Territòriu de su Norte

Custu artìculu est iscritu cun sa grafia Limba Sarda Comuna. Abbàida sas àteras bariedades gràficas:

campidanesu · logudoresu · nugoresu

Su Territòriu de su Norte (in inglesuː Northern Territory, incurtzadu NT) est unu territòriu federale de s'Austràlia, dereta dipendèntzia de su guvernu federale.

Bandera

Posidura in Austràlia

Tenet istèrrida de 1.347.791 km² e unos 244.761 bividores. Allàcanat in s'ovest cun s'Austràlia Otzidentale, in su sud cun s'Austràlia Meridionale, in s'estu cun su Queensland e in su norte si ghetat a su Mare de sos Arafura.

Est connotu fintzas che Top End, est a nàrrere sa parte arta (top) de Down Under, s'Austràlia. Top End a bortas inditat isceti su cantone setentrionale de su Territòriu de su Norte, mentras cussa meridionale si definit Red Centre.

Is bividores de su Territòriu de su Norte sunt narados Territorians o Top Enders.

Su cabulogu est Darwin in ue si cuntzentrat sa metade de sa populatzione. Unos àteros tres aposentamentos de una tzerta mannària sunt Alice Springs (in s'internu de su desertu, 1.500 km cara a sud), Palmerstone e Katherine.