Omar Bandinu
Limba Sarda Comuna. Abbàida sas àteras bariedades gràficas:
Omar Bandinu (Bitzi, 1974)[1] est unu cantadore e sonadore sardu, connotu mescamente pro s'atividade sua cun su Tenore de Bitti "Mialinu Pira", in ue faghet su bassu.
| Omar Bandinu | |
|---|---|
 Omar Bandinu in su Tenore de Bitzi "Mialinu Pira" | |
| Informatziones | |
| Nàschidu su | 1974 Bitzi |
| Gènere musicale | cantu a tenore, funky, soul, swing |
| Annos de atividade | 1995-oe |
| Artistas assotziados | Tenore de Bitzi "Mialinu Pira" |
| Istrumentos de annotu | |
| pianoforte, tastieras | |
Biografia
modìficaNàschidu in Bitzi, at incumintzadu a istudiare su pianoforte in s'Iscola Tzìvica de Mùsica de Nùgoro, e a pustis est intradu in su Cunservatòriu de Mùsica de Casteddu, in ue at acabadu sos istùdios de pianoforte in su 2000 e s'est laureadu fintzas in Mùsica Eletrònica in su 2005, e in Etnomusicologia in su 2012. In su 2006 at fintzas pigadu s'abilitatzione pro s'insegnamentu de sa mùsica.
Cun su Tenore de Bitzi at cantadu pro prus de 20 annos in logos medas de su mundu, dae sa Frantza a su Giapone, e at pigadu parte fintzas a atividades didàticas cun sas iscolas, sas universidades e àteras istitutziones che a sa Regione Sardigna e s'Unione Europea.[1][2]
Comente solista at collaboradu cun su cumponidore israelianu Yuval Avital, in progetos de chirca musicale in ue at rapresentadu sa traditzione de su cantu a tenore in paris cun àteros artistas ligados a maneras de cantare traditzionales e tìpicas de àteros logos de su mundu.[3][4] Unu de custos progetos est istadu Human Signs, nàschidu pro more de sa pandèmia de COVID-19.[2] In su 2021 at cantadu comente istràngiu in duas cumpositziones chi s'agatant in su discu Jar'a de su musitzista sardu Paolo Angeli, su chi at imbentadu sa chiterra sarda pre-tarada.
Sonat su pianu in su grupu I Nottambuli, cun sos cales at registradu in sos istùdios de Abbey Road in su 2005, e in s'Ethnico Project de Mauro Usai.[5]
Insegnat in su Litzeu Musicale Bustianu Satta de Nùgoro, e comente entomusicòlogu at collaboradu a s'Entziclopedia de sa Mùsica Sarda publicada dae s'Unione Sarda, e a cunferèntzias e seminàrios medas.
Sos discos
modìficaCun su Tenore de Bitzi "Mialinu Pira"
modìfica- 1998 - CD “Su Monte ‘e Mesus” registradu e mixadu in su Rockhouse Blu Studio de sos frades Erre, in Tàtari.
- 2003 - CD “Tenores” VOL. 1 regorta cun àteros grupos registrada e mixada in su Live Studio de Marco Luzzu e Giovanni Carlini, in Casteddu.
- 2004 - CD “Musica Sacra International” registradu dae su bivu in Germània, in Kaufbeuren, in sa Sea de St. Martin in su 29 de maju[6]
- 2005 - CD Highlights of the 51st Cork International Choral Festival 2005 'Ethnic & Other Voices'[7]
- 2005 - CD e DVD, Orchestra mediterrànea, registradu dae su bivu in Sao Paulo de su Brasile[8]
- 2007 - CD Ost Soundtrack Meine schöne Bescherun. Colònia (Germània)[9] [10]
- 2013 - CD Cunzertos
Cun I Nottambuli
modìficaMùsica Contemporànea e àteras partetzipatziones
modìficaRiferimentos
modìfica- ↑ 1.0 1.1 (IT) Omar Bandinu, in www.tenoresdibitti.com. URL consultadu su 17 làmpadas 2021.
- ↑ 2.0 2.1 (EN) Omar Bandinu, in Human Signs. URL consultadu su 17 làmpadas 2021.
- ↑ (IT) La voce e lo sfondo, in Il giornale della musica, 16 cabudanni 2014. URL consultadu su 17 làmpadas 2021.
- ↑ (IT) REKA v. 2 "Reka Re" di Yuval Avital, in I Teatri di Reggio Emilia. URL consultadu su 17 làmpadas 2021.
- ↑ Sonus de oi // Mauro Usai Quintet, in radiox.it, 31 maju 2021. URL consultadu su 17 làmpadas 2021.
- ↑ (EN) Musica Sacra International, Marktoberdorf, Bavaria, in Musical Pointers. URL consultadu su 10 làmpadas 2021.
- ↑ (EN) Cork International Choral Festival, in Corkchoral.ie. URL consultadu su 10 làmpadas 2021 (archiviadu dae s'url originale su 9 trìulas 2013).
- ↑ (PT) SESC SP, in sescsp.org.br. URL consultadu su 10 làmpadas 2021 (archiviadu dae s'url originale su 26 trìulas 2012).
- ↑ (DE) Meine schöne Bescherung der Film, in Meine schöne Bescherung der Film. URL consultadu su 10 làmpadas 2021 (archiviadu dae s'url originale su 12 làmpadas 2021).
- ↑ (IT, EN) Tenores di Bitti Mialinu Pira, in www.tenoresdibitti.com. URL consultadu su 10 làmpadas 2021.
- ↑ (IT) BDIA - Beatlesiani d'Italia Associati - Sito Ufficiale - Home, in www.beatlesiani.com. URL consultadu su 10 làmpadas 2021.
- ↑ (IT) Cemat Italia, in Cemat Italia. URL consultadu su 10 làmpadas 2021.
- ↑ (IT) JAR’A Il nuovo album di Paolo Angeli, in Paolo Angeli, 1º abrile 2021. URL consultadu su 10 làmpadas 2021.
Ligàmenes esternos
modìfica- (IT) Pàgina ufitziale de Omar Bandinu, in tenoresdibitti.com.
| Controllu de autoridade | VIAF (EN) 641146822111907380692 · MusicBrainz 95359333-b8a4-42f6-aa32-74b206f3864c · WorldCat Identities (EN) 641146822111907380692 |
|---|