Flag of Sardinia, Italy.svg
Artìculu in LSC
Flag of Sardinia, Italy.svg

Sa lenitzione est una forma de mudamentu presente in medas limbas cumpresu su sardu. Custu fenòmenu est riferidu a su càmbiu de una cunsonante tosta in una cunsonante lèbia chi si at, in su sardu, chin sas cunsonantes oclusivas surdas intervocàlicas p/t/k chi mudant in b/d/g.

Sos limbàgios tzentrales si sunt mantesas sas oclusivas surdas in positzione intervocàlica e sa lenitzione no est presente; in custas zonas, pro esempru, si at: dae su latinu CUPA(M) > cupa, dae APE(M) > ape, dae ROTA(M) > rota, dae CATENA(M) > catena, dae LOCU(M) > locu, dae SECARE > secare, e gasi sighende. Sos àteros limbàgios (logudoresu e campidanesu) imbetze sunt istados sugetos custu fenòmenu e tando, semper pro sas matessi paràulas, si ant cuba, abe, roda, cadena, logu, segare.