Wikipedia

Natzionale sarda de Bòcia

iscuadra natzionale de fùbalu masculinu de sa Sardigna
Custu artìculu est iscritu cun sa grafia Limba Sarda Comuna. Abbàida sas àteras bariedades gràficas:

campidanesu · logudoresu · nugoresu

Sa Natzionale sarda de Bòcia est una rapresentativa de fùbalu (isport connotu in Sardigna siat cun cussu nùmene siat cun cussu de bòcia, chi est istadu cussu isseberadu dae sa FINS) de sa Sardigna, chi no est afiliada a sa FIFA ma a sa CONIFA, cunfederatzione de fùbalu internatzionale chi ponet in paris sas natzionales de natziones, etnias e pòbulos chene istadu, e est sa Natzionale de fùbalu de sa Sardigna.

Istemma de sa Natzionale Sarda

Istòria

modìfica

Sas primas amistosas istòricas

modìfica

Sa prima aparitzione ufitziale documentada de una Natzionale sarda est de su 1990. Sa Natzionale inglesa fiat in Sardigna in ritiru pro sa preparatzione de sos Mundiales de Itàlia '90, in ue diat àere a pustis fintzas giogadu, in Casteddu, duas de sas tres partidas de sa fase a girones (contra a s'Egitu e a s'Irlanda).[1] Fiat istada duncas allestita una formatzione de sos mègius giogadores sardos piscados dae sa Sèrie C e dae sos Diletantes pro pòdere afrontare sos inglesos in sa proa pre-mundiale. Sos primos giogadores a bestire sa màllia de sa natzionale de sa Sardigna, suta de Mariano Dessì, decanu de sos allenadores sardos de cudda època, sunt istados Nioi in ghenna, Spano, Moru, Bortolini e Tomasso in defensa, Francesco Marroccu (su chi diat divènnere prus a tardu diretore isportivu de su Casteddu), Martinez, Tolu e Ennas in tzentru-campu, Corda e Gianfranco Zola, ùnicu professionista e tando militante in su Nàpoli friscu de Iscudetu.[1] In su segundu tempus sunt intrados fintzas Toffolon, Laconi, Carta, Nieddu, De Laura, Mura, Napoli, Fara, e Angioni. Sa partida est acabada 10-2 pro sos inglesos: in unu momentu fiat andada in avantàgiu sa Sardigna, ma petzi gràtzias a un'autogol voluntàriu de Steve McMahon in su primu minutu, in antis chi sos giogadores isolanos tocarent galu sa bòcia. Custu gestu aiat bòlidu rapresentare in manera metafòrica su chi diant èssere istadas eventuales atziones violentas de sos Hooligans, s'ala prus facinorosa de sos tifosos inglesos, in cussu tempus tìmidos in totu s'Europa.[2] A pustis de cussa manifestatzione sa partida, pro more de s'ischilìbriu mannu de fortzas, fiat istada dominada dae s'Inghilterra, chi aiat signadu cun McMahon, una tripletta de Neil Webb e una de Peter Beardsley, una dopieta de Steve Bull e una retze de David Platt. Pro Tomasso, in cada manera, b'at àpidu su matessi sa glòria de signare su primu gol de s'istòria de sa Natzionale.[3]

 
Foto de grupu de sa Natzionale sarda in su 1997 in antis de s'amistosa contra a sa Còrsica giogada in Nùgoro

