Wikipedia

Tore Cubeddu

produtore tzinematogràficu e televisivu e presentadore sardu
Custu artìculu est iscritu cun sa grafia Limba Sarda Comuna. Abbàida sas àteras bariedades gràficas:

campidanesu · logudoresu · nugoresu

bùssola Disambiguatzione – Si ses chirchende s'istudiosu, giornalista e sindacalista nàschidu in Sèneghe in su 1945, càstia Sarvadore Cubeddu.


Sarvadore "Tore" Cubeddu (Glarus, 1975)[1][2] est unu regista, iscienegiadore, produtore tzinematogràficu e televisivu, presentadore e iscritore sardu.

Tore Cubeddu
Nùmene intreuSarvadore Cubeddu
Àteros nùmenesSalvatore Cubeddu
Nàschida1975
Glarus, Isvìtzera
Natzionalidadesarda
Tzitadinàntziaisvìtzera, italiana
Alma mater
Traballuregista, iscienegiadore, produtore tzinematogràficu e televisivu, presentadore e iscritore

Biografia

modìfica

Nàschidu in Glarus, in Isvìtzera, in su 1986 s'est tramudadu a Sardigna, in Sèneghe[2], in ue at incumintzadu a fàghere sos primos traballos audiovisivos suos.[3] A pustis de su diploma, in s'istitutu de arte de Aristanis[4], at istudiadu in Germània, in sa Maximilian Universität de Mònacu de Baviera, in ue at imparadu su tedescu, e un'annu a pustis s'est iscritu in Filosofia in s'Universidade de Casteddu[4], sighende a istudiare in ambos logos, sighende cun sos traballos suos e ammaniende sa tesi sua, subra de Kandinsky, in Mònacu.[3] Pustis de sa làurea at frecuentadu su Master in Tècnicas de sa Narratzione in s'Iscola Holden de Torinu.[3][5]

Dae su 2004 at incumintzadu a traballare comente operadore in s’Ufìtziu de sa Limba e de sa Cultura Sarda de sa Provìntzia de Aristanis, in ue at fintzas pigadu parte a su progetu de su cursu interativu de sardu "Dischente".[6][7][8] In sos annos a pustis at sighidu a s'interessare meda a sas chistiones ligadas a sa limba sarda, cun medas produtziones e artìculos in sardu siat subra de chistiones ligadas a su tzìnema[9] siat de àtera genia.[10][11] Su primu programma suo in televisione est de su 2004, in Tele Costa Smeralda.[4]

In sos annos at fatu medas films curtzos e documentàrios. Sos primos documentàrios sunt istados Poetas seneghesos, in su 2002 e Bajram, chi contat sa vida de unu pitzinnu bosnìacu in su tempus de sa gherra, in su 2003. Faghent parte, in càmbiu, de sos films curtzos La danza dei coltelli (2003), I due deficienti (2003), realizadu cun sa supervisione de Abbas Kiarostami, Libero, Beckim (2005), Mob 1 e Mob 2 (2006),  duos films subra de su mobbing realizados pro su Comune de Casteddu e Formez, Stazzi di Gallura (2006) e Luce tra i graniti (2006), publitzidade e documentàriu realizados pro su Cunsòrtziu Istatzos de Gaddura.[3]

In su 2010, paris a Antonello Zanda e Paolo Carboni, at fundadu s'Assòtziu Culturale Babel, chi organizat su Babel Film Festival in collaboratzione cun sa Sotziedade Umanitària - Tzineteca Sarda, sas domos de produtzione tzinematogràficas e televisivas Terra de Punt e Areavisuale Film e cun cun su suportu de sa Fundatzione Sardegna Film Commission. In su matessi annu at publicadu su primu libru suo, Cisaus, cun sa domo editora Transeuropa Edizioni.[1]

In su 2012 at fundadu sa domo de produtzione Terra de Punt, de sa cale est s'amministradore e diretore[12], e at iscritu e publicadu s'audiolibru pro pitzinnos Sa prenda cuada.[13] In su matessi annu at dirigidu su documentàriu Conversazione con Syberberg, in sardu e tedescu e cun sutatìtulos in italianu.[14]

In su 2014, cun Sardex SpA, su canale televisivu EjaTV[5], cun programmas in limba sarda e in sas àteras limbas de Sardigna. A pustis, in sa famìlia de EjaTV e de Terra de Punt est intradu fintzas su situ de eventos SardegnaEventi24.[4] Dae su 2021, sos programmas de EjaTV los at incumintzadu a trasmìtere su canale nou Radio Televisione Sarda.[15]

In su 2015 at presentadu, in sardu, sa direta de cussu annu de sa Sartiglia[16][4], e in su 2021 sa de sa protzessione de Sant'Efis dae Casteddu a Nora.[4]

In su 2023, paris a Micheli Ladu, at curadu sa tradutzione de su libru de Anthony Muroni In s'àndala de is gigantes: Un'istòria ispantosa.

