Milanu, 30 de trìulas de su 1961) est unu cantadore, composidore, flautista e atore teatrale italianu, ghia de su grupu de sos Elio e le Storie Tese, fundadu dae issu in su 1980, canto teniat 19 annos, in paris cun su baterista Luigi Zuffellato.

Elio

Elio chi sonat sas congas (sos bongos) cantende Parco Sempione
Informatziones
Nùmene de nàschida Stefano Belisari
Connotu fintzas comente Steve
Roberto Moroni
Roberto Gustavivi
Julio Hammurabi
Nàschidu su 30 de trìulas 1961
Milanu, Lombardia, Itàlia
Gènere musicale Rock dementziale
Rock progressivu
Pop rock
Cantu a tenore[1][2][3]
Ocupatziones cantadore, sonadore, componidore, atore, dopiadore, presentadore radiofònicu
Istrumentos flàutu traessu, chiterra, bongos
Annos de atividade 1980 - oe
Artistas assotziados Elio e le Storie Tese
Faso
Rocco Tanica
Cesareo
Meyer
Jantoman
Feiez
Vittorio Cosma
Tenores de Neunele

Est sa boghe solista de sa banda ma s'ammustrat sonende fintzas sa chiterra e su flàutu traessu, trastu in cale s'est diplomadu in su Cunservatòriu Giuseppe Verdi de Milanu. Carchi borta at sonadu fintzas su bassu elètricu. In sos ùrtimos annos est istadu intèrprete de partiduras iscritas pro issu dae composidores de provenièntzia clàssica, comente a Luca Lombardi o Nicola Campogrande. Est giùighe de X Factor dae sa de bator a sa de sete e de sa de noe editziones.

Su nùmene beru de Elio est istadu tentu istichidu pro annos. In ocasione de cuntzertos o intervistas, Elio a s'ispissu si pigaiat giogu de sos interlocudores "rivelende·li" de si mutire cun nùmenes imbentados in cussu momentu, comente a "Roberto Moroni" o "Roberto Gustavivi".

Biografia

modìfica
Sos zistros de sos Èlios

Cada membru de sos Elio e le Storie Tese in su cursu de sos annos at adotadu, in manera prus o mancu estemporànea, medas zistros. Cosa chi paret istrana, intre sos membros de su grupu, est pròpiu su cantadore Elio su chi de mancu de totus at abbandonadu su nomìngiu "ufitziale". Àteros paranùmenes sunt istados Steve (cando, in su perìodu imbeniente a su Fèstival de Sanremo 1996, totu sa banda at impreadu apellativos anglòfonos), Roberto Moroni, Roberto Gustavivi, Julio Hammurabi.

De orìgines marchigianas (sos genitores sunt originàrios de Cossignano, in provìntzia de Ascoli Piceno), si diplomat in su litzeu iscientìficu Einstein, e fintzas in s'iscola tzìvica de mùsica Cunservatòriu Giuseppe Verdi de Milanu e, cun calma, in su 2002 si làureat in ingegneria eletrònica in su Politecnicu de Milanu .[4] Cojuadu, dae s'11 de santandria de su 2009 est babbu de duos gemellos, Dante e Ulisse.

Artista eclèticu, contat, intre s'àteru, partetzipatziones a òperas teatrales (S'òpera de tres soddos de Bertolt Brecht, Istòria de Amore e de Anarchia, musical de Lina Wertmüller) e tenet a s'ativu medas collaboratziones a discos de mùsica lèbia, intre sos cales cussa cun Giorgio Conte, cun su cale at cantadu Modulazione di frequenza in s'album de su cantautore astigianu de su 1993 Giorgio Conte.

Paris cun Faso, Rocco Tanica, Cesareo, Mangoni e Linus presentat sa trasmissione radiofònica de Radio Deejay Cordialmente, in direta dae su 1993. At assentadu belle totus sas siglas de Mai dire Gol partetzipende·bi medas bortas comente a istràngiu in sos medas annos. In su 2001 est istadu istràngiu fissu de sa trasmissione cun totu su grupu chi, pro s'ocasione, at pigadu su nùmene de "Tripudio Intestinale".

