Wikipedia

Anna Cristina Serra

poetissa, iscritora, istudiosa e tradutora sarda
Custu artìculu est iscritu cun sa grafia Limba Sarda Comuna. Abbàida sas àteras bariedades gràficas:

campidanesu · logudoresu · nugoresu

Anna Cristina Serra (Casteddu,[1] 4 de trìulas de su 1960[2]) est una poetissa, iscritora de teàtru, istudiosa e tradutora sarda. Sas poesias suas las ant bortadas in tedescu, inglesu, frantzesu, italianu, galitzianu, grecu e catalanu[3][4][5] e publicadas in rivistas che a “S’Ischiglia”, “Grotta della vipera”, “Nur” “Notiziario” e “Nae”. Est istada una de sas primas fèminas de annotu in s'ambiente de sos prèmios poèticos sardos e una de sos primos poetas a bi batire sa grafia campidanesa, chi finas a pagu tempus a como fiat cunsiderada minoritària in sa literadura sarda.[6]

Anna Cristina Serra
Nàschida4 de trìulas de su 1960
Casteddu
Natzionalidadesarda
Fìgiu/a(os/as)Silvia e Francesco
Traballupoetissa, istudiosa, iscritora de teàtru e tradutora
Incumintzu de s'atividade1992
Prèmios
  • Prèmiu Otieri in su 1993 e in su 1998
  • Prèmiu "Mialinu Pira" in su 1996
  • Prèmiu "Sant'Antoni de su 'ou" de Mamujada in su 1993, 1994, 1995
  • Prèmiu Internatzionale de Milanu in su 1997, 2004, 2008
  • Prèmiu “Remundu Piras” in su 2008
  • Prèmiu “Peppino Mereu” in su 2009
  • Prèmiu "Tzitade de Tàtari" in su 2010
  • Prèmiu “Sa terzina” (pro sa prosa) in su 1998

Biografia

modìfica

De orìgine de Santu 'Asili 'e Monti, est crèschida in cue ma como istat in Casteddu con sos duos fìgios suos, Silvia e Francesco.[3][7]

At incumentzadu a iscrìere, belle pro giogu, in su 1992, in unu prèmiu ammaniadu a curtzu a domo sua,[3] ma a pustis est pigadu parte a totu sos prèmios prus mannos de s'Ìsula.

At publicadu, cun sa domo editora Tema, sa sìlloge “Su Fragu ’e su entu” binchidora de su Prèmiu Mialinu Pira de su 1996. Cun sas “Edizioni Frorias” in su 2003 sa regorta de Poesias “Follas” (dedicada a su mastru suo Benvenuto Lobina), cun sa E.de.s., in su 2010, a incuru de Nicola Tanda, “Luna Cantadora”, poesias inèditas,[8] e cun sa Soter, "Lentores" (sutatìtulu "Drosies, Rugiade") cun bortaduras in grecu e italianu.[9] Su nùmene suo s'agatat in medas antologias de poetas e iscritores sardos, che a esèmpiu sas de “Lingua Madre Sarda”, “Bentu de Terra Manna”, o “Un‘Odissea de rimas nobas”.[3]

Unos cantos testos suos sunt istados musicados e cantados dae Ambra Pintore, Franco Madau e Pino Martini.[5]

Est istada membru de medas giurias de cuncursos lìterarios, intre sos cales su “Prèmio Fiscali”, su “Prèmiu Internatzionale de Milanu”, “Prèmiu Tzitade de Tèmpiu”, su "Prèmiu Otieri"[10][11] ed àteros galu.[3][12]

At bortadu in sardu “Una Donna” de Sibilla Aleramo.[5]

At iscritu duos testos teatrales, “Alientu" in su 2004 e "Lionora, una visioni" in su 2007” impreados dae sa Cumpangia Teatrale “Fueddu e Gestu” de Biddesorris.[3][5][13] Semper in s'àmbitu de su teatru, at traballadu paris cun MAria Lai pro ammaniare una rapresentatzione teatrale de Miele Amaro de Sarvadore Cambosu.

Un'àtera òpera sua, custa borta comente istudiosa, est “Bellebbatu” una chirca in subra de su lèssicu locale de sa bidda de Santu 'Asili 'e Monti, publicada dae sa domo editora Domus de Janas.

Pro annos est istada presidenta de s'assòtziu curturale "Galania" e at collaboradu a s'ammàniu de eventos che a cunferèntzias, cunvegnos, mustras e presentatziones de libros cun esponentes de annotu de s'arte e de sa cultura sarda.[12]

In su 2015 at rapresentadu sa Sardigna in su festival de poesia “StAnza – Scotland’s international poetry” de sa tzitade de St. Andrews, in Iscòtzia, uno de sos fèstivals de custa genia de importu prus mannu in Europa e in su mundu.[5]

Prèmios

modìfica
  • Prèmiu Otieri in su 1993 e in su 1998
  • Prèmiu "Mialinu Pira" in su 1996
  • Prèmiu "Sant'Antoni de su 'ou" de Mamujada in su 1993, 1994, 1995
  • Prèmiu Internatzionale de Milanu in su 1997, 2004, 2008 e 2024[14]
  • Prèmiu “Remundu Piras” in su 2008
  • Prèmiu “Peppino Mereu” in su 2009
  • Prèmiu "Tzitade de Tàtari" in su 2010.
  • Prèmiu “Sa terzina” (pro sa prosa) in su 1998.