Fiant colados 7 annos in antis de si torrare a bìdere un'iscuadra sarda in campu. In su trìulas de su 1997, in su Quadrivio de Nùgoro, gràtzias a su dirigente nugoresu de su partidu indipendentista sardu Sardigna Natzione Indipendentzia Francesco Cesaraccio, fiat istada organizada un' amistosa intre sas natzionales de sas Ìsulas sorres, Sardigna e Còrsica.[4] A diferèntzia de sa truma pro sa partida contra sos inglesos, s'iscuadra teniat medas calciadores professionistas e su mègius de su fùbalu sardu de tando. Su Commissàriu Tècnicu est istadu Tastaia Giagnoni, chi at mutidu in ghenna Gianfranco Pinna e Giuseppe Nioi. In defensa Gian Battista Scugugia, Vittorio Pusceddu, Gianluca Festa e Salvatore Matrecano. In tzentru-campu Pier Giovanni Rutzittu, Marco Sanna, Pietro Garau, Massimiliano Panes, Alessandro Manca, Igor Martzianu e duos fìgios de emigrados: su sardu-tedescu Sergio Dischentes e su sardu-olandesu Daniel Agus. In atacu Gianfranco Zola, Tomaso Tatti, Roberto Manca, Roberto Cau, Emanuele Matzuzzi e unu àteru emigradu, su sardu-belga Antonio Lai. De notare su fatu chi su portieri Nioi e Zola sunt istados sos ùnicos cunvocados in ambos sos apuntamentos, diveninde gai primatistas in sa classìfica de presèntzias. Sa partida fiat istada echilibrada e aiat bintu sa Sardigna pro 1-0 cun unu gol a su de binti minutos de su segundu tempus de Zola.[5]

Sos primos tentativos de afiliatzione internatzionale

modìfica

Custa operatzione est abarrada ocasionale, e petzi 11 annos a pustis s'est torradu a faeddare de Natzionale Sarda. In su 2008[1], difatis, a Gonnos Fanàdiga est istada fundada sa Lega Federale Calcio Sardigna (sighende s'esèmpiu de sa Lega Federale Calcio Padania) dae Giampiero Sogus cun, comente a vitze-presidente, su chi tando fiat sìndigu de sa bidda a sos pees de su Monte Linas, Sisinnio Zanda. Comente a cussigeris bi fiat s'albergatore Marco Sardu e comente a segretàriu s'abogadu Franco Loi. Deretu sa Lega benit iscrita a sa NF-Board, tando dedita a s'organizatzione de sas cumpetitziones "No-FIFA", intre sas cales sa VIVA World Cup.[6]

Fintzas abarrende ufitzialmente iscrita a sa cunfederatzione mundiale finas a s'isorvimentu suo, peruna natzionale sarda est istada mai costituida, mancu pro fàghere amistosas, si non pro unu torneu amatoriale in Toscana in ue Sogus matessi at iscritu un'iscuadra a nùmene "Sardigna" ma cun giogadores toscanos sena orìgines isolanas.

S'era FINS e s'afiliatzione a sa CONIFA

modìfica
 
Logotipu de sa Federatzione Isport Natzionale Sardu (FINS), federatzione isportiva nàschida in su 2012 e chi dae su 2018 gestit fintzas s'iscuàdra de fùbalu.

In su 2012[1], gràtzias a initziativas culturales de su partidu polìticu indipendentista ProgReS, benit creada sa Federatzione Isport Natzionale Sardu (FINS), cun s'obietivu de sa creatzione de issèberos natzionales sardos, non limitados petzi a su fùbalu. Sas primas esperièntzias difatis sunt relativas a sa creatzione de sa Natzionale de fùbalu a 5, chi siat in su 2012 siat in su 2013 intrat in campu in antis in Fordongianus e a pustis in Nùgoro pro duas amistosas cun s'issèberu omòlogu de sa Catalugna.[7]

In su matessi tempus, in su 2013, pro neghe de de s'arribu malasortadu in Sardigna de su Tziclone Cleopatra, chi at causadu 19 vìtimas, sa sotziedade sarda aiat torradu a propònnere sa costitutzione de un'issèberu de fùbalu, fintzas petzi pro un'amistosa de benefitzèntzia in gradu de collire dinare pro sas vìtimas e pro sa ricostrutzione de sos tzentros abitados corfidos dae sa perturbazione. Pro s'organizatzione si fiat ofertu su giornalista de Assèmini Vittorio Sanna, radiocronista de sas partidas de su Casteddu pro s'emittente privada Radiolina e si fiat postu in cuntatu cun sos medas giogadores professionistas sardos de s'època. A s'incumintzu s'organizatzione cheriat fàghere un'amistosa contra su matessi Casteddu, ma su chi tando fiat presidente, Massimo Cellino, no aiat dadu su cunsensu. S'aiatt intentadu posca duncas de organizare una àtera amistosa contra sa Còrsica e fiat istada fissada fintzas sa data a maju de s'annu imbeniente, ma a sa fine no si nd'aiat fatu prus nudda.[8][9]