In s'istiu de su 1992 at connotu sos cantadores de su Tenore de Neunele, cun sos cales at collaboradu pro annos, siat (in paris cun Jantoman, Faso, Christian Meyer e Vittorio Cosma, totus àteros membros de Elio e le Storie Tese) in su discu Terra Nostra de su 1996, in ue at cantadu una versione in sardu de La terra dei cachi, siat in cussu de su 2000, Barones,[5], in ue at cantadu (semper in sardu) su branu Intantu[6], e fintzas in cussu de su 2003, D@e Coro, in ue de cantzones in sardu nd'at cantadu bator: Sartiglia, Miniera, Nerone e Trallallera.[5][6] Elio e su Tenore de Neunele ant fatu fintzas medas cuntzertos paris, formende su grupu connotu comente NeonElio.[7][8][9]

A curtzu a s'agabbu de sos annos noranta at dopiadu su pessonàgiu de Butt-head de su cartone animadu Beavis and Butt-Head in direta in MTV paris cun Nicola Fasani (chi at dopiadu Beavis), dae sa de bator sèries finas a sa de sete. At collaboradu a s'iscritura de su dopiàgiu de su film Austin Powers: La spia che ci provava. Sa carriera de dopiadore sua est sighida cun su film de animatzione Terkel in Trouble (2004). At imprestadu sa boghe fintzas a Pino su Pinguinu, mascote de sa publitzidade de sa Vodafone de su 2013.

In su 2002 pùblicat, comente pianista e chitarrista, su sìngulu C'è solo l'Inter, cantadu dae Graziano Romani, innu nou de s'iscuadra de fùbalu de sa cale est tifosu. In su 2004 at publicadu su libru Fiabe centimetropolitane e, cun Faso, Rocco Tanica, Cesareo e Chiara Rapaccini, Animali spiaccicati. In su 2006 essit Vite bruciacchiate, s'eterobiografia de sos Elio e le Storie Tese iscrita dae issos matessi e dae medas amigos e collaboradores issoro.

In cussos annos est fintzas cummentadore de sas partidas de baseball de sa MLB (paris cun Faso) pro SKY Sport.[10] At giogadu pro annos in s'iscuadra de baseball de s'Ares Milano Baseball, militante in sèrie B, in su girone A, iscuadra de sa cale Faso est presidente.[10]

In su 2003 est istràngiu de su discu "X" de sos Ossi Duri, banda piemontesa esperta in su repertòriu de Frank Zappa, cun sos cales registrat sa cover "City of tiny lites" e s'inèditu "Balletto". In su cursu de sos annos, Elio e sos Ossi Duri realizant medas cuntzertos paris, unu de sos cales est istadu registradu in su discu "Gnam Gnam", essidu in su 2004. At collaboradu cun Maurizio Crozza in sa trasmissione Crozza Italia in LA7 (2006). In su martzu 2007 essit Tre colori, s'album nou de su rocker Graziano Romani, in ue Elio duetat paris a Romani in su branu tituladu Giorni sporchi. At leadu parte a sa realizatzione de su branu Invisibile traccia in s'album Stonata de sa cantante Giorgia, sonende su flàutu traessu.

In su 2009 Elio at incumentzadu a resare in sa sèrie TV Drammi medicali, in lìnia in Flop Tv. In custa ocasione Elio, chi no amat èssere mutidu cun su nùmene de batiare suo, s'est imbentadu unu nomìngiu fitìtziu, Julio Hammurabi, de dare a s'atore chi at interpretadu su pessonàgiu suo, su Dotore Ovidio Giolsot. In sos tìtulos de agabbu, difatis, nen Stefano Belisari nen Elio e le Storie Tese aparint comente a membros de su cast, ma s'agatat su nùmene de Julio Hammurabi, alter ego de su pessonàgiu, cantante, atore, còmicu.[11][12] Est de su 2009 fintzas s'intzisione, paris cun sos Artisti uniti per l'Abruzzo, de su branu "Domani", in ocasione de su terremotu terrorosu chi at còrfidu s'Abrutzu. Su 24 martzu 2009, in su MAXXI de Roma, Elio s'est presentadu pro pigare su Prèmiu a sa Carriera de sa XV Quadriennale de Arte de Roma destinadu a Maurizio Cattelan, sustentende de èssere Cattelan.[13][14] Durante sa cunferèntzia Elio Cattelan at retzidu su prèmiu e arresonadu in manera amàbile cun Francesco Prosperetti, Anna Mattirolo, Gino Agnese, Stefano Chiodi, Andrea Cortellessa, Cornelia Lauf e rispòndidu a sas dimandas de su pùblicu presente, firmende fintzas autògrafos cun su nùmene "Maurizio Cattelan".[15] In s'istiu de su 2010 Elio est istadu isseberadu pro fàghere parte pro sa prima borta de sa giuria de su talent show famadu de Rai 2, X Factor, in paris cun Mara Maionchi, Enrico Ruggeri e Anna Tatangelo.[16] Comente a giùighe Elio at tentu una popularidade manna e at batidu a sa puntada finale de su programma, su 23 de santandria de su 2010, dues de sos tres cantantes de s'iscuadra sua, est a nàrrere Nevruz Joku, chi s'est classificadu tertzu, e Nathalie, binchidora de su programma.[17] Est giùighe fintzas in sa de chimbe e de ses editziones de s'ispetàculu in direta in Sky Uno, presentadu dae Alessandro Cattelan in paris cun Arisa, Morgan e Simona Ventura, e in sa de sete in paris a Mika, Morgan e Simona Ventura. A pustis de una pàusa, torrat in sa de noe editziones e est giùighe in paris a Fedez, Mika e Skin.