Òperas publicadas

modìfica
  • Anna Cristina Serra, Su fragu 'e su entu, Tema, 1996.
  • Anna Cristina Serra, Follas, Casteddu, Edizioni Frorias, 2003.
  • (SC, IT) Anna Cristina Serra, Bellebbatu - La parlata di San Basilio, Domus de Janas, 2009, ISBN 978-88-88569-87-1, OCLC 731501700.
  • Anna Cristina Serra, Luna Cantadora, in Nicola Tanda (a incuru de), La Biblioteca di Babele, E.de.s., 2010.
  • (SC, EL, IT) Anna Cristina Serra, Lentores = Drosies = Rugiade, 1ª ed., Soter, 20 austu 2019, ISBN 978-88-97943-90-7, OCLC 1137754087.
  • Anna Cristina Serra, Alientu, 2004. (iscienegiadura pro su teatru)
  • Anna Cristina Serra, Lionora, una visioni, 2007. (iscienegiadura pro su teatru)

Riferimentos

modìfica
  1. ↑ (IT) Anna Cristina Serra, in www.domusdejanaseditore.com. URL consultadu su 9 maju 2020.
  2. ↑ (IT) Luigi Ladu, Anna Cristina Serra, in www.luigiladu.it. URL consultadu su 9 maju 2020.
  3. ↑ 3.0 3.1 3.2 3.3 3.4 3.5 (IT) Giornata Internazionale della Donna, con Anna Cristina Serra, in www.fasi-italia.it. URL consultadu su 9 maju 2020.
  4. ↑ (IT, SC) Salvatore Tola, 50 anni di premi letterari in lingua sarda, 1. ed, Selàrgius, Domus de Janas, 2006, pp. 267-269, ISBN 88-88569-61-8, OCLC 77504100.
  5. ↑ 5.0 5.1 5.2 5.3 5.4 (IT) Ornella Demuru, L'intervista. Anna Cristina Serra, una poetessa sarda in Scozia, in Sardinia Post, 17 martzu 2015. URL consultadu su 9 maju 2020.
  6. ↑ (IT) LENTORES, di Anna Cristina Serra: i versi in campidanese nutriti di classicità, in La Nuova Sardegna, 8 ghennàrgiu 2020. URL consultadu su 9 maju 2020.
  7. ↑ (IT, SC) Nadia Cavalera, Anna Cristina Serra, in Bollettario, 1º maju 2010. URL consultadu su 9 maju 2020.
  8. ↑ (IT) Luna cantadora di Anna Cristina Serra, in Làcanas, 23 cabudanni 2014. URL consultadu su 9 maju 2020.
  9. ↑ (IT) Tonino Oppes, Lentores, l'ultima raccolta di poesie di Anna Cristina Serra, in tottusinpari.it. URL consultadu su 9 maju 2020.
  10. ↑ (IT) Premio Ozieri 2020, i nomi di tutti i vincitori [ligàmene interrùmpidu], in La Nuova Sardegna, 27 freàrgiu 2020.
  11. ↑ (IT) La poetessa Anna Cristina Serra protagonista stasera a “Qu.Tu.”, in La Nuova Sardegna, 28 cabudanni 2018. URL consultadu su 9 maju 2020.
  12. ↑ 12.0 12.1 (SC, IT) Srucu, chi mi nas essi’ mori ’e vida | Follas di Anna Cristina Serra, in Poesia del Nostro Tempo, 13 austu 2018. URL consultadu su 9 maju 2020.
  13. ↑ (IT) Anna Cristina Serra [ligàmene interrùmpidu], in Cabudanne de sos Poetas. URL consultadu su 9 maju 2020.
  14. ↑ (IT) Luciano Piras, La poesia in sardo è senza frontiere: il primo premio assoluto va ad Anna Cristina Serra, in La Nuova Sardegna, 6 martzu 2024. URL consultadu su 27 martzu 2024.

Bibliografia

modìfica

Ligàmenes esternos

modìfica
Controllu de autoridadeVIAF (EN) 5318158430391506260009 · GND (DE) 1206223782 · LCCN (EN) no2001013869 · SBN (IT) CAGV018908 · WorldCat Identities (EN) no2001-013869
Bogadu dae "https://sc.wikipedia.org/w/index.php?title=Anna_Cristina_Serra&oldid=183523"