Petzi 5 annos a pustis sos progetos de Sanna e s'organizatzione de sa FINS ant tentu sutzessu e su 13 de santugaine de su 2018 sa federatzione at annuntziadu s'afiliatzione a sa CONIFA (Confederation of Independent Football Associations), organismu internatzionale màssimu pro su fùbalu chi no est afiliadu a sa FIFA chi agrupat totu sas “natzionales chene istadu” e organizat, intre sas vàrias cumpetitziones, sa Copa de su mundu CONIFA, trofeu chi est andadu a remplasare sa VIVA World Cup organizada in suta de s'ègida de sa NF-Board. In su matessi momentu a s'intrada in CONIFA, sa FINS at annuntziadu sa partetzipatzione a sos Europeos de su 2019 in Artsakh. FINS - Federatzione Isport Natzionale Sardu, FINS intrat in CONIFA pro fàghere sa natzionale sarda de bòcia, in FINS-Sardigna, 13 santugaine 2018. URL consultadu su 5 martzu 2019.</ref> Sa chida imbeniente at annuntziadu su commissàriu tècnicu nou suo, su sardu de Triè Bernardo Mereu, allenadore istòricu sardu chi at ghiadu formatziones isolanas in medas campionados de professionista e interregionales.[10]

Sa prima partida de s'era FINS, sa de tres in totale de s'istòria de sa Natzionale, est istada giogada su 19 martzu 2019 in s'Istàdiu Franco Frogheri de Nùgoro contra a sos Istrangios de Sardigna, una truma formada dae sos mègius istràngios militantes in sas formatziones diletantìsticas sardas, e est istada binta dae sos sardos pro 7-1. In retze Francesco Virdis de su Savona cun una tripleta, Daniele Molino de su Sanremese, Samuele Spano de su Budune e Toni Gianni de su Latte Dolce. Pro s'ocasione sunt istados cunvocados prus de 50 giogadores: sos tzìrculu professionistas però, pro neghe de s'istajone isportiva in cursu, no ant dadu s'ab pro sa partetzipatzione. S'iscuadra est istada tando assentada dae giogadores diletantes ebbia, francu sos duos giogadores de s'Altzaghena e Robert Acquafresca (Sion) e Paolo Dametto (Feralpisalò) cun custos ùrtimos duos chi però sunt abarrados in banchita.[11]

Su 6 de maju de su 2019 sa FINS at annuntziadu su ritiru de sa partetzipatzione sua a sa Copa de sos Campiones de Fùbalu CONIFA 2019 in Artsakh, pro neghe de sa mancàntzia de garantzias organizativas e logìsticas pro cunsentire a sa Natzionale, fata de giogadores professionistas, de afrontare una trasferta gasi remenosa, detzidende de impreare su tempus pro s'organizatzione de s'amistosa contra a sa Còrsica. Nointames s'abbandonu de sa manifestatzione, sa federatzione at garantidu sa permanèntzia in sa CONIFA.[12]

In su 2 de làmpadas de su matessi annu, in Terranoa, b'at àpidu su primu trofeu Simeoni-Simon Mossa intre sa Natzionale Sarda e sa Natzionale Corsa, sa prima partida internatzionale de s'era FINS.[13][14][15][16] Sa partida est istadu bintu dae sa Còrsica a sos rigores pro 5 a 2, e sa torrada est istada fissada pro su 2020 in Ajaccio.[17][18][19]

