Vox (partidu polìticu)
Limba Sarda Comuna. Abbàida sas àteras bariedades gràficas:
Vox («boghe» in latinu)[1] est unu partidu polìticu ispagnolu de ideologia ultracunservadora[2][3] e ultranatzionalista [4][5][6] fundadu su 17 de nadale de su 2013. Vox est califiicadu unu partidu de ultradereta[7], de dereta radicale populista[8] o de dereta estrema[9]. Su presidente de su partidu est Santiago Abascal, su visupresidente est Jorge Buxadé e su secretàriu generale est Javier Ortega Smith.[10]
A livellu de s'Unione Europea, Vox est membru de su Partidu de is Cunservadores e Reformadores Europeos (ECR), unu grupu parlamentare europeu prus pagu radicale de s'àteru puru de ultradereta Identidade e Democratzia (ID), in su cale Vox aiat declinadu su cumbidu de s'integrare.
Is fundadores de custa formatzione polìtica in su 2013 aiant isseberadu de s'istesiare dae su Partidu Populare sende chi bidiant custu non capatzu de amparare sos interessos natzionales ispagnolos e cunsederende·ddu tropu modde cara a s'ideologia progressista e cara a is punnas setzessionistas de bascos e catalanos.[11] In su martzu de cuss'annu fiat fatu presidente s'europarlamentare Alejo Vidal-Quadras chi in su mese de ghennàrgiu aiat abbandonadu su PP de su cale fiat istadu presidente in Catalugna.
A comintzu at agatadu dificultade a s'afirmare in su panorama polìticu ispagnolu, otenende su 1,57% a sas europeas de su mese de maju de su 2014, su 0,23% a is polìticas de su 2015 e su 0,20% a is polìticas de su 2016, abarrende unu movimentu segundàriu, ma a pustis de sos atentados de Bartzellona de su 2017 at connotu unu creschimentu lestru de is cunsensos, tantis chi in pagos meses is iscritos fiant crèschidos de su 20%.
In is eletziones generales ispagnolas de su mese de onniasanti de su 2019 VOX otenet su 15,09% cun 52 sègios e si faghet su de tres partidos de su paisu.[12] In su 2020 otenet unu sègiu is is eletziones regionales in is Paisos Bascos, in su 2021 eleghet 11 deputados in Catalugna, suta de sa ghia de Ignacio Garriga e 11 in su 2022 in su parlamentu de s'Andalusia, cun Macarena Olona.
Riferimentos
modìfica- ↑ (ES) ¿Qué significa el nombre de Vox?, in ideal.es.
- ↑ (ES) Vox y sus aliados europeos cierran la Cumbre de Madrid culpando a Putin de la crisis, in elconfidencial.com.
- ↑ (ES) Vox se trae a la líder de la ultraderecha italiana para apoyar la campaña de Olona, in elpais.com.
- ↑ (EN) Vox and the Rise of the Extreme Right in Spain, in nytimes.com.
- ↑ (ES) VOX, DEL NACIONAL-CATOLICISMO AL ULTRANACIONALISMO NEOLIBERAL, in agendapublica.elpais.com. URL consultadu su 14 austu 2022 (archiviadu dae s'url originale su 3 maju 2019).
- ↑ (ES) El ultranacionalismo de VOX. Cinco claves para comprender "La España viva", in dialnet.unirioja.es.
- ↑ (IT) Vox, anticomunista e anti-Ue: chi è il partito di ultradestra che sta crescendo in Spagna, in europa.today.it.
- ↑ (EN) The radical right populist Vox and the end of Spain’s exceptionalism, in theloop.ecpr.eu.
- ↑ (EN) Spain’s far-right Vox breaks through into regional government, in theguardian.com.
- ↑ (ES) VOX elige por tercera vez a Santiago Abascal como su presidente, in europapress.es.
- ↑ (EN) Spanish ruling party rebels launch new conservative party, in reuters.com. URL consultadu su 14 austu 2022 (archiviadu dae s'url originale su 15 santandria 2015).
- ↑ (IT) Spagna: leader Vox, impresa folgorante, in ansa.it.