Grupu Rubanu
Limba Sarda Comuna. Abbàida sas àteras bariedades gràficas:
| Grupu Rubanu | |
|---|---|
| Orìgine | Orgòsolo, Sardigna |
| Gènere musicale | Cantu a tenore |
| Annos de atividade | 1966-1982 |
Istòria
modìficaSu Grupu Rubanu est unu de sos grupos de cantu a tenore de Orgòsolo, creadu in su 1966 dae Nicolò Giuseppe Rubanu, paris a Egidio Muscau, Michele Vedele, Antonio Buffa e Sebastiano Piras.
Su grupu Rubanu at introduidu sos testos polìticos in su càntigu a tenore; difatis a pustis de sa Rebellia de Pratobello s'impinnu polìticu issoro fiat devènnidu una prioridade. A custu aiat contribuidu fintzas s'addòbiu issoro cun sos Inti Illimani[1].
Medas petzos originales, cun testos de Nicolò Rubanu, intre cussos Pratobello, unu branu iscritu in su 1969 a pustis de sa rebellia omònima, Poveru dai cannu ses naschidu, S'atitu, etc. faeddant de temàticas sotziales. In su repertòriu issoro, in prus, cumparent unas cantas poesias de Pepinu Mereu (che a Nanneddu e Deo no isco sos carabineris), musicadas dae issos, chi tenent una connotatzione forte de impinnu polìticu.
In su 1974, Nicolò Rubanu aiat musicadu su testu de sa poesia de Mereu A Nanni Sulis e su grupu l'aiat esecutada sa prima borta in su Teatru Eliseo de Nùgoro, in ocasione de un'esibitzione paris cun sos Inti-Illimani[2], su matessi annu su grupu l'aiat publicadu in s'album issoro Su lamentu 'e su pastore.
Est istada sa prima formatzione de cantu a tenore a addobiare su jazz in s'album isperimentale The New Village on the Left cun Marcello Melis, Enrico Rava, Roswell Rudd, Don Moye .[3]
Cumponentes de su grupu
modìfica- Egìdiu Muscau - Boghe
- Micheli Vedele - Boghe
- Antoni Buffa - Mesu Boghe
- Nicolò Zosepe Rubanu - Bassu
- Bustianu Piras - Contra
Discografia
modìfica- 1975, Su lamentu de su pastore, AEDO CD 769 (torradu a editare in su 2004, Frorias)
- 1976, The New Village on the Left, in collaboratzione cun Marcello Melis (Quartet), con Enrico Rava, Roswell Rudd, Don Moye
- 1982, S 'attitu, LP-VOL. II- AEDO LPK 3370.
Riferimentos
modìfica- ↑ Paula Pitzalis, Boghes de pedra, in Làcanas n.41, santA.-nad. 2009
- ↑ Maria Giovanna Fossati, Boccio i cori sardi, non sono etnici, 2 nad. 2007, La Nuova Sardegna
- ↑ Romano Cannas (a incuru de), Radio Brada - 8 cabudanni 1943: ''dalla Sardegna la prima voce dell'Italia libera'', cun prefatzione de Jader Jacobelli, p. 123
| Controllu de autoridade | VIAF (EN) 136313622 · ISNI (EN) 0000 0000 9288 5512 · LCCN (EN) no00056833 · MusicBrainz 84b02a20-13be-4a2e-ad42-a457c34bcd65 · WorldCat Identities (EN) no00-056833 |
|---|