Wikipedia:Wikifèminas 2020
| Ti damus sa benebènnida in Wikifèminas 2020
Sa prima maratona de iscritura de sa Wikipedia sarda. |
Introdutzione
modìficaPro su mese de maju sa Wikipedia sarda est ammaniende una wiki-maratona, sa prima inoghe, e pro s’argumentu amus isseberadu sas biografias de sas fèminas sardas, cun s’idea de megiorare sos artìculos (pagos e galu tropu curtzos) chi giai esistint e nde fàghere de noos, pro ismanniare sa presèntzia issoro inoghe, chi est galu tropu minore. Gràtzias a una collaborazione cun Amical Wikimedia, s’organizatzione de sos wikipedianos catalanos, amus otentu una lista de fèminas sardas chi tenent un’artìculu in sa wikipedia catalana e in cussa italiana, in manera de tènnere un’elencu de artìculos de creare fintzas in cussa sarda. Si s'idea bos agradat, aunide·bos a nois!
Longària
modìficaSa maratona at a incumentzare su 1 de maju 2020 e at a acabbare su 31 de su matessi mese. Si sos artìculos de creare ant a èssere totu fatos, at a sighire a abarrare aberta su matessi, finas a su 31, pro sas megiorias ebbia.
Modalidades de traballu
modìficaPro chie cheret pigare parte a sa maratona, in s’Agiudu at a pòdere agatare una ghia pro imparare a iscrìere artìculos, e in cada manera s'amministradore responsàbile, L2212, at a compidare sas modìficas pro fàghere in manera chi siat totu a postu e non bi siant errores. S’in casu mai bos at a serbire agiudu, ais a pòdere pedire agiudu fintzas a issu in sa pàginas de sas cuntierras sua. In prus, ais a pòdere impreare totu su materiale chi si podet agatare in ìnternet pro agiudare a iscrìere in limba sarda:
1 - Sos curretores ortogràficos in lìnia, a disponimentu in duas versiones:
2 - Apertium, su tradutore automàticu dae su catalanu e dae s'italianu a su sardu, in grafia LSC, chi est fintzas integradu in sa funtzionalidade de tradutzione de sos artìculos de Wikipedia (a disponimentu petzi pro chie tenet unu contu registradu), e si podet impreare in ie o in su situ suo. Una ghia pro s'impreu suo in wikipedia si podet agatare finzas inoghe, frunida·nos dae Sardware.
3 -Sos ditzionàrios de sa limba sarda, de cada genia
4 - Sas èntulas pro acrarire cal'est sa grafia chi ais a impreare (dage cara a non fàghere incumentzare brigas mudende sa chi ant impreadu calicun'àtere in sa parte de testu sua!)
Cussigiamus a totus de si registrare in antis de incumentzare a traballare, ca ant a pòdere impreare cosas che a s'aina de tradutzione, chi pro chie est anònimu no est a disponimentu, e at a èssere meda prus fàtzile chistionare e arresonare cun totu cantos e traballare paris!
Lista de artìculos de creare o megiorare
modìficaCusta lista, comente giai iscritu in subra, est pro sa majoria una lista de artìculos de fèminas sardas in sa Wikipedia catalana e in cussa italiana, cun in prus carchi àteru nùmene annànghidu pro s'importàntzia sua. Chie cheret propònnere un'àteru nùmene, però, tenet sa possibilidade de lu fàghere in fundu a custa pàgina, frunende nùmene e sambenadu (e fintzas su paranùmene, si est de annotu) de custa persone, e unas cantas notas biogràficas o carchi cosa chi acraret proite diat dèpere tènnere, a parre bostru, un'artìculu in Wikipedia. Pro pompiare sos artìculos in sas àteras versione de Wikipedia, s'in casu mai bos potzant èssere ùtiles che a riferimentu, incarcade in sas "X" a curtzu a sos nùmenes!
Propostas de àteros nùmenes
modìfica- ...
- ...
- ...