Su 25 ghennàrgiu 2020 sa FINS, at annuntziadu s'allenadore nou Vittorio Pusceddu (ex difensore chi at giogadu, intre totus sas àteras iscuadras in carriera, cun su Casteddu, S.S.C. Nàpoli, A.C/A.C.F. Fiorentina e Torinu F.C.) chi at pigadu su ruolu de Bernardo Mereu a pustis de un'annu de gestione.[20]

In su 2022 sa federatzione previdiat de cumpètere in sa Copa Europea de Fùbalu CONIFA 2022 e s'iscuadra est istada sortegiada cun Contea de Nitza e Duas Sitzìlias, ma a sa fine in maju ant isseberadu de si retirare de su torneu pro resones de seguridade e de colare a sa pianificatzione de una Tournèe Internatzionale contra Còrsica, Sitzìlia e Malta, cun custa ùrtima chi diat pòdere èssere sa prima aversària UEFA de s'istòria issoro a pustis de sa prima partida inaugurale contra a s'Inghilterra.[21]

Colores e sìmbulos

modìfica

Colores

modìfica

Dae sa gestione FINS, su colore printzipale impreadu est su birde craru ca, comente narat sa federatzione, est "unau richiamu istòricu e un'aùguriu a chi sa Sardigna torret, fintzas in su campu de su giogu de bòcia, a unu tempus de floridesa culturale e econòmica, gioghende e aberende·si in prima persona a su mundu".[22]

S'istemma

modìfica

S'istemma de sa Natzionale est un'iscudu attundadu cun elementos diferentes pigados dae sa cultura sarda. In s'ala de subra, in subra de s'isfundu birde est presente s'iscrita, in limba sarda, Sardigna e Natzionale de Bòcia. In s'ala printzipale sunt imbetzes presentes sos clàssicos Bator moros, fintzas si cun sa rughe de Santu Giòrghi in versione birde. In su tzentru de sa rughe, a pustis, in intro de unu pentàgonu birde pigadu dae s'istandard icònicu de sa bòcia de fùbalu, b'at un'àrbore irraighinadu istilizadu, su sìmbulu de su Giudicadu de Arborea, ùrtima entidade rapresentante sa Sardigna indipendente e sìmbulu chi totora caraterizat in unu muntone de variantes diferentes sos istemmas de prus de 80 comunas de s'Ìsula.[22]

Divisa

modìfica

In su primu incontru contra s'Inghilterra de su 1990 s'XI sardu est intradu in campu cun una màllia bianca cun minujas e collete a polu asulos, e sos caltzones rujos.[23] In sa segunda esperièntzia de su 1997 sa formatzione at impreadu unu cumpletu totu ruju cun una bandera de sos bator moros manna in petorras. In su 2018, a pustis de sa fundatzione noa de sa truma, sunt istadas presentadas sas màllias ufitziales noas prodùidas dae s'isponsor tècnicu Eye Sportswear. Pro sa prima màllia est istada isseberada una divisa bianca cun minujas birdes de medas tonalidades e una trama chi ammentat sos recramos tìpicos de s'artesania sarda in s'ala tzentrale de sa divisa, colores pigados dae su Giudicadu de Arborea, mentras pro sa màllia de trasferta s'est optadu pro una divisa totu ruja cun revessos biancos, in onore de sa bandera de sos bator moros.[24].

Records individuales

modìfica
 
Gianfranco Zola, possessore de su rècord de presèntzias in paris cun Giuseppe Nioi
  • Tabella agiornada a su 19 de martzu de su 2019. Su grassetu indicat giogadores galu in fainas in natzionale.
Record de presèntzias Record de retzes Record de presèntzias comente a capitanu
Pos. Giogadore Perìodu Presèntzias Retzes Pos. Giogadore Perìodu Retzes Presèntzias Retzes/pr. Pos. Giogadore Pres. capitanu
1 Gianfranco Zola 1990-1997 2 1 1 Francesco Virdis 2019- 3 1 3 1 Gianfranco Zola 1
2 Giuseppe Nioi 1990-1997 2 -5 2 Tomasso 1990 1 1 1 1 Vittorio Pusceddu 1
2 Daniele Bianchi 2019- 1 1 1 1 Claudio Pani 1
2 Daniele Molino 2019- 1 1 1
2 Samuele Spano 2019- 1 1 1
2 Toni Gianni 2019- 1 1 1
7 Gianfranco Zola 1990-1997 1 2 0.5