At insegnadu e insegnat iscenegiadura in sas iscolas, collàborat cun sa Tzineteca sarda de Casteddu e est redatore de sa rivista de tzìnema "Teorema".[5]

Òperas

modìfica

Tzinematogràficas

modìfica
  • Poetas seneghesos (2002)
  • Bajram (2003)
  • La danza dei coltelli (2003)
  • I due deficienti (2003)
  • Libero (2005)
  • Beckim (2005)
  • Mob 1 (2006)
  • Mob 2 (2006)
  • Stazzi di Gallura (2006)
  • Luce tra i graniti (2006)
  • Conversazione con Syberberg (2012)

Programmas televisivos

modìfica
  • Diàriu (2004)
  • Mànnigos de atualidade (2013)
  • Totu e Nudda (2013, cun Bachis Bandinu e GIuanne Sanna)[4][17]
  • Benidore
  • Sa bellesa (2022, cun Elio Turno Arthemalle e Frantziscu Medda)[10]
  • Manos de Oro (2022)[11]

Audiolibros

modìfica

Libros

modìfica

Comente autore

modìfica

Comente tradutore

modìfica
  • Antoni Murone, In s'àndala de is gigantes: Un'istòria ispantosa, tradutzione de Tore Cubeddu e Micheli Ladu, Casteddu, Edizioni La Zattera, 2023, ISBN 979-12-2205-530-5.

Riferimentos

modìfica
  1. ↑ 1.0 1.1 (IT) Tore Cubeddu - Sardegna Biblioteche, in www.sardegnabiblioteche.it. URL consultadu su 10 freàrgiu 2023.
  2. ↑ 2.0 2.1 torecubeddu, in torecubeddu.blogspot.com. URL consultadu su 10 freàrgiu 2023.
  3. ↑ 3.0 3.1 3.2 3.3 (IT) Cubeddu Tore, in www.cinemecum.it. URL consultadu su 10 freàrgiu 2023.
  4. ↑ 4.0 4.1 4.2 4.3 4.4 4.5 4.6   Giuanne Runchina, Istòrias - sa puntada de deghessete cun Tore Cubeddu, in YouTube, Làcanas TV. URL consultadu su 10 freàrgiu 2023.
  5. ↑ 5.0 5.1 5.2 (IT) Tore Cubeddu, in Officine Permanenti. URL consultadu su 10 freàrgiu 2023.
  6. ↑ (IT) Il sardo entra nei Comuni col progetto Dischente.it, in La Nuova Sardegna, 23 nadale 2012. URL consultadu su 10 freàrgiu 2023.
  7. ↑ (IT) Uso del sardo, alta partecipazione all'incontro formativo, in Provincia di Oristano, 19 nadale 2012. URL consultadu su 10 freàrgiu 2023.
  8. ↑ (IT) Impiegati e insegnanti a lezione di lingua sarda con "Dischente", in LinkOristano, 19 nadale 2012. URL consultadu su 10 freàrgiu 2023.
  9. ↑ Cinemecum - Linu a Colores, in www.cinemecum.it. URL consultadu su 10 freàrgiu 2023 (archiviadu dae s'url originale su 10 freàrgiu 2023).
  10. ↑ 10.0 10.1 SA BELLESA, in EJATV, 11 cabudanni 2022. URL consultadu su 10 freàrgiu 2023.
  11. ↑ 11.0 11.1 MANOS DE ORO, in EJATV, 31 ghennàrgiu 2023. URL consultadu su 10 freàrgiu 2023.
  12. ↑ (IT) Chi siamo - Terra de Punt, in Terra de Punt, 13 nadale 2021. URL consultadu su 10 freàrgiu 2023.
  13. ↑ Marina, Sa prenda cuada, in www.centroserviziculturali.it. URL consultadu su 10 freàrgiu 2023.
  14. ↑ (SC, DE, IT) Conversazione con Syberberg, in EJATV, 3 freàrgiu 2021. URL consultadu su 10 freàrgiu 2023.
  15. ↑ (SC, IT) Sardegnaeventi24.it - Est nàschia sa Radio Televisione Sarda, in www.facebook.com. URL consultadu su 25 ghennàrgiu 2022.
  16. ↑ (IT) TUTTO QUEL CHE C'E' DA SAPERE SULLA SARTIGLIA 2015, in Tracce di Sardegna. URL consultadu su 10 freàrgiu 2023.
  17. ↑ (IT) Appuntamenti - Programmi radio RAI Sardegna - Palinsesto, in Sardegna Cultura. URL consultadu su 10 freàrgiu 2023.

Artìculos ligados

modìfica

Ligàmenes esternos

modìfica
Controllu de autoridadeVIAF (EN) 233412390 · ISNI (EN) 0000 0004 1979 1711 · OL OL10819297A · SBN (IT) CAGV648663 · WorldCat Identities (EN) 233412390
Bogadu dae "https://sc.wikipedia.org/w/index.php?title=Tore_Cubeddu&oldid=184917"