Ilisso (domo editora)
Coordinadas: 40°19′13.83″N 9°20′06.6″E / 40.320507°N 9.335167°E
Artìculu in LSC
S'Ilisso est una domo editora sarda.
Istòria modìfica
Benit fundada in Nùgoro in su 1985 dae Vanna Fois e Sebastiano Congiu pro testimoniare e avalorare s'istòria e sa cultura de sa Sardigna.
Sa prima collana a èssere publicada est "Grandi Monografie"[1] chi contat, fintzas cun immàgines chi tando fiant galu inèditas, artistas sardos che a Antoni Ballero, Frantziscu Ciusa, Giuseppe Biasi, Mario Delitala, Filippo Figari, Salvatore Fancello, Eugenio Tavolara, Màuru Manca, Foiso Fois e medas àteros.
In su 1996 s'Ilisso at incumentzadu unu programma de recùperu de sa literadura isolana dae su XII a su de XX sèculos, mutidu "Bibliotheca Sarda",[2][3] chi oe tenet belle 150 tìtulos.
In paris cun s'editoria s'Ilisso s'òcupat fintzas de s'allestimentu e de sa promotzione de eventos culturales. A esèmpiu, dae su 2001 a su 2007, at gestidu s'atividade didàtica de sa Galleria Cumonale De Arte de Casteddu.
Dae sa nàschida sua s'Ilisso at publicadu collanas e regortas a pitzu de s'istòria, de s'arte e de sa cultura de sa Sardigna, ammaniende e manigiende fintzas medas eventos culturales.[4]
In su 2019 at inauguradu un'ispàtziu museale nou, "Spazio Ilisso" in sa villa Papandrea de Nùgoro, cun una mustra a pitzu de Marianne Sin-Pfältzer.[5][6][7][8]
Su nùmene modìfica
Su nùmene est una tzitatzione a s'Ilisso, su riu gregu dae in antis su cale, in su diàlogu de Platone, Socrate e su pitzocu Fedro (fìgiu de Pitocle), a pustis de s'àere iscurtadu un'arresonu de Lisia, chistionant de s'essèntzia bera de s'amore.[9]
Notas modìfica
- ↑ (IT) Grandi Monografie | Categorie prodotto | ILISSO, in ilisso.it. URL consultadu su 27 santandria 2019.
- ↑ (IT) Bibliotheca Sarda | Categorie prodotto | ILISSO, in ilisso.it. URL consultadu su 27 santandria 2019.
- ↑ (IT) Bibliotheca Sarda Grandi Opere | Categorie prodotto | ILISSO, in ilisso.it. URL consultadu su 27 santandria 2019.
- ↑ (IT) Situ ufitziale de s'Ilisso, in ilisso.it.
- ↑ (IT) OLBIAchefu, Marianne Sin-Pfältzer a Nuoro inaugura il nuovo Spazio Ilisso, in Olbia.it, 12 nadale 2019.
- ↑ (IT) Andrea Tramonte, Un nuovo museo nel centro di Nuoro. Arte e fotografia, ecco lo Spazio Ilisso, in Sardinia Post, 13 nadale 2019.
- ↑ (IT) Nuoro: il 14 dicembre l’inaugurazione di “Spazio Ilisso”, in Sardegna Reporter, 6 nadale 2019.
- ↑ (IT) Nuoro. Ordinanza del traffico per inaugurazione Spazio Ilisso, in Cronache Nuoresi, 13 nadale 2019.
- ↑ (IT) Introduzione al Fedro, in filosofico.net.
Artìculos ligados modìfica
Ligàmenes esternos modìfica
- (IT) Situ ufitziale de s'Ilisso, in ilisso.it. URL consultadu su 27 santandria 2019.
- (IT) Libros de s'Ilisso a disponimentu in Sardegnadigitallibrary, in sardegnadigitallibrary.it. URL consultadu su 27 santandria 2019 (archiviadu dae s'url originale su 27 santandria 2019).
- Contu de issuu de s'Ilisso, cun anteprimas de medas libros issoro, in issuu.com. URL consultadu su 27 santandria 2019.
| Controllu de autoridade | VIAF (EN) 157313241 · BNF (FR) cb17122506n (data) · LCCN (EN) n2005029391 · WorldCat Identities (EN) n2005-029391 |
|---|