Capitanos

modìfica

Commissàrios tècnicos

modìfica
  • 1990: Mariano Dessì
  • 1997: Gustavo Giagnoni
  • 2018-2020: Bernardo Mereu
  • 2020-: Vittorio Pusceddu

Partetzipatziones internatzionales

modìfica
Annu Resurtadu G V S GF GS
Lapònia 2014  Non fiat galu in sa CONIFA - - - - - -
Abcàsia 2016  Non fiat galu in sa CONIFA - - - - - -
Bona 2018  Non fiat galu in sa CONIFA - - - - - -
Matzedònia de su Norte 2020  annulladu - - - - - -
Totale 0 0 0 0 0 0

Copa europea de fùbalu CONIFA

modìfica
Annu Resurtadu G V S GF GS
Terra de sos Sìculos 2015  Non fiat galu in sa CONIFA - - - - - -
Tzipru Nord 2017  Non fiat galu in sa CONIFA - - - - - -
Artsakh 2019  retirada 0 0 0 0 0 0
Nitza 2022   retirada
Totale 0 0 0 0 0 0

Iscuadra atuale

modìfica

Lista de sos giogadores cunvocados pro s'amistosa de su 19 de martzu de su 2019 in s'Istàdiu Franco Frogheri de Nùgoro contra sos Istràngios de Sardigna, una rapresentativa de istràngios militantes in Sardigna.[25]

  • CT: Bernardo Mereu 

Presèntzias, retzes e numeratzione agiornadas a su 24 de martzu de su 2019.

