Wikipedia

COP28

Custu artìculu est iscritu cun sa grafia Limba Sarda Comuna. Abbàida sas àteras bariedades gràficas:

campidanesu · logudoresu · nugoresu

Sa Cunferèntzia a subra de su càmbiu climàticu de su 2023, connota fintzas comente COP28 est istada sa de 28 cunferèntzias a subra de su clima de s'ONU.[1], chi s'est fata dae su 30 de santandria a su 12 de su mese de idas de su 2023 in Expo City, Dubai.[2][3] [4] Sa cunferèntzia s'isvilupat onni annu dae su primu acòrdiu climàticu de s'ONU in su 1992, essende unu logu in ue is guvernos de su mundu s'addòbiant pro acordare polìticas pro limitare s'aumentu de sa temperadura globale e s'adatare a is efetos assotziados a su càmbiu climàticu.[4]

Fotografia de totu is cabos de istadu chi ant pigadu parte a sa cunferèntzia

Pretzedentes

modìfica

In su cumintzu de su 2021, is Emirados Àrabos Unidos si sunt ofertos de acasagiare s'eventu de su 2023,[5] e in su mese de onniasantu de su matessi annu, su primu ministru, s'isceicu Mohammed bin Rashid al-Maktoum, at annuntziadu chi custu si diat èssere fatu. E su sultanu Ahmed Al Jaber, ministru de s'Indùstria e de sa Tecnologia Avantzada e Imbiadu Ispetziale de is Emirados Àrabos Unidos pro su Cambiamentu Climàticu, est istadu fatu Presidente Desinniadu de sa COP 28. Est istada sa segunda borta in duos annos chi sa cunferèntzia s'est fata in su Mèdiu Oriente, e sa de tres bortas chi est istada organizada dae unu membru de s'OPEP a pustis de su Qatar in su 2012 e s'Indonèsia in su 2007.[6] Is Emirados Àrabos Unidos si sunt impinnados a reduire is emissiones netas de carbòniu a zeru a intro de su 2050, essende su primu guvernu de su Mèdiu Oriente a fàghere custa promissa.[5] Est istadu fintzas su primu istadu de sa regione a firmare s'Acòrdiu de Parigi su 21 de cabudanni de su 2016.[7][8] Su paisu at investidu 50 mìgia milliones de dòllaros in energias lìmpias a livellu internatzionale e at promìtidu àteros 50 mìgia milliones a intro de su 2030.[9][10] In su mese de santandria de su 2022, is Emirados Àrabos Unidos si sunt acordados cun is Istados Unidos de Amèrica pro investire àteros 100.000 milliones de dòllaros in energia lìmpia.[11][12]

In su mese de ghennàrgiu sunt istados fatos in Bonn is negòtzios preliminares de sa COP28.[13]

Bilantzu globale

modìfica

In antis de s'abertura de sa COP28, s'ONU pùblicat sa prima relata de duos annos de progressu mundiale pro frenare su càmbiu climàticu, denominada "Bilantzu globale". Sa descritzione generale est istada istabilèssida in sa COP26 in Glasgow e est programmada a repìtere cada chimbe annos.[14][15]

Retzidura

modìfica

Sultan Al Jaber est istadu nominadu Presidente Desinniadu de sa COP28 de is Emirados Àrabos Unidos in su ghennàrgiu de su 2023.[16] Issu est su presidente e unu de is fundadores de s'impresa de energia rennoaditza de is Emirados Masdar, s'imbiadu de su paisu in temas de càmbiu climàticu, ministru de s'indùstria e de sa tecnologia avantzada, e presidente de sa Abu Dhabi National Oil Company.[17] Sa detzisione est istada criticada in una lìtera aberta dae prus de 130 legisladores americanos e membros de su Parlamentu Europeu, chi pedint de nde ddi leare sa presidèntzia. Sa lìtera espressaiat oriolos a subra de sa contaminatzione de su setore privadu in su protzessu de sa cunferèntzia climàtica.[18][19] In su maju de su 2023, su senadore americanu Ed Markey at criticadu in manera separada fintzas sa die de fàghere sa COP28 in is Emirados Àrabos Unidos.[20] Àteros indivìduos, comente s'imbiadu de is Istados Unidos, John Kerry, ant espressadu su sustennu issoro a sa nòmina de Al Jaber.[21]

