Organizatzione pro sa Cooperatzione e s'Isvilupu Econòmicu

Custu artìculu est iscritu cun sa grafia Limba Sarda Comuna. Abbàida sas àteras bariedades gràficas:

campidanesu · logudoresu · nugoresu

S'Organizatzione pro sa Cooperatzione e s'Isvilupu Econòmicu (OCIE, o OECD segundu sa sigla in inglesu) est un'organizatzione internatzionale formada dae sos paisos suta-isvilupados chi atzetant sos printzìpios de democratzia partetzipativa e de su lìberu mercadu. Fiat originada in su 1948 che Organizatzione pro sa Cooperatzione Econòmica Europea (OCEE), pro agiudare in sa gestione de su Pranu Marshall pro sa torrada a fraigare de s'Europa a pustis de sa Segunda Gherra Mundiale. A pustis si fiat allargada fintzas a istados no europeos, e su 1961 s'est cunvertida in s'organizatzione atuale.

Organizatzione pro sa Cooperatzione e s'Isvilupu Econòmicu
(EN) Organisation for Economic Co-operation and Development
Incurtzadura	OCIE (OECD)
Fundatzione	1961
Punna	Istimulare su progrèssu econòmicu
Sede tzentrale	Parigi, Frantza
Àrea de atzione	Mundu
Motu	(EN) Better policies for better lives
Situ web

Sa sede de s'OCIE s'agatat in Parigi (Frantza) e òcupat su Château de la Muette, comporadu dae sa famìlia Rothschild. Dae su 1 de làmpadas de su 2006 su messicanu Ángel Gurría nd'est su segretàriu generale (est su primu segretàriu de unu "istadu de su sud" chi apant seberadu).

Istados membros

Istados fundadores

Àustria, Bèlgiu, Danimarca, Frantza, Grètzia, Irlanda, Islanda, Itàlia, Lussemburgu, Norvègia, Paisos Bàscios, Portogallu, Rennu Unidu, Isvètzia, Isvìtzera, Turchia.

Istados intrados a pustis

Germània, Ispagna, Istados Unidos, Cànada, Giapone, Finlàndia, Austràlia, Noa Zelanda, Mèssicu, Repùblica Tzeca, Corea de su sud, Polònia, Ungheria, Islovàchia, Tzile, Estònia, Israele, Islovènia, Letònia.