In su maju de su 2011 est essidu su film Paul, in ue Elio dòpiat s'alienu protagonista.[18][19] In su 2011 Elio collàborat cun sa Nokia e realizat pro s'Ovi Store s'estensione "Elio ti guida", programma agiuntivu destinadu a sos navigadores satellitares inclùdidos in sos terminales. In su matessi annu essit unu videoclip in ue cantat Muppettissimo Show, una cantzone pro su film nou I Muppet. Semper in su 2011 est istràngiu fissu de s'ispetàculu The Show Must Go Off presentadu dae Serena Dandini in La7. In su 2013 Elio partètzipat a su Fèstival de Sanremo, classifichende·si a su segundu postu. At partetzipadu a sa realizatzione de duos branos chi s'agatant in s'album Frankenstein de Enrico Ruggeri, sonende su flàutu traessu. Intervenit in s'album de Max Pezzali tituladu Max 20 cantende Nord sud ovest est. Dae su santugaine de su 2014 interpretat Gomez in su musical "La Famiglia Addams" in paris cun Geppi Cucciari, Giulia Odetto e Pierpaolo Lopatriello. In su 2015 collàborat a s'album de sa cantautora sitziliana Cassandra Raffaele Chagall in sa rasta Meditazione.

In su 2016 est sa boghe de su narradore in Pierino e il lupo pro sa Deutsche Grammophon.

In su 10 de Santandria de su 2017 Elio duetat cun Cristina De Avena pro su branu Siamo fatti così intzisu in s'album in istùdiu Duets - Tutti cantano Cristina.

Discografia

modìfica
  • 1989 - Elio Samaga Hukapan Kariyana Turu
  • 1990 - The Los Sri Lanka Parakramabahu Brothers Featuring Elio e le Storie Tese
  • 1993 - Esco Dal Mio Corpo e Ho Molta Paura (Gli inediti 1979-1986)
  • 1996 - Eat The Phikis
  • 1997 - Del Meglio Del Nostro Meglio Vol.1
  • 1998 - Peerla
  • 1999 - Craccracriccrecr
  • 1999 - Tutti Gli Uomini Del Deficiente
  • 2001 - Made In Japan - Live At Parco Capello
  • 2003 - Cicciput
  • 2008 - Studentessi
  • 2009 - Gattini
  • 2013 - L'Album Biango
  • 2016 - Figgatta De Blanc

Filmografia

modìfica
  • Rocco e le storie tese, regia de Rocco Siffredi (1997)
  • Asini, regia de Antonello Grimaldi (1999)
  • Natale a casa Deejay, regia de Lorenzo Bassano (2004)
  • InvaXön - Alieni in Liguria, regia de Massimo Morini (2011)
  • Capitan Basilico, regia de Massimo Morini (2011)
  • Ritmo sbilenco - un filmino su Elio e Le Storie Tese, documentàriu, regia de Mattia Colombo (2016)

Televisione

modìfica
  • Mai Dire Gol (Itàlia 1, 2001)
  • Crozza Italia (SA7, 2006)
  • InvaXön - Alieni nello spazio (Jimmy, 2007)
  • Drammi Medicali (FlopTV, 2008-2009)
  • Parla con me (Rai 3, 2009-2011)
  • X Factor (Rai 2, 2010; Sky Unu, Chelu, 2011-2013, 2015)
  • The Show Must Go Off (SA7, 2012)
  • Il Musichione (Rai 2, 2014)
  • Roma, Napoli, Venezia... in un crescendo rossiniano (TG1, 2017)

Dopiàgiu

modìfica

Films

modìfica
  • Seth Rogen in Paul

Films de animatzione

modìfica
  • Arne e boghe narrante in Terkel In Trouble
  • Chester V in Piovono Polpette 2 - La rivincita degli avanzi