Sa presidèntzia de Al Jaber in sa cunferèntzia subra su cambiamentu climàticu COP28 contràriat sa detzisione de sa sotziedade sua de ismanniare sa produtzione de combustìbile fòssile in sa sotziedade de foramentu ADNOC. S'organizatzione de deretos umanos Amnesty International at manifestadu oriolos, afirmende chi "Sultan al-Jaber non podet èssere unu mediadore onestu pro is arresonos subra su clima cando s'impresa chi ghiat pranìficat de fàghere prus dannu a su clima".[22]

In su ghennàrgiu de su 2023, Dubai Cares s'est fatu sòtziu de s'Educatzione pro sa COP28. At giai partetzipadu a sa COP27 chi s'est fata in Sharm el-Sheij, Egitu.[23]

Is organizadores de is Emirados Àrabos Unidos de sa COP28 ant proibidu a is comitziantes de sa cunferèntzia de protestare o "criticare is corporatziones" in is Emirados. S'avertimentu at tzitadu is leges de s'istadu de su Golfu, chi obligaiat a is membros a "Non criticare s'Islam, su guvernu de is Emirados Àrabos Unidos sas corporatziones o is indivìduos". Custos ammonimentos ant ingendradu oriolos espressados dae unos cantos ativistas climàticos a subra de comente is Emirados Àrabos Unidos diant a àere organizadu sa COP28 cun lìmites de sa libertade de espressare.[24]

Is Emirados Àrabos Unidos ant invitadu a Bashar al-Assad de Sìria a sa COP28, chi est istadu implicadu in una variedade manna de crìmenes de gherra. Is Emirados sunt istados acusados de èssere dispostos a agiudare a Assad a megiorare s'immàgine sua. Human Rights Watch at naradu chi fiat iscandalosu chi sa COP28 aeret agiudadu a Assad a torrare in sa comunidade internatzionale sena chircare de garantire chi paghet sa responsabilidade in sa violatzione de is deretos umanos.[25]

In antis de sa cunferèntzia, is impitadores de is mèdias sotziales ant sinnaladu una sèrie de profilos farsos me is retzas sotziales chi fiant istados impreados pro difèndere sa presidèntzia de is Emirados Àrabos Unidos. Is profilos de sunt istados rastrados dae Dr. Marc Owen Jones de s'Universidade Hamad Bin Khalifa.[26]

Cuntierras

modìfica

Meda in antis de su cumintzu de sa COP27, is Emirados Àrabos Unidos ant cumintzadu a traballare pro limpiare sa reputatzione internatzionale; pro custu ant cuntratadu agèntzias de relatziones pùblicas, incluidos Akin Gump Strauss Hauer & Feld e FleishmanHillard, pro si promòvere comente acasagiadores de sa COP28.[27] In su maju de su 2015, su presidente de sa COP28, Sultan Al Jaber, chi est essidu tzentru de is cuntierras, est istadu acusadu de chircare de eco-limpiare s'immàgine sua paghende a unos cantos impitadores de Wikipedia pro limpiare sa pàgina sua. Un'impitadore de Wikipedia at riveladu chi ADNOC dd'at pagadu, mentras Masdar at pagadu a un'àteru pro controllare sa narratzione in Wikipedia.[28]

Resurtados printzipales

modìfica

In sa COP28 si sunt istrintos acòrdios internatzionales noos chi pertocant is emissiones de is cumpangias petrolìferas e de su gas, s'aumentu de tres bortas de s'impreu de energias rennoaditzas, sistemas alimentares e maneras chi su mundu podet impreare pro integrare mègius s'atzione contras su cambiamentu climàticu e sa pèrdida de biodiversidade.

Intre is acòrdios formales,

  • Est istada sa prima borta chi una detzisione de sa COP at remonadu in manera crara s'ismenguada de s'impreu de combustìbiles fòssiles.[1] In su mentres, in su mundu, unos 127 istados nd'ant incumentzadu s'eliminatzione graduale.
  • Is Paisos sunt istados intzullidos a multiplicare pro tres bortas su livellu globale de capatzidade de energia rennoaditza e a addopiare s'atòliu energèticu a intro de su 2030.

