Atollu Midway

Artìculu in LSC

S'Atollu Midway (fintzas connotu che ìsulas Midway) est unu territòriu no incorporadu dae sos Istados Unidos. S'istatus suo est su de àrea insulare a càrrigu de su Dipartimentu de s'Internu, inclùidu in sas ìsulas minores perifèricas de Istados Unidos.

Bandera no ufitziale

Bista satellitare

Posidura in su mundu

Sas ìsulas formant un'atollu de 6,2 km² postu in su Patzìficu setentrionale, a curtzu de s'estremu nord-otzidentale de s'artzipèlagu de Hawaii, cunsistente in una barrera de coraddu in forma de aneddu, e numerosas isuleddas de arena. Sas duas ìsulas prus importantes cantu a mannària, Sand Island e Eastern Island, sunt s'bìvidas de millis de pugiones marinos. S'agatant aprossimadamente a mesu tretu intre Califòrnia e Filipinas, fatu chi at determinadu su nùmene in inglesu midway ('mesu caminu').

S'economia si mantenet de su totu cun fundos guvernativos, e tantis alimentos comente benes de manifatura depent èssere importados. S'àrea de Midway est reconnota mescamente dae sa Batalla de Midway, chi at tenta logu durante sa Segunda Guerra Mundiale. Sa Marina de sos Istados Unidos aiat rebusadu un'atacu giaponesu; custa vitòria nordamericana at marcadu unu cambiamentu in s'iscenàriu de sa gherra in su Patzìficu.