N. Pos. Giocadore Data de nàschida (edade) Pres. Retzas Iscuadra
1 P Marco Ruzittu 15 làmpadas 1991 (27 annos) 1 -0   Arzachena
99 P Alessandro Lai 1º ghennàrgiu 2000 (19 annos) 1 -1   Latte Dolce
* P Simone Aresti 15 martzu 1986 (33 annos) 0 -0   Cagliari
* P Mauro Vigorito 22 maju 1990 (28 annos) 0 -0   Lecce
2 D Alessio Fadda 4 santugaine 1995 (23 annos) 1 0   Atletico Uri
3 D Simone Varrucciu 11 cabudanne 1992 (26 annos) 1 0   Budoni
4 D Marco Cabeccia 25 maju 1987 (31 annos) 1 0   Latte Dolce
6 D Antonio Usai 21 trìulas 1993 (25 annos) 1 0   Tortolì
15 D Giampaolo Sirigu 3 martzu 1994 (25 annos) 1 0   Delta Porto Tolle
26 D Paolo Dametto 28 làmpadas 1993 (25 annos) 0 0   Feralpisalò
27 D Marco Russu 15 santugaine 1995 (23 annos) 1 0   Nuorese
* D Federico Boi 10 trìulas 1991 (27 annos) 0 0   Castiadas
* D Antonio Aldo Caracciolo 28 làmpadas 1994 (24 annos) 0 0   Cremonese
* D Andrea Congiu 19 nadale 1993 (25 annos) 0 0   Lanusei
* D Dario Del Fabro 24 martzu 1995 (24 annos) 0 0   Cremonese
* D Emerson Ramos Borges 16 austu 1980 (38 annos) 0 0   Potenza
* D Riccardo Idda 26 nadale 1988 (30 annos) 0 0   Cosenza
* D Davide Moi 7 làmpadas 1985 (33 annos) 0 0   Arzachena
* D Nicola Murru 16 nadale 1994 (24 annos) 0 0   Sampdoria
* D Simone Pinna 17 santugaine 1997 (21 annos) 0 0   Olbia
* D Francesco Pisano 29 abrile 1986 (32 annos) 0 0   Olbia
16 C Stefano Mereu 8 abrile 1987 (31 annos) 1 0   Atletico Uri
19 C Andrea Porcheddu 19 austu 1999 (19 annos) 1 0   Arzachena
21 C Daniele Bianchi 21 trìulas 1988 (30 annos) 1 1   Latte Dolce
23 C Claudio Pani   11 martzu 1986 (33 annos) 1 0   Sliema Wanderers
41 C Toni Gianni 8 martzu 1995 (24 annos) 1 1   Latte Dolce
43 C Alessandro Masala 17 santandria 1996 (22 annos) 1 0   Latte Dolce
* C Francesco Bianco 23 santandria 2000 (18 annos) 0 0   Torres
* C Francesco Bombagi 7 cabudanne 1989 (29 annos) 0 0   Pordenone
* C Salvatore Burrai 26 maju 1987 (31 annos) 0 0   Pordenone
* C Davide Carrus 19 martzu 1979 (40 annos) 0 0   Castiadas
* C Alessandro Deiola 1º austu 1995 (23 annos) 0 0   Cagliari
* C Andrea Demontis 10 ghennàrgiu 1995 (24 annos) 0 0   Lanusei
* C Francesco Dettori 2 martzu 1983 (36 annos) 0 0   Potenza
* C Riccardo Doratiotto 7 làmpadas 1999 (19 annos) 0 0   Cagliari
* C Andrea Feola 26 làmpadas 1992 (26 annos) 0 0   Bari
* C Daniele Giorico 1º ghennàrgiu 1992 (27 annos) 0 0   Virtus Verona
* C Stefano Guberti 6 santandria 1984 (34 annos) 0 0   Siena
* C Pietro Ladu 2 làmpadas 1995 (23 annos) 0 0   Lanusei
* C Karim Laribi 20 abrile 1991 (27 annos) 0 0   Verona
* C Alessandro Masia 28 cabudanne 1995 (23 annos) 0 0   Sandonà 1922
* C Marco Mancosu 22 austu 1988 (30 annos) 0 0   Lecce
* C Mattia Muroni 6 abrile 1996 (22 annos) 0 0   Olbia
* C Giuseppe Nuvoli 16 santandria 1987 (31 annos) 0 0   Arzachena
9 A Robert Acquafresca 11 cabudanne 1987 (31 annos) 0 0   Sion
10 A Francesco Virdis 16 ghennàrgiu 1985 (34 annos) 1 3   Savona
20 A Samuele Spano 7 trìulas 1994 (24 annos) 1 1   Budoni
22 A Paolo Palmas 4 austu 1993 (25 annos) 1 0   Latte Dolce
25 A Alessandro Cadau 1º santugaine 1984 (34 annos) 1 0   Muravera
42 A Emanuele Fini 30 abrile 2000 (18 annos) 1 0   Latte Dolce
56 A Daniele Molino 15 ghennàrgiu 1987 (32 annos) 1 1   Sanremese
- A Nicolò Sanna 5 cabudanne 1999 (19 annos) 1 0   Latina
* A Andrea Cocco 8 abrile 1986 (32 annos) 0 0   Padova
* A Matteo Mancosu 22 nadale 1984 (34 annos) 0 0   Virtus Entella
* A Giuseppe Mastinu 9 santugaine 1991 (27 annos) 0 0   Spezia
* A Antonio Mesina 11 ghennàrgiu 1993 (26 annos) 0 0   Castiadas
* A Daniele Ragatzu 21 cabudanne 1991 (27 annos) 0 0   Olbia
* A Andrea Sanna 25 ghennàrgiu 1983 (36 annos) 0 0   Arzachena
* A Stefano Sarritzu 19 maju 1992 (26 annos) 0 0   Torres
* A Marco Sau 3 santandria 1987 (31 annos) 0 0   Sampdoria
* A Luigi Scotto 18 cabudanne 1990 (28 anni) 0 0   Mantova
  • *: Sos giogadores indicados cun s'asteriscu no ant retzidu dae sas sotziedades propietàrias de su cartellinu su nudda-osta pro leare parte a s'amistosa.

