Museu de sas Caratzas Mediterràneas
Coordinadas: 40°12′41.74″N 9°17′02.15″E / 40.211594°N 9.283931°E
Limba Sarda Comuna. Abbàida sas àteras bariedades gràficas:
Su Museu de sas Caratzas Mediterràneas de Mamujada est unu museu sardu, dedicadu a sas caratzas traditzionales de s'Ìsula e de totu sos pòpulos de su Mare Mediterràneu.
| Museu de sas Caratzas Mediterràneas | |
|---|---|
 | |
| Logu | |
| Istadu |  Itàlia
|
| Localidade | Mamujada |
| Indiritzu | Pratza Europa, 15 |
| Caraterìsticas | |
| Tipologia | etnogràficu, antropològicu |
| Colletziones | caratzas, ogetos e documentos ligados a sos carrasegares de s'Europa |
| Istitutzione | 10 de santandria de su 2001 |
| Gestione | Cooperativa Viseras |
| Diretore | Mario Paffi |
| Bisitadores | 28'057 (2018)[1] |
| Situ web | |
Istòria
modìficaFundadu in su 2001[2] in Mamujada, bidda de sos Mamuthones e de sos Issohadores e duncas de unu de sos carrasegares prus connotos de sa Sardigna e de sas caratzas prus connotas[3][4][5], su museu esponet sas caratzas traditzionales de sa bidda ma fintzas sas de àteros logos sardos, de su Mediterràneu e de s'Europa, pro mèdiu de un'espositzione chi cumbinat sos ogetos de sa colletzione cun sas tecnologias multimediales.[2][6] Gestidu dae sa cooperativa Viseras (chi pigat su nùmene dae su tèrmine impreadu in Mamujada pro sas biseras de sos Mamuthones e de sos Issohadores, e chi organizat fintzas su fèstival MaMuMask, dedicadu semper a sas caratzas traditzionales[7]), faghet parte de su sistema museale MaMu (MamujadaMuseos) chi incluit fintzas su Museu MATer - Museu de s'Archeologia e de su Territòriu e su Museu de sa Cultura e de su Traballu, semper in Mamujada.[2]
In su 2017, pro megiorare sas bìsitas de sos chi benint dae àteros istados de su mundu, chi sunt su 40% de sos bisitadores, su museu at postu a disponimentu de totus un'aplicatzione pro dispositivos mòbiles chi impreant Android o iOS chi si narat Mamoiada4You, chi permitit a sos chi bolent de lèghere informatziones chi pertocant a su museu, a sa bidda e a totu su territòriu suo, cunforma a su logu de provenièntzia issoro e a sos interessos chi tenent: cultura, archeologia o enogastronomia.[2]
In su 2021, essende su museu serradu a su pùblicu pro neghe de sa pandèmia de covid-19, sa cooperativa Viseras at ammaniadu una sèrie de laboratòrios didàticos in lìnia pro mastros e pitzinnos de sas iscolas de sa bidda, in manera de li permìtere de fàghere una bìsita ghiada a distàntzia e de imparare informatziones noas in subra de sos carrasegares de su mediterràneu fintzas in cussa situatzione.[8]
Espositzione
modìficaSu museu est partzidu in tres salas, ligadas dae s'argumentu de sas caratzas.
Sa de una sala - Mamujada e sas traditziones suas
modìficaCusta sala est dedicada a sas traditziones de Mamujada e de su carrasegare mamujadinu, cun immàgines, vìdeos, sonos, mùsicas e testos, e fintzas cun una parte de materiale dedicadu a sas medas teorias diferentes in subra de s'orìgine de sos Mamuthones e de sos Issohadores.[6]
Sa de duas salas - Sala de su carrasegare barbaritzinu
modìficaCusta sala est dedicada a su carrasegare barbaritzinu, e sos bisitadores bi podent agatare unas cantas caratzas de su tzentru de sa Sardigna, in ue custas traditziones si sunt cunservadas pro chèntinas de annos[9], che a sos Boes e a sos Merdules de Otzana o a sos Thurpos de Oroteddi.[6][10][11][12]
Sa de tres salas - Sala de su Mediterràneu
modìficaIn custa sala, partzida in tres, si podent bìdere immàgines e ogetos ligados a sos carrasegares de àteros tretos de s'Europa, ordinados pro àrea geogràfica: a un'ala sos de s'arcu alpinu e in sas àteras sos de sa penìsula ibèrica e de cussa balcànica.[6]
Riferimentos
modìfica- ↑ (IT) Michela Cardia, Il Carnevale di Mamoiada: prospettive turistiche di una festa fra passato e futuro (PDF), Università di Pisa, 2019, p. 36. URL consultadu su 20 austu 2021.
- ↑ 2.0 2.1 2.2 2.3 Un’aplicatzione pro sas màscaras, in La Nuova Sardegna, 30 abrile 2017. URL consultadu su 20 austu 2021.
- ↑ (IT) Andrea Corsale e Monica Iorio, I musei di identità: un'opportunità per lo sviluppo locale e turistico delle aree marginali. Esperienze in Sardegna, Romania e Marocco (PDF), in PASOS Revista de turismo y patrimonio cultural, vol. 8, nº 4, 2010, pp. 555–568, DOI:10.25145/j.pasos.2010.08.048. URL consultadu su 20 austu 2021.
- ↑ (IT) Andrea Corsale e Monica Iorio, Musei di identità e processi di sviluppo del turismo culturale. Lesperienza del museo delle maschere mediterranee di Mamoiada, Sardegna (PDF), abrile 2008, ISBN 9788884674494. URL consultadu su 20 austu 2021.
- ↑ (IT) Le maschere del carnevale barbaricino (PDF), in Sardegna Cultura. URL consultadu su 20 austu 2021 (archiviadu dae s'url originale su 20 austu 2021).
- ↑ 6.0 6.1 6.2 6.3 (IT) Il Museo | Le Maschere Mediterranee esposte a Mamoiada, in Museo delle Maschere Mediterranee Mamoiada. URL consultadu su 20 austu 2021 (archiviadu dae s'url originale su 20 austu 2021).
- ↑ (IT) Mamoiada capitale delle maschere del mediterraneo, in Cagliaripad, 19 làmpadas 2019. URL consultadu su 20 austu 2021.
- ↑ (IT) Mamoiada, il museo entra nelle scuole del paese, in La Nuova Sardegna, 15 freàrgiu 2021. URL consultadu su 20 austu 2021.
- ↑ (IT) Giuseppe Della Maria, Machere antichissime nel Carnevale di Ottana (PDF), in L'Unione Sarda, 15 freàrgiu 1959. URL consultadu su 20 austu 2021.
- ↑ (IT) L’identità forte e consapevole del villaggio-universo di Mamuthones e Issohadores, in Làcanas.it, 2012. URL consultadu su 20 austu 2021.
- ↑ (IT) Museo delle maschere del Mediterraneo, in SardegnaTurismo - Sito ufficiale del turismo della Regione Sardegna, 25 trìulas 2016. URL consultadu su 20 austu 2021.
- ↑ (IT) Mamoiada, Museo delle Maschere Mediterranee, in Sardegna Cultura. URL consultadu su 20 austu 2021 (archiviadu dae s'url originale su 20 austu 2021).
Àteros progetos
modìfica| Wikimedia Commons tenet files chi ligant a: Category:Museo delle maschere mediterranee (Mamoiada) |
Ligàmenes esternos
modìfica(IT) Situ ufitziale, in museodellemaschere.it. URL consultadu su 26 santandria 2023.