Làtziu
Limba Sarda Comuna. Abbàida sas àteras bariedades gràficas:
Coordinadas: 41°54′N 12°43′E / 41.9°N 12.716667°E
Su Làtziu est una regione a istatutu ordinàriu de s'Itàlia tzentrale, cun cabulogu Roma. Cun 5.8637.85 bividores est sa segunda regione prus pobulada de Itàlia a fatu de sa Lombardia[1], e sa de noe pro tirada de sa superfìtzie. Pigat làcana a nord-ovest cun sa Toscana, a norte cun s'Ùmbria, a nord-estu cun is Marcas, a estu cun s'Abrutzu e su Molise, a sud-estu cun sa Campània, a ovest imbetzes si ghetat a su mare Tirrenu. In intro suo est presente s'enclave minore de Tzitade de su Vaticanu.
In sentidu istòricu e geogràficu, su Làtziu a berus est isceti su territòriu cumprèndidu intre su bassu cursu de su riu Tèvere e sos Montes Ausònios, in is intòrrios de Terracina, e s'Apenninu tzentrale che a lìmite orientale[2].
S'ente territoriale Regione Làtziu est istadu istituidu cun sa Costitutzione republicana in su 1947, cando chi su primu òrganu polìticu rapresentativu (comente sas àteras regiones italianas a istatutu ordinàriu) siat istadu fatu operativu feti in su 1970, cun su eletzione de sos cussìgios regionales[3]. Sa regione esistiat comente si siat giai in pretzedèntzia che a entidade geogràfica e istadìstica.
Riferimentos
modìfica- ↑ tuttitalia.it, http://www.tuttitalia.it/regioni/popolazione/. URL consultadu su 25 maju 2017.
- ↑ Filippo Cassola, Storia di Roma. Dalle origini a Cesare, Roma, Jouvence, 2001.
- ↑ Consiglio Regionale del Lazio, Archive copy (PDF), in consiglio.regione.lazio.it. URL consultadu su 7 abrile 2015 (archiviadu dae s'url originale su 1º austu 2014).
Àteros progetos
modìfica| Wikimedia Commons tenet files chi ligant a: Làtziu |