Riferimentos

modìfica
  1. ↑ Dubai ruler says UAE to host COP 28 climate conference in 2023, in CNN, 12 santandria 2021. URL consultadu su 15 santandria 2021.
  2. ↑ COP28 - Date and Venue.
  3. ↑ 2023 UN Climate Change Conference (UNFCCC COP 28). URL consultadu su 20 cabudanni 2024 (archiviadu dae s'url originale su 2 ghennàrgiu 2020).
  4. ↑ 4.0 4.1 Esme Stallard, COP27: What is the Egypt climate conference and why is it important?, BBC News. URL consultadu su 27 santugaine 2022.
  5. ↑ 5.0 5.1 A Major Persian Gulf Oil Producer Tries to Burnish Its Climate Credentials, 30 santugaine 2021.
  6. ↑ Dubai ruler says UAE to host COP28 climate conference in 2023/, 12 santandria 2021.
  7. ↑ How the UAE is Committing to Climate Change Action, 17 freàrgiu 2022.
  8. ↑ Tanzeed Alam, The UAE has ratified the Paris Climate Agreement but what comes next?, in Panda.org, 28 cabudanni 2016.
  9. ↑ Davie Yellen, The road to COP28: Can 2023 reshape climate action and the global economy for the better?, in Clean Air Task Force, 25 ghennàrgiu 2023.
  10. ↑ President Sheikh Mohamed pledges $50 billion to tackle climate change at Biden meeting, 17 làmpadas 2022.
  11. ↑ U.S. and UAE sign strategic partnership deal to spur $100 billion in clean energy investment, 1º santandria 2022.
  12. ↑ COP28 UAE | United Nations Climate Change Conference (UNFCCC), in cop28.com. URL consultadu su 20 martzu 2023.
  13. ↑ La Conferencia de Bonn sienta las bases para la COP28, 16 de junio de 2023. URL consultadu su 21 de junio de 2023.
    «La Conferencia de Bonn sobre Cambio Climático concluyó el día de hoy sus actividades. El trabajo realizado durante dos intensas semanas ha contribuido a sentar las bases para las decisiones políticas necesarias para la Conferencia de las Naciones Unidas sobre Cambio Climático (COP28)».
  14. ↑ ESG Watch: How the 'global stocktake' will force investors to pull up their socks on climate, 9 freàrgiu 2023.
  15. ↑ Background, in Global Stocktake.
  16. ↑ (EN) COP28 UAE: Dr Sultan Ahmed Al Jaber nombrado Presidente designado, 12 de enero de 2023.
  17. ↑ (EN) Cambio climático: Emiratos Árabes Unidos nombra a jefe petrolero para liderar las conversaciones de la COP28, 12 de enero de 2023.
  18. ↑ (EN) Legisladores de Estados Unidos y la Unión Europea piden a los Emiratos Árabes Unidos que destituyan a Jaber de su cargo en la ONU sobre el clima, 28 de mayo de 2023. URL consultadu su 23 de mayo de 2023.
  19. ↑ (EN) Jefe de la COP28 bajo fuego de legisladores de la UE y Estados Unidos debido a vínculos con el petróleo, 23 de mayo de 2023. URL consultadu su 30 de mayo de 2023.
  20. ↑ (EN) Legisladores de Estados Unidos y la Unión Europea piden a los Emiratos Árabes Unidos que destituyan a Jaber de su cargo en la ONU sobre el clima, 28 de mayo de 2023. URL consultadu su 18 de mayo de 2023.
  21. ↑ (EN) ¿Debería un ejecutivo petrolero supervisar las conversaciones sobre el clima? Los Emiratos Árabes Unidos así lo creen., 13 de enero de 2023.
  22. ↑ Clima: Los planes de expansión de la empresa petrolera estatal de Emiratos Árabes Unidos demuestran que su director ejecutivo no es la persona adecuada para dirigir las conversaciones sobre el clima de la COP28, in Amnistía Internacional. URL consultadu su 13 de febrero de 2023.
  23. ↑ Día Internacional de la Educación: Dubai Cares se prepara para la COP28 y revisa los logros en 2022, in Gulf News. URL consultadu su 23 de enero de 2023.
  24. ↑ Los organizadores de un evento sobre el clima en los Emiratos Árabes Unidos advierten a los oradores que no "critiquen a las corporaciones", in Financial Times. URL consultadu su 2 de abril de 2023.
  25. ↑ (EN) Emiratos Árabes Unidos invita al presidente sirio Bashar al-Assad a la COP28, 18 de mayo de 2023. URL consultadu su 29 de mayo de 2023.
  26. ↑ (EN) Ejército de cuentas falsas en redes sociales defienden la presidencia de los Emiratos Árabes Unidos en la cumbre sobre el clima, 8 de junio de 2023. URL consultadu s'8 de junio de 2023.
  27. ↑ (EN) UAE using role as Cop28 host to lobby on its climate reputation, 16 santandria 2022. URL consultadu s'11 làmpadas 2023.
  28. ↑ (EN) Cop28 president’s team accused of Wikipedia ‘greenwashing’, 30 maju 2023. URL consultadu s'11 làmpadas 2023.
Bogadu dae "https://sc.wikipedia.org/w/index.php?title=COP28&oldid=184862"