Tenore de Vitzi "Mialinu Pira"
Articulu in logudoresu
Su tenore de Vitzi "Mialinu Pira" est dedicatu a s'istudiosu e iscritore vitzichesu Michelangelo "Mialinu" Pira e naschit in su 1995.
,_2009.jpg)
Istoria
modìficaSu grupu Tenores de Vitzi "Mialinu Pira" est naschitu in su 1995.
Chie sont e ite fachent
modìficaIn su tenore cantant Omar Bandinu (bassu), Marco Serra (contra), Bachisio Pira ('oche e mesu 'oche) e Arcangelo Pittudu ('oche e mesu 'oche), cust'urtimu est intratu in su 2009 a su postu de Dino Ruiu. Fachiat puru parte de su grupu Gianfranco Cossellu chi est mortu in su 2004 pro curpa de unu 'ocu chin su cale fit gherranne in Vitzi. Su tenore Mialinu Pira at giratu meta in Europa (Frantza, Ispagna, Germània, Svizzera, Austria, Slovenia, Croazia, Bosnia, Albania, Ungheria Olanda, Belgio, Lussemburgo, Danimarca, Irlanda e Vaticano), ma puru in locos comente sa Tunisia, su Giappone, sos Emiratos Arabos e su Brasile. In su 2001 ant cantatu pro su Papa Juanne Paule II in su Vaticanu e fintzas in sa "Sala Nervi" in paris chin Randy Crawford, Dolores O'Riordan, Terence Trent D'Arby, Hevia, Tiziano Ferro, Elisa, Edoardo Bennato e Massimo Ranieri. In su 2005 sa partecipatzione a sa trasmissione de Raiuno Affari Tuoi condotta dae Paolo Bonolis, at fatu connnoschere su cantu "Mialia Vattu sa trota" a livellu natzionale, diventanne sa sigla de sa trasmissione e s'innu sardu chi sos concorrentes si fachiant ponnere pro binchere. Macari su tenore Mialinu Pira siat naschitu comente grupu de musica traditzionale orale, at semper chircatu de accurtziare su cantu a tenore sardu a sas ateras musicas, provanne a nche bocare carchi cosa de novu, collaboranne chin musicistas de ateras culturas e formatzione musicale. De ammentare sont: sa collaboratzione chin Hevia, unu sonatore de cornamusa de sas Asturias connotu in su "Concerto in Vaticano"; chin Tom Zè e s'orchestra Mediterranea de Santu Paule de Brasile (21 elementos) chin sos cales ant fatu unu CD e unu DVD in su 2005; chin su compositore Loy Wesselburg pro sa registratzione de una colonna sonora pro unu cinema tedescu in sun 2007. Su 10 de Maiu de su 2009 ant cantatu in su Concertgebouw de Amsterdam, unu de sos teatros prus connotos de su munnu; su 10 de Natale Natale in sa Basilica de sa Naschita de Betlemme.
Sas voches
modìfica- Bachisio Pira - 'Oche e Mesu 'Oche
- Arcangelo Pittudu - 'Oche e Mesu 'Oche
- Omar Bandinu - Bassu
- Marco Serra - Contra
Sos de primu
modìfica- Dino Ruiu - 'Oche
- Gianfranco Cossellu - Mesu 'Oche
Sos discos
modìfica- CD “Su Monte ‘e Mesus” registratu e mixatu in su Rockhouse Blu Studio de sos frates Erre in Tatari (1998).
- CD “Tenores” VOL. 1 compilation chin ateros grupos registratu e mixatu in su Live Studio de Marco Luzzu e Giovanni Carlini Casteddu (2003).
- CD “Musica Sacra International” registrato dal vivo in Germania a Kaufbeuren nella cattedrale di St. Martin il 29 maggio 2004
- CD Highlights of the 51st Cork International Choral Festival 2005 'Ethnic & Other Voices'
- CD e DVD, Orchestra mediterranea, registratu in presentzia in San Paolo de su Brasile in su 2005
- CD Ost Soundtrack 'Meine schöne Bescherung'. Colonia (Germania) 2007