Partidas giogadas

modìfica
Datat Cumpetitzione Logu Istàdiu Iscuadra de domo Acasagiados Resurtadu Tabellinu
5 làmpadas 1990 Amistosa Aristanis, Sardigna Istàdiu Cumonale Tharros Sardigna    Inghilterra 2-10 [3]
trìulas 1997 Amistosa Nùgoro, Sardigna Istàdiu Quadrivio Sardigna  Còrsica  1-0 [5]
19 martzu 2019 Amistosa Nùgoro, Sardigna Istàdiu Franco Frogheri Sardigna  Istràngios de Sardigna [26] 7-1 [11]
2 làmpadas 2019 Amistosa Terranoa, Sardigna Istàdiu Bruno Nespoli Sardigna  Còrsica  2-5 [17]
15 maju 2022 Amistosa Torpè, Sardigna Campu Isportivu Tonino Cossu Torpè  Sardigna  1-13 [27]

Organigramma

modìfica

De su situ web ufitziale de sa Federatzione Isport Natzionale Sardu[28]:

Truma Tècnica de sa Natzionale Sarda de Bòcia
  • Presidente: Stefania Campus
  • Visu-Presidente: Gabriele Littera
  • Commissàriu tècnicu: Vittorio Pusceddu
  • Collaboradore tècnicu: Stefano Udassi
  • Diretore generale: Vittorio Sanna
  • Diretore de s'iscuadra: Marcello Sanfelice
  • Segretàriu: Francesco Enna
  • Allenadore de sos portieri: Ferruccio Liscia
  • Preparadore atlèticu: Fabrizio D'Elia
  • Magasineri: Gigi Manca
  • Segundu Magasineri: Danilo Serpi
  • Responsàbile Mèdicu: Giorgio Demuro
  • Mèdicu: Daniele Farci
  • Fisioterapista: Carlo Emanuele Pusceddu
  • Massoterapista: Marco Collu

