Custu artìculu est iscritu cun sa grafia Limba Sarda Comuna. Abbàida sas àteras bariedades gràficas:

campidanesu · logudoresu · nugoresu


Sa Mreca (fatu·fatu traduidu comente Merca) est unu màndigu sardu traditzionale de pische tìpicu de Crabas e de is àteras biddas chi s'agatant a inghìriu de s'Istàngiu de Crabas, chi benint a èssere massimamante Arriora, Nurachi e Boàtiri, fintzas a lòmpere a Tzeddiani e Santeru, comente fintzas a Santa Justa (chi s'agatat in s'oru de s'istàngiu omònimu) Su pratu si cumponet de mugheddu (localmente naradu ''pisci/pischi de iscata'') postu a buddire cun sale meda, infrascadu cun una erba de paule, a chi si narat tzibba.

Sa Mreca

Sa mreca respondet a sa netzessidade de cunserbare unu màndigu chentza de ddu pòdere tènnere in friscu, pro ddu consumire traballende a tesu dae domo[1], pro esempru is piscadores in is barcas, o fintzas is pastores paschende is arbeghes.

Orìgine modìfica

Segundu unos cantos istudiosos is orìgines de sa mreca andant torra a una època intre su Paleolìticu Superiore e su Neolìticu.[2] Su nùmene diat pòdere tènnere etimologia fenìtzia, sun significadu de màndigu salidu.[3] Segundu is istùdios de Giovanni Fancello su faeddu diat èssere imbètzes latinu, derivende de ''melcas'', chi in època romana inditaiat unu pratu cumpostu de late aghedu, pìbere, sale, ògiu e coriandru. Custa ipòtesi agatat fundamentu fintzas pro ite in sa zona de Nùgoro b'at unu àteru pratu cun matessi nùmene, chi però est unu casu aghedu. Su nùmene simigiante diat bènnere de sa matessi tecnica de aprontadura cun sale meda.[4][5]

Aprontadura modìfica

Sa pisca de su mugheddu acontesset a pustis de dd'àere lassadu una pariga de dies de geunu, de manera chi ispurghet e chi làngighet. Una borta pulidu e iscatadu, si faghet buddire in abba salida o fintzas abba de mare. Depet abarrare intreu e non si segare, ma cheret fintzas ismatzadu.[6]

A pustis de ddu buddire si lassat in s'abba pro una mesora e tando iscoladu e lassadu in s'umbra a subra de sa tzibba a asciutare. A segus s'infrascat su pische in s'erba comente chi èsseret una cunfetzione, de manera chi nde potzat fintzas surbire su sabore.[7]

Si papat unas pagas dies a pustis e chentza de abèrrere podet aguantare fintzas a unas deghe dies.

Notas modìfica

  1. Sardegna a tavola : Sa Merca di Oristano, un piatto preistorico con muggini e salicornia, in sardegnamagazine.net.
  2. Sardegna a tavola : Sa Merca di Oristano, un piatto preistorico con muggini e salicornia, in sardegnamagazine.net.
  3. SA MERCA DI ORISTANO, in sardegnacountry.eu. URL consultadu s'11 maju 2020 (archiviadu dae s'url originale su 23 austu 2022).
  4. Una ricetta dal passato: Sa Merca e l’alimentazione degli antichi abitanti di Tharros, in marecalmo.org.
  5. Sardegna a tavola : Sa Merca di Oristano, un piatto preistorico con muggini e salicornia, in sardegnamagazine.net.
  6. SA MERCA DI ORISTANO, in sardegnacountry.eu. URL consultadu s'11 maju 2020 (archiviadu dae s'url originale su 23 austu 2022).
  7. Sardegna a tavola : Sa Merca di Oristano, un piatto preistorico con muggini e salicornia, in sardegnamagazine.net.