Mariantonietta Piga
Limba Sarda Comuna. Abbàida sas àteras bariedades gràficas:
Mariantonietta Piga (Nùgoro, 2 de abrile de su 1968)[1] est una giornalista, tradutora e ativista culturale sarda.
| Mariantonietta Piga | |
|---|---|
| Nùmene intreu | Mariantonietta Francesca Piga |
| Nàschida | 2 de abrile de su 1968 Nùgoro |
| Natzionalidade | sarda |
| Tzitadinàntzia | italiana |
| Genitores | Babbu: Jubanne Piga |
| Alma mater | Universidade de Casteddu |
| Traballu | giornalista, tradutora, ativista culturale |
| Datore de traballu | |
Fìgia de su poeta e iscritore sardu Jubanne Piga, at traballadu pro TeleSardegna e Tele Costa Smeralda, in ue at presentadu programmas in limba sarda e in italiana.
Laureada in Lìteras Antigas in s'Universidade de Casteddu, in ue at sighidu sos cursos de linguìstica sarda[2], est istada dae su 2006 a su 2013 coordinadora de s’Ufìtziu Limba Sarda de sa Provìntzia de Nùgoro[3].
Dae su 2013 at traballadu, imbetzes, cun s'Ufìtziu Linguìsticu Regionale.
At bortadu tres libros dae s'italianu a su sardu, duos de Emilio Salgari (Su Corsaru Nieddu, in italianu Il corsaro nero, e Sas Tigres de Mòmpracem, in italianu Le tigri di Mompracem) e unu de Edmondo de Amicis (Coro, in italianu Cuore)[4][5][6].
In su 2022 est istada redatora de S'intelligèntzia de Elias, unu giallu distòpicu in limba sarda iscritu dae Giuseppe Corongiu e publicadu dae sa domo editora Janus[7], e s'8 de santugaine de su matessi annu at fatu parte de sa giuria de sa prima editzione de su Prèmiu Ondras pro sa Promotzione e Valorizatzione de sas Limbas Minoritàrias.[8][9][10][11]
Televisione
modìfica- Telediàriu, Telesardegna.
- Tiri Tiri Fatos e Curiosidades, Telesardegna.
- In camminu, Tele Costa Smeralda.
- (IT) Senza confini, Telesardegna.
- S’OU E SA PUDDA – In coghina cun Daniele e Maria, Tele Costa Smeralda.
- Prendas, Tele Costa Smeralda.
Òperas
modìficaLibros iscritos
modìfica- Giuliana Portas, Michele Ladu e Mariantonietta Piga, Impara su sardu: atividades didàticas 1, a incuru de Isportellu linguìsticu regionale, 2016, ISBN 978-88-88817-07-1, OCLC 1136161246, SBN IT\ICCU\CAG\2078403.
- Ufìtziu de sa limba sarda Provìntzia de Nùgoro, Biddas de sa provìntzia de Nùgoro, Provìntzia de Nùgoro, 2014.
Bortaduras in sardu de òperas de àteros autores
modìfica- Edmondo De Amicis, Coro, tradutzione de Mariantonietta Piga, Grafica del Parteolla, 2011, ISBN 978-88-96778-69-2, OCLC 955218157. URL consultadu su 20 maju 2020 (archiviadu dae s'url originale su 20 maju 2020).
- Emilio Salgari, Sas Tigres de Mòmpracem, tradutzione de Mariantonietta Piga, Grafica del Parteolla, 2013, ISBN 978-88-6791-068-7. URL consultadu su 20 maju 2020 (archiviadu dae s'url originale su 20 maju 2020).
- Emilio Salgari, Su Corsaru Nieddu, tradutzione de Mariantonietta Piga, Grafica del Parteolla, 2012, ISBN 978-88-6791-016-8. URL consultadu su 20 maju 2020 (archiviadu dae s'url originale su 20 maju 2020).
Riferimentos
modìfica- ↑ (IT) Luciano Piras, La limba sarda rinasce nella rete Facebook, in La Nuova Sardegna, 30 abrile 2012. URL consultadu su 5 maju 2023.
- ↑ Preguntas - Mariantonietta Piga, in Làcanas.it, 2013. URL consultadu su 9 santugaine 2022.
- ↑ Piga: Lsc isperimentada a fitianu cun adatamentos e emendamentos. Ma como lompent tempos tristos, in Limba Sarda 2.0. URL consultadu su 19 maju 2020.
- ↑ Sa limba Sarda in sa mustra de su libru: Macumere 2012., in Limba Sarda 2.0. URL consultadu su 19 maju 2020.
- ↑ (IT) Una nuorese ha tradotto in sardo “Cuore” di De Amicis, in La Nuova Sardegna, 28 nadale 2012. URL consultadu su 19 maju 2020.
- ↑ (IT) "Tigres de Mompracem", Sandokan in sardo - Sardegna, in ANSA.it, 6 abrile 2017. URL consultadu su 19 maju 2020.
- ↑ Giuseppe Corongiu, S'intelligèntzia de Elias, Casteddu, Janus Editore, 2022, ISBN 978-88-7593-106-3.
- ↑
TeleSardegna, Cagliari. Premio Ondras. Riconoscimento per attivisti delle lingue minoritarie in Europa 08 10 22, in YouTube.
- ↑ (IT) Fillippo Petrucci, Consegnato oggi a Cagliari il Premio Ondras per la diffusione delle lingue minoritarie europee, in Acli Sardegna, 8 santugaine 2022. URL consultadu s'8 santugaine 2022.
- ↑ (IT) Lingue minoritarie | Ecco i vincitori del titolo Ondras 2022, in Cagliaripad, 31 trìulas 2022. URL consultadu s'8 santugaine 2022.
- ↑ (IT) Premio “Ondras 2022”: per la Sardegna il riconoscimento alla memoria di Paolo Pillonca, in L'Unione Sarda, 30 trìulas 2022. URL consultadu s'8 santugaine 2022.
| Controllu de autoridade | VIAF (EN) 13157523176227030262 · CANTIC (CA) a19885969 · OL OL10818731A · WorldCat Identities (EN) 13157523176227030262 |
|---|