Riferimentos

modìfica
  1. ↑ 1.0 1.1 1.2 1.3 (EN) The Sardinia National Team, NSS Magazine.
  2. ↑ (EN) England's Matches Unofficial 1946 onwards, in www.englandfootballonline.com. URL consultadu su 5 martzu 2019.
  3. ↑ 3.0 3.1 (IT) Federico Ventagliò, Quel precedente della Nazionale Sarda, in www.tuttocagliari.net, 26 gennaio 2015. URL consultadu su 5 martzu 2019.
  4. ↑ Bustianu Cumpostu - NATZIONALE SARDA 2019 - GIOGAT CRAS IN NUGORO MA EST GIUSTU A AMMENTARE ISCHIT NATZIONALE SARDA 1998
  5. ↑ 5.0 5.1 FINS - Federatzione Isport Natzionale Sardu: #SardinianFootballHistory (Pàgina ufitziale Facebook)
  6. ↑ (IT) Mario Carta, Un posto per i quattro mori ai mondiali di calcio, in La Nuova Sardegna, 10 dicembre 2008. URL consultadu su 5 martzu 2019 (archiviadu dae s'url originale su 6 martzu 2019).
  7. ↑ (IT) Nuoro ospita la Fins, catalani e sardi in un derby di futsal indipendentista, in Diario Sportivo, 27 trìulas 2013. URL consultadu su 5 martzu 2019.
  8. ↑ (IT) Nazionale Sardegna contro Cagliari: amichevole per gli alluvionati, in Goal.com, 26 santandria 2013. URL consultadu su 5 martzu 2019.
  9. ↑ (IT) Alluvione, nazionale sarda in campo contro la Corsica, in La Nuova Sardegna, 5 nadale 2013. URL consultadu su 5 martzu 2019.
  10. ↑ (IT) Bernardo Mereu è il CT della Nazionale Sarda, in FINS-Sardigna, 19 santugaine 2018. URL consultadu su 5 martzu 2019.
  11. ↑ 11.0 11.1 (IT) Fabio Frongia e Francesco Aresu, Natzionale sarda, 7 gol al debutto, in Centotrentuno.com, 19 martzu 2019.
  12. ↑ (IT) La Natzionale Sarda rinvia la sua partecipazione ai tornei CONIFA, in FINS, 2 maju 2019. URL consultadu su 7 làmpadas 2022.
  13. ↑ (IT) Natzionale Sarda, i convocati per la sfida con la Corsica, in L'Unione Sarda, 21 maju 2019.
  14. ↑ (IT) La Natzionale sarda si prepara per l’incontro con la Corsica, in La Nuova Sardegna, 24 maju 2019. URL consultadu su 10 cabudanni 2019 (archiviadu dae s'url originale su 14 làmpadas 2022).
  15. ↑ (IT) Ilenia Giagnoni, In campo la Natzionale sarda. Mereu: "Corsica avversario tosto, siamo pronti", in L'Unione Sarda, 1 làmpadas 2019.
  16. ↑ (IT) Paolo Ardovino, La Natzionale sarda sfida la Corsica, in La Nuova Sardegna, 2 làmpadas 2019. URL consultadu su 10 cabudanni 2019 (archiviadu dae s'url originale su 14 làmpadas 2022).
  17. ↑ 17.0 17.1 (IT) Va alla Corsica il primo trofeo Simeoni-Simon Mossa, in FINS, 2 làmpadas 2019. URL consultadu su 10 cabudanni 2019.
  18. ↑ (IT) Conferenza Stampa post-partita Sardigna - Còrsica, in FINS, 4 làmpadas 2019. URL consultadu su 10 cabudanni 2019.
  19. ↑ (IT) Sardegna-Corsica, la "Natzionale" di Mereu sconfitta ai rigori, in L'Unione Sarda, 3 làmpadas 2019.
  20. ↑ (IT) Vittorio Pusceddu è il nuovo CT della Natzionale, in Centotrentuno, 25 ghennàrgiu 2020. URL consultadu su 7 làmpadas 2022.
  21. ↑ (IT) Natzionale Sarda: salta l’Europeo Conifa, ma sarà un’estate di impegni internazionali, in Centotrentuno, 12 maju 2022. URL consultadu su 7 làmpadas 2022.
  22. ↑ 22.0 22.1 FINS Sardigna, Lo Stemma, in www.fins-sardigna.net. URL consultadu su 5 martzu 2019.
  23. ↑   5 giugno 1990: la "Nazionale" sarda sfida l'Inghilterra di Bobby Robson, SardegnaSport.com, 8 làmpadas 2016. URL consultadu su 5 martzu 2019.
  24. ↑ (IT) Mauro Madeddu, La maglia della Sardegna La Nazionale di Mereu vestirà in biancoverde e rosso, in comunecagliarinews.it/, L'Unione Sarda, 18 nadale 2018. URL consultadu su 5 martzu 2019.
  25. ↑ (IT) FINS Sardigna, Convocazioni Natzionale Sarda per la partita del 19 Marzo, in www.fins-sardigna.net. URL consultadu su 1º martzu 2019.
  26. ↑ Rapresentativa de giogadores istràngios militantes in Sardigna
  27. ↑ (IT) Natzionale, buona la prima di Pusceddu: 13-1 al Torpé in amichevole, in Centotrentuno, 15 maju 2022. URL consultadu su 7 làmpadas 2022.
  28. ↑ Staff Tècnicu, Federatzione Isport Natzionale Sardu. URL consultadu su 27 ghennàrgiu 2020.

Artìculos ligados

modìfica

Ligàmenes esternos

modìfica

 
Wikimedaglia
Custu est unu de sos artìculos de su mese, est a nàrrere unu de sos mègius artìculos creados e postos in sa pàgina printzipale dae sa comunidade, chi l'at isseberadu pro su mese de maju de su 2019

Candidados pro sos meses benidores

Totu sos artìculos de su mese

Bogadu dae "https://sc.wikipedia.org/w/index.php?title=Natzionale_sarda_de_Bòcia&oldid=183330"