Emanuele Pintus
Limba Sarda Comuna. Abbàida sas àteras bariedades gràficas:
Emanuele Pintus (Meana, 1985) est unu cantautore sardu.
| Emanuele Pintus | |
|---|---|
| Orìgine | Meana, Sardigna |
| Gènere musicale | indie rock, rock alternativu, punk rock, folk |
| Istrumentos | boghe, chiterra |
| Annos de atividade | 2003-oe |
| Etichetas | Long Life Records Bad Karate Dischi MSound Records |
| Artistas assotziados | Diva Whiu Whiu Bumbe Orchestra Marco Masili Andrea Loi Maurizio Marras Cinotz Edwige |
Biografia modìfica
Crèschidu in Meana, in su tempus de atividade de su grupu istòricu issoro Shivers, in su 2003 at fundadu sos Diva paris a Claudio Contini, a su bassu, Maurizio Marras, a sa bateria, e Mauro Antonio Zedda, a sa chiterra. Custu grupu at publicadu un'album in su 2008, "Sorriso di Luna", e at bintu sos prèmios Nastro Azzurro Contest de Casteddu e Barbagia Rock Fest de Ollollai. Sunt arribbados fintzas a su de bator postos in su prèmiu Sanremo Rock de Mòdena cun su branu Barbara.[1]
In su 2011, cun Alessandro e Massimiliano Macis, Gianni Dearca e Daniele Mereu at fundadu sos Whiu Whiu!!, chi ant publicadu unu demo de 7 rastas, "Victoria", chi est divènnidu sa colonna sonora de sa manifestatzione Olimpika de su 2013 (pustis Ateneika) e duos discos, pustis de s'intrada in su grupu de Bin Maurus, Matteo Urru, Luca Fadda e Giuseppe Aledda: "In fondo è solo un vile racconto" (de su 2016) e "Glamour" (de su 2018).[1]
In su 2014 at fundadu sa Bumbe Orchestra, in collaboratzione cun Mauro Antonio Zedda, Maurizio Marras e Bin Maurus ma cun branos fatos fintzas cun Laura Sau (MyMisses) sa cantante Marisa Sotgiu, Gibe, su raperi “Cinotz”, Frantziska, White Fang, Tunno, Antoni Matzeu, Roberto Fiorentino, Andrea Fulghesu, Claudio Orefice e Vassili Casula. Sa Bumbe Orchestra at publicadu un'EP (Isus, in su 2014) duos albums (A Chitzi Intendo su Sabore Tua, in su 2016, e Tempus Connotu, in su 2020), at pigadu parte a su Suns Festival de su 2015 e at bintu sa de sèighi editziones de su prèmiu literàriu Anselmo Spiga in su Festival Cuncambias de Santu Sparau.[1]
In su 2021 Pintus at publicadu su primu album solista suo, "Linna"[2], registradu paris a Marco Masili a sa chitarra, Andrea Loi a su bassu e Maurizio Marras a sa bateria[1], e su sìngulu Mùsica lèbia.
In su 2022 at publicadu su sìngulu suo Havana, in collaboratzione cun sos artistas Cinotz (chi aiat giai collaboradu cun sa Bumbe Orchestra) e Edwige, cun Genia, branu pigadu dae "Linna", at bintu su prèmiu de su pùblicu in su Liet International, unu de sos fèstivals internatzionales de importu prus mannu pro sas limbas de minoria.[3][4][5][6][1][7] Semper in su matessi annu, a pustis de unu sìngulu fatu a sa sola, Sunt torraus i' No Scolas, nd'at publicadu un'àteru, Sorre, paris cun sa binchidora de su prèmiu de sa giuria de sa matessi editzione de su fèstival, sa cantadora corsicana Doria Ousset.[8][7]
in su 2023 at publicadu s'ep (discu curtzu), "ATENTZIONE AMORE CONNESSIONE"[9].
In su 23 de freàrgiu de su 2024 est essidu su de duos albums suos, "Terra", custa borta bilìngue (unas cantas cantzones in limba sarda e àteras in italianu) cun su colletivu MSound Rec.[10]
Discografia modìfica
Cun sos Diva modìfica
- 2008 - Sorriso di Luna
Cun sos Whiu Whiu!! modìfica
- 2011 - Victoria
- 2012 - WHIU WHIU!! EP (Long Life To 2012)
- 2016 - In fondo è solo un vile racconto
- 2018 - Glamour
Cun sa Bumbe Orchestra modìfica
- 2014 - Isus
- 2016 - A Chitzi Intendo su Sabore Tua
- 2020 - Tempus Connotu
Solista modìfica
Albums modìfica
- 2021 - Linna
- 2024 - Terra
Discos curtzos (EP) modìfica
- 2023 - ATENTZIONE AMORE CONNESSIONE
Sìngulos modìfica
- 2021 - Mùsica lèbia
- 2022 - Havana
- 2022 - Sunt torraus i' No Scolas
- 2022 - Sorre
Riferimentos modìfica
- ↑ 1.0 1.1 1.2 1.3 1.4 (IT) Maurizio Pretta, Da Meana a Tønder. Il percorso musicale di Emanuele Pintus premiato in Danimarca al Liet International festival, in Nemesis Magazine, 21 maju 2022. URL consultadu su 29 maju 2022.
- ↑ (IT) Simone La Croce, Linna - Emanuele Pintus, in Sa Scena, 5 martzu 2021. URL consultadu su 29 maju 2022.
- ↑ Sa limba sarda in su Liet International gràtzias a Emanuele Pintus, in Limba Sarda 2.0, 15 maju 2022. URL consultadu su 29 maju 2022.
- ↑ (IT) Successo sardo al festival europeo delle lingue minoritarie, in Agenzia ANSA, 14 maju 2022. URL consultadu su 29 maju 2022.
- ↑ (EN) Giulia Carbonaro, This is Europe's other song contest, for minority languages only, in euronews, 16 maju 2022. URL consultadu su 29 maju 2022.
- ↑ (IT) Roberto Anedda, La Sardegna brilla al festival "Liet International": Emanuele Pintus vince il premio del pubblico, in Vistanet, 19 maju 2022. URL consultadu su 29 maju 2022.
- ↑ 7.0 7.1 (IT) Al festival europeo delle lingue minoritarie la canzone in sardo vince il premio del pubblico, in L'Unione Sarda, 14 maju 2022. URL consultadu su 29 maju 2022.
- ↑ (CO) Vittoria di Doria Ousset à u cuncorsu Liet, in Voce Nustrale. URL consultadu su 10 trìulas 2023.
- ↑ (EN) ATENTZIONE AMORE CONNESSIONE, by Emanuele Pintus, in EMANUELE PINTUS. URL consultadu su 30 trìulas 2023.
- ↑ Terra, by Emanuele Pintus, in EMANUELE PINTUS. URL consultadu su 24 freàrgiu 2024.
Artìculos ligados modìfica
Ligàmenes esternos modìfica
- Testos de sas cantzones de Emanuele Pintus, in genius.com.
| Controllu de autoridade | MusicBrainz 127267fd-a587-407e-862d-84a7547519f7 |
|---|