Varna (Bulgaria)

Custu artìculu est iscritu cun sa grafia Limba Sarda Comuna. Abbàida sas àteras bariedades gràficas:

campidanesu · logudoresu · nugoresu

Varna/Варна
Nùmene ufitziale:	Varna Варна
Istadu:	Bulgaria
Ladiore:	43°12′40.95″N Nord
Longhiore:	27°54′39.89″E Est
Artiore:	79 m. subra su mare
Tirada:	238 km²
Populatzione:	334 870 1 407,02 biv./km²
Còdighe postale:	1000
Giassu web:	https://https://varna.bg//

Varna (in bùlgaru: Варна) est una tzitade de s'estu de sa Bulgaria. Cun una populatzione de 335.819 bividores in su 2013, est sa de tres prus populadas de s'istadu a fatu de Sòfia e Plovdiv. Est posta in sa costera bùlgara de su mare Nieddu e est su tzentru aministrativu de sa provìntzia omònima e de sa munitzipalidade de Varna.

Comunemente connota comente sa «capitale marina» o de istiu de sa Bulgaria, Varna est una destinatzione turìstica, de afàrios, tzentru universitàriu, portu marìtimu e sea de sa Marina de Bulgaria e de sa marina mercantile, gasi comente su tzentru de sa provìntzia de Varna e regione de pranificatzione nord-orientale de sa Bulgaria (NUTS II), chi incluet puru sas provìntzias de Dobrich, Shumen, e Targovishte. S'aeroportu de Varna, cun unos 1,18 milliones de passigeris, mescamente turistas (petzi in 2011), ddu faghent su de tres aeroportos prus importantes de sa Bulgaria a pustis de is de Burgas e Sòfia.

In su mese de abrile de su 2008, Varna est istada disinnada sede de s'Èuro-Regione de su Mare Nieddu (una organizatzione regionale noa, diferente de s'Euroregire de su Mare Nieddu) pro su Cussìgiu de Europa.​

Su prus antigu tesoru de oro in su mundu fiat istadu iscobertu in sa necròpoli de Varna, chi cunsistet in monedas, armas e prendas chi datant a s'annu 4600 a.C.