Sèries animadas

modìfica
  • Butt-Head (2ª boghe) in Beavis & Butt-Head

Ràdiu

modìfica
  • Cordialmente (1993-oe)
  • Alle otto della sera (Rai Radio Due, 2004)
  • I cittadini (Rai Radio Due, 2018)

Notas

modìfica
  1. ↑ I Tenores di Neoneli cantano con Elio a tutela dell'ambiente), in ricerca.gelocal.it. URL consultadu su 27 freàrgiu 2019 (archiviadu dae s'url originale su 28 freàrgiu 2019).
  2. ↑ Elio e i Tenores di Neoneli il 7 settembre all’Asinara ), in castedduonline.it. URL consultadu su 27 freàrgiu 2019.
  3. ↑ Asinara: a Cala Reale Elio e i Tenores di Neoneli, in buongiornoalghero.it. URL consultadu su 27 freàrgiu 2019 (archiviadu dae s'url originale su 28 freàrgiu 2019).
  4. ↑ Biografia di Elio, in elioelestorietese.it. URL consultadu su 6 nadale 2018.
  5. ↑ 5.0 5.1 Biografia dei Tenores di Neoneli, Rockol.it. URL consultadu su 6 freàrgiu 2019.
  6. ↑ 6.0 6.1 Tenores di Neoneli - Collaborazioni con Elio e le Storie Tese, in Marok.org. URL consultadu su 6 freàrgiu 2019.
  7. ↑ “NeonElio”: Elio e i Tenores di Neoneli insieme all’Asinara. Surrealismo e tradizione per un mix incredibile, Vistanet. URL consultadu su 6 freàrgiu 2019.
  8. ↑ NeonElio - Curride Zente 2018, in anfiteatrotharros.it. URL consultadu su 6 freàrgiu 2019 (archiviadu dae s'url originale su 9 freàrgiu 2019).
  9. ↑ Elio e i tenores di Neoneli a Monteponi, La Nuova Sardegna. URL consultadu su 6 freàrgiu 2019 (archiviadu dae s'url originale su 9 freàrgiu 2019).
  10. ↑ 10.0 10.1 Elio e Faso showmen al Dopofestival e “messaggeri” del baseball, in doubleplay.wordpress.com. URL consultadu su 30 martzu 2011.
  11. ↑ Drammi medical su floptv, FlopTV.it. URL consultadu su 18 martzu 2011 (archiviadu dae s'url originale su 1 freàrgiu 2010).
  12. ↑ Maccio Capatonda e Elio protagonisti su Flop.tv: la web tv di Fox dedicata alla comicità, TvBlog.it. URL consultadu su 18 martzu 2011.
  13. ↑ Maurizio Cattelan conquista la XV Quadriennale d'arte di Roma Archiviadu su 27 martzu 2009 in s'Internet Archive.. «Libero»/«adnkronos». 24 martzu 2009. (Consultadu in «liberonews.it» su 4 de abrile de su 2009).
  14. ↑ Premio a Cattelan, ma si presenta Elio Archiviadu su 2 austu 2009 in s'Internet Archive. «Il Tempo», 25 martzu 2009. (Consultadu in «iltempo.ilsole24ore.com» su 4 de abrile de su 2009).
  15. ↑ Documentu vìdeu (swf) Archiviadu su 24 maju 2011 in s'Internet Archive. de su 24 martzu 2000. MAXXI, Roma.
  16. ↑ La giuria di X-Factor nuovo format Maionchi, Tatangelo, Elio, Ruggeri, in La Stampa, 29 làmpadas 2010 (archiviadu dae s'url originale su 6 trìulas 2010).
  17. ↑ Archive copy, IlSussidiario.net. URL consultadu su 18 martzu 2011 (archiviadu dae s'url originale su 3 austu 2012).
  18. ↑ Elio: «Il vero alieno sono io», Corriere della Sera. URL consultadu su 24 austu 2011.
  19. ↑ Elio è Paul!, Elioelestorietese.it. URL consultadu su 24 austu 2011 (archiviadu dae s'url originale su 31 trìulas 2011).

Bibliografia

modìfica

Àteros progetos

modìfica

Ligàmenes esternos

modìfica
Controllu de autoridadeVIAF (EN) 108086228 · ISNI (EN) 0000 0000 7745 874X · Europeana agent/base/40703 · GND (DE) 114240143X · LCCN (EN) no2010046689 · MusicBrainz 745e0dcb-ca92-4487-8e66-32a48fbc2033 · SBN (IT) RAVV396806 · WorldCat Identities (EN) no2010-046689
Bogadu dae "https://sc.wikipedia.org/w/index.php?title=Elio_(cantadore)&oldid=184107"