European Language Equality Network
Coordinadas: 48°16′41.16″N 3°34′22.44″W / 48.2781°N 3.5729°W
Limba Sarda Comuna. Abbàida sas àteras bariedades gràficas:
S'European Language Equality Network (ELEN) est un'organizatzione internatzionale non guvernativa ativa a livellu europeu chi òperat pro amparare e promòvere sas limbas europeas prus pagu impreadas (limbas prus pagu impreadas), est a nàrrere sas limbas regionales, sas limbas de minoria, sas limbas chi si sunt in perìgulu de estintzione, limbas co-ufitziales e limbas natzionales de sas natziones piticas.
| European Language Equality Network | |
|---|---|
 | |
| Incurtzadura | ELEN |
| Casta | ONG internatzionale |
| Fundatzione | 2011 |
| Punna | promotzione de sas limbas prus pagu impreadas |
| Sede tzentrale | Karaez |
| Indiritzu | 6 plasenn Gwirioù Mab-Den, 29270 |
| Àrea de atzione | Europa |
| Situ web | |
Istòria
modìficaS'ELEN l'ant costituida a pustis de sa serrada de EBLUL, European Bureau for Lesser-Used Languages, un'organizatzione non guvernativa cun punnas sìmiles fundada in su 1982 e serrada in su 2010.
Missiones
modìficaSas missiones e su traballu de sa ONG resurtant a intro de castas diferentes de interventu:[1]
- atividade de pressione polìtica (lobbying) cara a sas organizatziones internatzionales printzipales impinnadas in sa defensa de sos deretos umanos e colletivos (Natziones Unidas, Cussìgiu de Europa, Unione Europea).[2] S'ELEN si presentat che a sa boghe de sas minorias prus pagu intendìbiles, batende mescamente rivendicatziones a sos òrganos eletivos comente su Parlamentu europeu. S'ONG acumprit fintzas atziones a livellu locale, a esèmpiu impinnende·si in sa campagna natzionale in favore de sa ratìfica de sa Carta europea de sas limbas regionales o de minoria in Frantza[3], impinnende·si pro fàghere o giùghere a sas Natziones Unidas unu raportu in ue deplorat s'atitùdine de su guvernu ispagnolu cunfronta a sas minorias de limba no ispagnola[4][5] e assotziende·si a sos pensamentos de sos difensores de sas limbas minoritàrias pustis de s'essida de su Regnu Unidu de s'Unione europea.[6][7][8][9]
- aviare o pigare parte a progetos de compidu e atzione subra de sas limbas minoritàrias. Intre sos medas eventos de custa genia b'at fintzas su Babel Film Festival, cuncursu internatzionale pro su tzìnema de sas minorias linguìsticas.[10][11]
ELEN at contribuidu in particulare a s'incaminada de su Protocollu pro sa Garantzia de sos Deretos Linguìsticos de San Sebastián[12], chi elencat mesuras cuncretas pro garantire su respetu de sos deretos linguìsticos in Europa, e fintzas a su Digital Language Diversity Project, unu progetu pro sa creatzione e su cumpartzimentu de cuntenutos chi impreant limbas minoritàrias.[13]
Riferimentos
modìfica- ↑ (FR) Philippe Argouarch, Paul Molac : Il nous faut agir pour changer la Constitution avant l'élection présidentielle, in Agence Bretagne Presse. URL consultadu s'8 santandria 2021.
- ↑ (EN) Sam Morgan, Language discrimination rife across EU, in www.euractiv.com, 9 làmpadas 2016. URL consultadu s'8 santandria 2021.
- ↑ (EN) Row brews over French regional languages as country's upcoming EU council presidency ponders future of linguistic diversity, in The Parliament Magazine, 30 trìulas 2021. URL consultadu s'8 santandria 2021.
- ↑ (EN) Spain's "linguistic discrimination" debated in the European Committee on Civil Liberties for the first time, in Catalan News Agency, 17 March 2016. URL consultadu su 22 March 2017.
- ↑ (EN) International Manifesto in Support of Catalonia's Right to Freedom as a People - The Bullet, in Socialist Project, 31 maju 2021. URL consultadu s'8 santandria 2021.
- ↑ (EN) Éanna Ó Caollaí, Brexit a 'potential disaster' for minority languages, in The Irish Times, 22 June 2016. URL consultadu s'8 santandria 2021.
- ↑ (EN) Nikhil Sonnad, Brexit may threaten the many minority languages of Britain, in Quartz. URL consultadu s'8 santandria 2021.
- ↑ (EN) Brexit "disastrous" for Gaelic and Scots languages, warns European-wide campaigners, in HeraldScotland. URL consultadu s'8 santandria 2021.
- ↑ (EN) Brexit Could Devastate Celtic Languages, in Language Magazine, 6 nadale 2019. URL consultadu s'8 santandria 2021.
- ↑ (IT) 7a edizione Babel Film Festival, lunedì 6 dicembre a Cagliari: il programma, in Cagliari Post, 5 nadale 2021. URL consultadu su 18 nadale 2021.
- ↑ (IT) Babel Film Festival 2021, in Cagliaripad, 30 santandria 2021. URL consultadu su 18 nadale 2021.
- ↑ (FR) Le Protocole de Donostia est déjà une réalité : les mesures permettant de concrétiser les droits linguistiques seront prêtes pour le 17 décembre, in Protocol to Ensure Language Rights. URL consultadu su 22 martzu 2017 (archiviadu dae s'url originale su 22 martzu 2017).
- ↑ (EN) Who | The Digital Language Diversity Project, in Digital Language Diversity Project. URL consultadu s'8 santandria 2021 (archiviadu dae s'url originale s'8 santandria 2021).
Ligàmenes esternos
modìfica- Situ ufitziale, in elen.ngo. URL consultadu su 1º santandria 2022.